Православная молитва - Православная книга

По иконографическому типу Табынский образ очень близок к Казанской иконе Пресвятой Богородицы. Богоматерь изображена огрудно, с наклоном головы влево, к Младенцу Христу. Богомладенец предстоит анфас, благословляя правой рукой, наклоненной в сторону Богоматери; Его левая рука скрыта под одеждами. Лики Божией Матери и Иисуса Христа на первообразе темные, ризы – светлые.
Перед Табынской иконой специально молятся об исцелении от болезней глаз, в т.ч. слепоты. Божию Матерь просят также об умягчении злых сердец, о даровании сокрушения о грехах, помощи в борьбе со страстями злословия, лжи, клеветы, лести, напрасного обвинения ближних, зависти, гордости. К Ней обращаются и те, кто хочет получить избавление от болезней, бед, скорбей, греховных привычек, укрепление в Православной вере, а также другие блага для нынешней и будущей жизни.

Молитва первая ко Пресвятой Богородице
пред иконою «Табынская»

О Пресвятая Владычице Богородице, Мати Господа нашего Иисуса Христа непрестанная о нас пред Богом Молитвенница и Ходатаица. О Мати наша Преблагая, всех нас при Кресте Сына Твоего усыновившая. Благодарим Тя, безчисленныя блага молитвою Своею нам испросившая. Благодарим Тя, множество икон Твоих чудотворных стране нашей даровавшая. Благодарим Тя, дивную икону Табынскую в годину скорбей краю Уральскому пославшая, на камени велием икону Свою нам явившая. Молим Тя, окамененныя сердца наши росою молитв Твоих умягчи. Милость Свою нам показавшая у источника воднаго, идеже болезни наша телесныя исцеляются, даруй нам потоки скорбных слез и очисти ими тину грехов наших. У источника воднаго святою иконою Твоею благословение месту сему показавшая, помози нам Слово Господа Сына Твоего исполнити и солию земли быти. Лик Свой темный нам, грешным, омраченным грехом явившая, просвети тьму грехов наших и приведи нас к тихому пристанищу в вечныя обители, уготованные Господом любящим Его. Аминь.

Молитва вторая ко Пресвятой Богородице
пред иконою «Табынская»

О Пресвятая Владычице, Дево Богородице! Приими мольбы от нас, прилежно призывающих и молящихся Тебе, покажи скорое Твое заступление, покажи, яко можеши, яко Мати Бога, призываем Тя от сердца, со слезами припадающе пред пречистым Твоим образом. О Божия Мати! Спаси нас и не даждь в расхищение супостатом, ниже да найдет на ны вся злая, яже грехи наша уготоваша нам, ниже беззакония наша да превзыдут на главы наша. Виждь наша нестерпимыя печали, скорби, нужды, болезни, страсти; вооружися на ны лукавно враг, языком, якоже мечем, хотя нас погубити, но Твоею, Богородительнице, крепостию предвари. Уста человеков, яко львов лютых, гроба тягчайше отверзошася, горько поглотиша ны; но Ты, Богородительнице явися надежда ненадеющимся и низложи крепость их, да узрят врази и постыдятся, да разумеют и видят Твою, еже по нам сопротив борющую силу, и в пропасть преисподнюю низложи их. Да заградится всяк язык, лукавым поучаяйся, да молчат уста льстивыя и уста, неправедно глаголющия на праведнаго беззаконие, гордынею и завистию враждебною вкупе. Призывающим Тя, Богородице, от души неложно во всякой скорби, и в болезнех различных, и в бедах лютых спешно услыши, Владычице, сих избавляющи присно молитвами Своими; душ спасение, веры сохранение, от греховных навыков избавление, мирную христианскую кончину и Царствия Небеснаго наследие даруй нам. Да имя Твое, Богородице, на земли славословится, Иже бо, из Тебе возсияв, грешником державную надежду и стену нерушимую Тя дарова во веки веков. Аминь.

© Михаил Тихомиров
Цитируется в сокращении по кн.: МОЛИТВЫ ОБ ИЗБАВЛЕНИИ ОТ ПРАЗДНОСЛОВИЯ И ОСУЖДЕНИЯ БЛИЖНИХ. – М.: Изд. Тихомирова М.Ю., 2016

Православная книга почтой pravmolitva.ru