Православная молитва - Православная книга

21 октября (по старому стилю 8 октября)
Неделя 21-я по Пятидесятнице. Глас 4-й

Память святых угодников Божиих:
святых отцов VII Вселенского Собора (787 г.); Казанских святителей, в Соборе прославленных; Вятских святых, в Соборе прославленных; святителя Антония (Добрыни Андрейковича), архиепископа Новгородского; преподобномученика Варлаама (Ефимова); священномучеников Димитрия, архиепископа Можайского, и с ним Иоанна (Хренова) диакона, преподобномучеников Амвросия (Астахова) и Пахомия (Туркевича), преподобномученицы Татианы (Бесфамильной), мученика Николая (Рейна), мучениц Марии (Волнухиной) и Надежды (Ажгеревич); преподобного Досифея Верхнеостровского, Псковского; преподобномученика Игнатия Нового, Афонского, Константинопольского; священномученика Ионы, епископа Велижского, преподобномученика Серафима (Щелокова), священномучеников Петра (Никотина) Василия (Озерецковского), Павла (Преображенского), Петра (Озерецковского), Владимира (Сперанского) пресвитеров, мучеников Виктора (Фролова), Иоанна (Рыбина), Николая (Кузьмина) и мученицы Елисаветы (Курановой); преподобной Пелагии Антиохийской, Елеонской, Палестинской; мученицы Пелагии девы, Антиохийской; преподобной Таисии Египетской, Фиваидской; преподобного Трифона Вятского, архимандрита.

Поздравляем именинников!

Тропарь, глас 8 (святым отцам Седьмого Вселенского Собора):
Препрославлен еси, Христе Боже наш, светила на земли отцы наши основавый, и теми ко истинней вере вся ны наставивый, Многоблагоутробне, слава Тебе.

Кондак, глас 6 (святым отцам Седьмого Вселенского Собора):
Иже от Отца возсияв Сын неизреченно, из Жены родися сугуб естеством, Егоже видяще, не отметаемся зрака изображения, но сие благочестно начертающе, почитаем верно, и сего ради истинную веру Церковь держащи, лобызает икону вочеловечения Христова.

Тропарь, глас 4 (святителю Гурию, архиепископу Казанскому):
От младости удаляяся земнаго мудрования и последовав скорбным путем Законоположителю своему Христу Богу, темже и Он тя воздарова на земли нетлением, на Небесех же со угодившими Ему архиереи ликовствуеши, Гурие святителю, моли Христа Бога подати отечеству нашему на враги победу и мир мирови, и душам нашим велию милость.

Тропарь, глас 8 (святителю Варсонофию, епископу Тверскому, Казанскому):
По Божием законе ревнителю, лютый разрушителю неприязненныя лести, яко миром, потом своим во трудех и бдениих подвизася посреде Казанскаго царствия, обитель строя Боголепнаго Преображения и великому своему учителю Гурию последуя, с нимже великий союз имея духовный, якоже в животе, такоже и по преставлении: обретением честных мощей ваших во едино время и многими чудесы вас Бог прослави; и, радостно восходя в Небесныя обители, твердый камене веры, от иноплеменник многи скорби претерпел еси, добрый вводниче в вечную жизнь, в нюже, молим тя, введи ны, преподобне отче наш Варсонофие, и моли Христа Бога спастися душам нашим.

Тропарь, глас 4 (святителю Герману, архиепископу Казанскому):
Яко великим пастырем единонравна и учителем вселенныя единомысленна, Церкве Божия служителя усердна и строителя Таин Христовых благоговейна, стекшеся благовернии людие, Свияжския обители богомудраго основателя и Казанския новопросвещенныя паствы святителя Германа песньми и пении восхвалим, глаголюще: не престай присещати молитвами твоими на обитель и на всю паству твою, и обитель во святыни, паству же в вере и благочестии блюди невредимо.

Тропарь, глас 4 (преподобному Досифею Верхнеостровскому, Псковскому):
Яко светильник всесветел явился еси во острове Псковского езера, преподобне отче наш Досифее. Ты бо Крест Христов от юности своея на рамо взем, усердно Тому последовал еси, чистотою Богови приближився, отонудуже и чудес дарованием обогатился еси. Темже и мы, притекающе ко святей иконе твоей, умильно глаголем: отче преподобне, моли Христа Бога спастися душам нашим.

Кондак, глас 2 (преподобному Досифею Верхнеостровскому, Псковскому):
Чистотою душевною божественно вооружився и непрестанныя молитвы, яко копие, вручив, крепко поборол еси бесовская ополчения, Досифее отче наш, моли непрестанно о всех нас.

Кондак, глас 2 (преподобной Пелагии Антиохийской, Елеонской, Палестинской):
Тело твое постами изнуривши, бденными молитвами Творца умолила еси о деяниих твоих, яко да приимеши совершенное оставление, еже и обрела еси, мати, яве, путь покаяния показавши.

Тропарь, глас 8 (преподобной Таисии Египетской, Фиваидской):
В тебе, мати, известно спасеся еже по образу: приимши бо крест, последовала еси Христу, и деющи учила еси презирати убо плоть, преходит бо, прилежати же о души, вещи безсмертней; темже и со Ангелы срадуется, преподобная Таисие, дух твой.

Кондак, глас 2 (преподобной Таисии Египетской, Фиваидской):
За любовь Господню, преподобная Таисие, покоя желание возненавидела еси, пощением дух твой просветивши, крепко бо звери победила еси; но молитвами твоими противных шатание разори.

Величание
Ублажаем тя, преподобная мати Таисие, и чтим святую память твою, ты бо молиши за нас Христа Бога нашего.

Тропарь, глас 4 (преподобному Трифону Вятскому, архимандриту):
Яко светозарная звезда, возсияла еси от востока до запада, оставль бо свое отечество, дошел еси Вятския страны и богоспасаемаго града Хлынова, в немже обитель во славу Пресвятыя Богородицы создав, и тамо на добродетель вперився, собрал еси иночествующих множество и, сих наставляя на путь спасения, был еси Ангелом собеседник и постником сопричастник, Трифоне преподобне, с ними Христа Бога моли спастися душам нашим.

Кондак, глас 8 (преподобному Трифону Вятскому, архимандриту):
Днесь в начале основания добродетелем, блаженне, положил еси в души своей страх Божий, от юности взем крест свой, благочестно Христови последовал еси, ангельским образом облечеся и бысть монах предивен, в добродетелех цветяше, к будущим Богови простираяся. И своей плоти, яко врагу, немилостив, отче, был еси, терпением явися, блаженне, яко злато искушено в горниле, но и ныне не забуди посещати чад своих, поминай нас, чтущих пресветлую память твою, да вси благодарне вопием ти: радуйся, премудре Трифоне, наставниче монахом.

Православная книга почтой pravmolitva.ru