МИР ПРАВОСЛАВИЯ

Когда святым ставят памятники
и те становятся идолами,
которым молятся праведники,
руководимые риторами…

Когда цинизм проповедуется,
войну народов развязывая,
и цель благая преследуется:
всем тварям – камера газовая…

Когда вокруг толпы верующих
в божков и листики фиговые,
найдешь ли к Господу ведающих
пути сквозь догматы фриковые?!

Когда же гроздья рябиновые
затмят все звёзды рубиновые?

Свернуть

Ѹставъ св҃тго Кнѧзѧ Владимира, кр҃ствшаго рѹськѹю землю ѡ цр҃квныхъ сѹдѣхъ•

Вѻ имѧ ѻ҃ца и с҃на и св҃тго д҃ха• сѣ Азъ, кнѧзь василии, нарицаємы володимиръ, сн҃ъ св҃тславль, внѹкъ игорєвъ, Бл҃жныѩ кнѧгини ѡлги. Вьспрїѩлъ єсмь св҃тоє кр҃щнїѥ ѿ грѣцьскаго ц҃рѧ и ѿ фотїѩ п҃триарха ц҃рѣ городского. взѧхъ пѣрваго мїтрополита лѣѡна кїєвѹ, ижѣ кьр҃сти всю зємлю рѹськѹю св҃тымъ кр҃щньємь. потомъ жє лѣтомъ многимъ минѹщѣмь создахъ цр҃квь св҃тыѧ Бг҃рца дѣсѧтиньнѹю, и дахъ єи дѣсѧтинѹ по всѣй зємли рѹсьстѣи исъ кнѧжѣнїѩ въ сборнѹю цр҃квь. ѿ всѣго кнѧжа сѹда дѣсѧтѹю вѣкшю. А ис̀ торгѹ дѣсѧтѹю нѣдєлю. А изъ домовъ на всѧко лѣто ѿ всѧкого стада и ѿ всѧкого жита чюдномѹ сп҃сѹ и чюднѣй єго матѣри. Потомъ развєрзьшє грѣцьскыи номоканонъ и ѡбрѣтохомъ вънємъ, ѡжє нѣподобаєть сихъ сѹдовъ и тѧжь кнѧзю сѹдити, ни боѩрамъ єго, ни сѹдьѩмъ. И Азь, сьгадавъ съ своєю кнѧгинѣю съ Анною и съ своими дѣтми.
Далъ єсмь ты сѹды цр҃квамъ, м҃трополитѹ и всѣмъ пискѹпїѩмъ по рѹсьской зємли, А по сѣмь нѣ надобє вьстѹпатисѧ ни дѣтѧмъ моимъ, ни внѹчатомъ, ни всѣмѹ родѹ моємѹ до вѣка, ни въ люди цр҃квныє, ни во всѣ сѹды ихъ. то всѣ далъ єсьмь по всѣмъ городамъ и по погостомъ, и по свободамъ, гдє нь сѹть хр҃стїѩнѣ. И своимъ тїѹномъ приказываю цр҃квного сѹда нѣ ѡбидєти, ни сѹдити бѣз̀ владычнѧ намѣс тника. А сѣ цр҃квныє сѹди: роспѹстъ, смилноє, заставаньє, пошибаньє, ѹмычка, промѣжи мѹжємъ и жѣною ѡ животѣ, въ плѣмєни или въ сватьствє поимѹтьсѧ. вєдьство, зєлииничьство, потвори, чародєѩнїѩ, валхвованїѩ, ѹрєканїѩ три: блѧднѣю и зѣльи, єрєтичьство, зѹбоєжа, или с҃нъ о҃ца бьєть или м҃тѣрь, или д҃чи, сньха свѣкровь, братѧ или дѣти тѧжѹтьсѧ ѡ задницѹ, цр҃квнаѩ татьба, мр҃твєци сволочать, к҃рстъ посєкѹть или на стєнахъ рєжють, скот̀ ли псы, или поткы бѣзъ нѹжи въвѣдєть, или ино что нѣ подобно цр҃кви подѣєть, или два дрѹга имѣтасѧ бити, єдинаго жѣна имѣть за лоно дрѹгаго и роздавить, или кого застанѹть съ чєтвароножиною, или кто молитьсѧ под̀ ѡвиномъ, или въ рощєньи, или ѹ воды, или дѣвка дѣтѧ повьржєть. Тє всѣ сѹды цр҃кви даны сѹть. кнѧзю и боѩромъ и сѹдьѩмъ ихъ въ ты сѹды нєльзѧ въстѹпатисѧ. То всѣ далъ єсмь попьрвахъ царѣвъ ѹрѧжєнью и по всѣлѣньскихъ св҃тыхъ сѣми зборовъ вѣликыхъ св҃титѣль. Ащѣ кто прєѡбидить нашь ѹ ставъ, таковымъ нѣ прощєнымъ бытии ѿ закона Б҃жѩ и горє собѣ наслѣдѹють. А своимъ тиѹнамъ приказываю сѹда цр҃квнаго нѣ ѡбидєти и съсѹда давати.