Мульткалендарь 21 октября. Мученица Пелагия Антиохийская, дева.

Мученица Пелагия Антиохийская, дева.
Преподобный Трифон, архимадрит Вятский, чудотворец.
Преподобная Таисия Египетская.

Тропарь преподобной Пелагии
глас 8
В тебе мати известно спасеся, еже по образу:/ приймши бо крест, последовала еси Христу,/ и, деющи, учила еси презирати убо плоть, преходит бо,/ прилежати же о души, вещи безсмертней./ Темже и со Ангелы срадуется, преподобная Пелагие, дух твой.
Кондак преподобной Пелагии
глас 2
Тело твое постами изнуривши,/ бденными молитвами Творца умолила еси о деяниих твоих,/ яко да приимеши совершенное оставление,/ еже и обрела еси, мати, яве,/ путь покаяния показавши.

Тропарь преподобного Трифона, архимандрита Вятского, чудотворца
глас 4
От земных на Небесная помыслив,/ иноческое житие измлада, преподобне, возлюбив,/ и делом совершив ко Господу любовь,/ и твердым умом Его Духновенным учением озаряя мир,/ и, возлюбив, блаженне, всенощное бдение/ и молитву непрестанну, и наставления Божественнаго разума,/ инок стадо собра, мудре,/ и наставил еси ко свету Богоразумия, Трифоне отче наш,/ Христа Бога моли даровати душам нашим велию милость.
Кондак преподобного Трифона, архимандрита Вятского
глас 8
Днесь в начале основания добродетелем, блаженне,/ положил еси в души своей страх Божий,/ от юности взем крест свой,/ благочестно Христови последовал еси,/ Ангельским образом облечеся и бысть монах предивен,/ в добро детелех цветяше, к будущим Богови простирался./ И своей плоти, яко врагу, немилостив, отче, был еси,/ терпением явися, блаженне, яко злато искушено в горниле,/ но и ныне не забуди посещати чад своих,/ поминай нас, чтущих пресвятую память твою,/ да вси благодарив вопием ти:/ радуйся, премудре Трифоне, наставниче монахом.
.</p>