Православная молитва - Православная книга

19 апреля (по старому стилю 6 апреля)

Во всех храмах Русской Православной Церкви по окончании Божественной литургии Великой Субботы следует возносить особую молитву «О мире на Святой Земле».

Тропари, глас 2 (Великой Субботы):
Благообразный Иосиф, с Древа снем Пречистое Тело Твое, плащаницею чистою обвив и вонями, во гробе нове покрыв, положи.
Егда снизшел еси к смерти, Животе Безсмертный, тогда ад умертвил еси блистанием Божества. Егда же и умершия от преисподних воскресил еси, вся Силы Небесныя взываху: Жизнодавче, Христе Боже наш, слава Тебе.
Мироносицам женам при гробе представ, Ангел вопияше: мира мертвым суть прилична, Христос же истления явися чуждь.

Кондак, глас 6 (Великой Субботы):
Бездну Заключивый мертв зрится, и смирною и плащаницею обвився, во гробе полагается, яко смертный, Безсмертный; жены же приидоша помазати Его миром, плачущия горько и вопиющия: сия Суббота есть преблагословенная, в нейже Христос уснув, воскреснет тридневен.

Тропарь, глас 8 (вместо Херувимской песни):
Да молчит всякая плоть человеча, и да стоит со страхом и трепетом, и ничтоже земное в себе да помышляет: Царь бо царствующих и Господь господствующих приходит заклатися и датися в снедь верным. Предходят же Сему лицы ангельстии со всяким Началом и Властию, многоочитии Херувими, и шестокрилатии Серафими, лица закрывающе, и вопиюще песнь: Аллилуия, аллилуия, аллилуия.

Задостойник, глас 6
Не рыдай Мене, Мати, зрящи во гробе, Егоже во чреве без семене зачала еси Сына: востану бо и прославлюся и вознесу со славою, непрестанно яко Бог, верою и любовию Тя величающия.

Молитвы на разные случаи www.pravmolitva.ru/catalog/molitvy-na-raznye-sluchai.html