Мульткалендарь 24 февраля. Преподобный Димитрий Прилуцкий.

<p id="eow-description" class="">Преподобный Димитрий Прилуцкий
Священномученик Власий епископ Севастийский
Благоверный князь Всеволод Псковски
Праведная Феодора, царица Греческая

Тропарь преподобного Димитрия Прилуцкого, Вологодского
глас 1
Свыше от Бога, преподобне,/ благодать приял еси духовную,/ и от Него убо познался еси, блаженне,/ того ради и ты духом познал еси лучшая Его,/ будущаго века пребывание,/ и постнически испытався во своих обителех./ И ныне со ангели ликовствуя,/ Спасу всех за ны молися, святе Димитрие, да вси вопием:/ Слава Давшему ти крепость,/ слава Венчавшему тя,/ слава Действующему тобою всем исцеления.
Кондак преподобного Димитрия Прилуцкого, Вологодского
глас 8
От юности, преподобне, крест твой взем, Христу последовал еси,/ в молитвах и пощениих, во бдениих же и злостраданиих плоть твою изнуряя;/ темже и Всевидящее Око, твоя труды видев,/ чудесы тя прославляет и всех звати тебе научает:/ радуйся, преподобне отче Димитрие, постников удобрение.
Тропарь священномученика Власия
глас 4
И нравом причастник,/ и престолом наместник апостолом быв,/ деяния обрел еси, Богодохновенне,/ в видения восход,/ сего ради слово истины исправляя,/ и веры ради пострадал еси даже до крове,/ священномучениче Власие./ Моли Христа Бога/ спастися душам нашим.
Кондак священномученика Власия
глас 2
Божественное прозябение, цвет неувядаемый,/ лозы Христовы розго многострадальная, Богоносе Власие,/ верою чтущия память твою веселия твоего исполни,/ моляся непрестанно о всех нас.
Тропарь благоверного князя Всеволода, во святом Крещении Гавриила
глас 4
Из млада явился еси, Богомудре княже Гаврииле,/ Божественный сосуд, избран Богови,/ благочестием воспитан, веру непорочну соблюд/ и многи святыя церкви устроив,/ изгнание претерпел еси от своих,/ якоже и целомудрии прародители твои от брата убиение./ С нимиже предстоя Святей Троице,/ молися, стране нашей сохраненной быти/ и всем нам спастися.
Кондак благоверного князя Всеволода, во святом Крещении Гавриила
глас 8
Многомудренно преселився во град Псков, блаженне княже Гаврииле,/ плод благий Богови в жизни сей был еси,/ присноцветущ добродетельми и, якоже Давид, незлобием./ Того ради получил еси жизнь вечную на Небесех,/ всегда зря Святую Троицу./ Моли избавитися нам от всяких бед, да зовем ти:/ радуйся, утверждение граду нашему.</p>