҃ѳ.части кнѧзю, а.҃і.ѧ св҃тѣи цр҃кви. А кто поѡбидить сѹдъ цр҃квныи, платити ємѹ собою, а пѣрєдъ Б҃мъ томѹжє ѿвѣчати на страшнѣмъ сѹдє прѣдъ тмами а҃гѣлъ, идѣжѣ когождо дѣла нѣ скрыютьсѧ благаѩ или злаѩ, идѣжѣ нѣ поможєть никтожѣ комѹ, но токмо правда избавить ѿ вторыѩ смєрти, ѿ вѣчныѩ мѹкы, ѿ хр҃щѣнїѩ нѣ спасѣнаго, ѿ ѡгнѧ нѣгасимаго. г҃дь рѣчє: въ дьнь мѣсть въздамъ сдєржащимъ нѣправдѹ въ разѹмѣ, тєхъ ѡгнь нѣ ѹгаснєть и чєрвь ихъ нѣ ѹмрєть, створшимъ жѣ благаѩ въ жизнь и въ радость и нѣизрєчєннѹю. А створшимъ злаѩ въ въск҃рѣшєньѣ сѹда, имъжѣ рѣчє, нѣ измолимъ сѹдъ ѡбрєсти. Єжѣ искони ѹставлєно єсть и порѹчєно св҃тымъ писконьѩмъ городьскыє и торговыє всѧкаѩ мѣрила и спѹды извѣсы, ставила, ѿ Б҃га тако искони ѹставлѣно пискѹпѹ блюсти бѣсъ пакости, ни ѹмалити, ни ѹмножити, за всє то дати ємѹ слово въ дьнь сѹда вѣликаго, ѩкожѣ и дѹшахъ ч҃ловѣчєскахъ. А сѣ цр҃квныє люди: игѹмѣнъ, попъ, дьѩконъ, дѣти ихъ, попадїѩ и кто въ клиросє, игѹмѣньѩ чєрнєць, чєрнца, проскѹрница, паломникъ, лєчєць, прощєникъ, задѹшный ч҃ловѣкъ, стороникъ, слєпєць, храмєць. Монастырѣвє, болницє, гостинници, странноприимницє. То люди цр҃квныѣ, Б҃гадѣльныє. м҃трополитъ или пискѹпъ вѣдаєтъ мєжи или сѹдъ, или ѡбида или котора, или вражда или задница. Ащѣ бѹдєть иномѹ ч҃ловѣкѹ съ тымь ч҃ловѣкомъ рѣчь, то ѡбчїи сѹдъ. А Кто прєстѹпить си правила, ѩко жѣ єсмы ѹправили по св҃тыхъ ѡ҃ць правиламъ и пьрвыхъ царѣвъ ѹправлєнью, кто имѣть прєстѹпати правила си, или дѣти мои, или правнѹчата, или въ котором҆ городє намєстникъ, или тиѹнъ, или сѹдьѩ, А по ѡбидѧть сѹдъ ц҃рквныи, или кто иныи, да бѹдѹть проклѧти въ сїи вѣкъ и въ бѹдѹщїи сємїю зборовъ св҃тыхъ ѡ҃ць всєлєньскыхъ.
А кто ѹставлєнїє моє порѹшаєт҆, или с҃новѣ мои, или внѹци мои, или правнѹци мои, или ѿ рода моєго, или ѿ боѩръ кто, а порѹшаєть ми рѧдъ, или ѹстѹпѧтсѧ въ сѹды мт҃рполичи, что єсми далъ мт҃рполитѹ и єпископомъ, по правиломъ св҃тыхъ ѡ҃ць, сѹдившє казнити по законѹ. Ащє кто имєть сѹдити цр҃квныи сѹды, что приданы мт҃рполитѹ. станєть съ мною на страшнємъ сѹдѣ прѣдъ Б҃мъ и бѹдѣть на нємь клѧтва с҃втыхъ ѡ҃ць.т҃. и.и҃ї, ижѣ въ никєи всѣхъ св҃тыхъ ┼ Аминь.

Свернуть