<p id="eow-description" class="">1. 0:04 - Преподобномученица Анастасия Римляныня
2. 3:00 - Преподобный Аврамий затворник и блаженный Мария, племянница его.
3. 5:40 - Преподобный Аврамий, архимандрит Ростовский
4. 7:57 - Преподобная Анна Вифинская
5. 10:12 - Священномученик Леонид Воробьёв, пре...
<p id="eow-description" class="">1. 0:04 - Преподобномученица Анастасия Римляныня
2. 3:00 - Преподобный Аврамий затворник и блаженный Мария, племянница его.
3. 5:40 - Преподобный Аврамий, архимандрит Ростовский
4. 7:57 - Преподобная Анна Вифинская
5. 10:12 - Священномученик Леонид Воробьёв, пресвитер
▼
Тропарь преподобномученицы Анастасии Римляныни
глас 4
Агница Твоя, Иисусе, Анастасия/ зовет велиим гласом:/ Тебе, Женише мой, люблю,/ и, Тебе ищущи, страдальчествую,/ и сраспинаюся, и спогребаюся Крещению Твоему,/ и стражду Тебе ради,/ яко да царствую в Тебе,/ и умираю за Тя, да и живу с Тобою,/ но, яко жертву непорочную, приими мя,/ с любовию пожершуюся Тебе.// Тоя молитвами яко Милостив спаси души наша.
Кондак преподобномученицы Анастасии Римляныни
глас 3
Девства водами очищенна, преподобная,/ мученичества кровьми, Анастасие, венчавшися,/ подаеши сущим в нуждах недугов исцеление и спасение,/ приступающим от сердца,/ крепость бо тебе подает Христос,// источая благодать приснотекущую.
Тропарь преподобнаго Авраамия затворника
глас 8
В тебе, отче, известно спасеся еже по образу:/ приим бо крест, последовал еси Христу/ и дея учил еси презирати убо плоть, преходит бо,/ прилежати же о души, вещи безсмертней.// Темже и со Ангелы срадуется, преподобне Авраамие, дух твой.
Кондак преподобнаго Авраамия затворника
глас 3
Во плоти яко Ангел на земли явился еси,/ и пощением был еси яко древо насажденное,/ водою воздержания добре возрастився,/ и теченьми твоих слез скверну омыв:/ сего ради явился еси// приятелище Божественное, Авраамие, Духа.
Тропарь преподобного Авраамия, архимандрита Ростовского
глас 1
Просветився Божественною благодатию,/ неверныя люди наставил еси к свету Богоразумия:/ и по смерти сияя светлостию жития твоего,/ источаеши исцеления притекающим с верою к тебе,/ Авраамие отче наш,/ Христа Бога моли даровати нам велию милость.
Кондак преподобного Авраамия, архимандрита Ростовского
глас 2
Иго Христово прием, Авраамие,/ и Того крест на рамо взем,/ последовал еси Ему,/ насажден быв в дому Господни / и процвел еси, яко финике и яко кедр, иже в Ливане,/ умножил еси чада твоя, муж желаний духовных:/ от возлюбленнаго же апостола Иоанна Богослова благодать восприим,/ жезлом сокрушил еси идола/ и рассыпал еси его, яко прах,/ и чудотворец убо велий явился еси, преподобне./ Темже Христа Бога моли/ непрестанно о всех нас.
▼
✤ Ссылка на видео https://youtu.be/sLspPpGerl0
✤ Подписаться на канал https://www.youtube.com/channel/UCIsi...
