Православная молитва - Православная книга

23 февраля (по старому стилю 10 февраля)

Память святых угодников Божиих:
благоверной княгини Анны Новгородской; праведной Галины; мучениц дев Еннафы Газской, Валентины и Павлы Кесарийских (Палестинских); священномученика Константина (Верецкого) пресвитера; преподобного Лонгина Коряжемского; священномучеников Петра (Грудинского) и Валериана (Новицкого) пресвитеров; преподобного Прохора Лебедника, Печерского, в Ближних пещерах почивающего; священномученика Харалампия, епископа Магнезийского, и с ним мучеников Порфирия, Ваптоса и трех мучениц.

Поздравляем именинников!

Тропарь (благоверной княгине Анне Новгородской):
От запада возсиявши яко звезда небосветлая, прияти Православную веру сподобилася еси, в нейже плод благославный Российстей земли породши, святая благоверная княгине Анно, Христа всем сердцем возлюбила еси и Того оправдания и законы хранящи. Темже днесь всесвятую твою память празднующе, грехов оставление молитвами приемлем.

Кондак, глас 4 (благоверной княгине Анне Новгородской):
Днесь в светлой памяти твоей Великий Новград веселится, созывая всех верных светло праздновати память твою, и мы ныне, духовно ликовствующе, радостно славим тя и молим: святая благоверная княгине Анно, предстоя Святей Троице, моли избавити Великий Новград и всю землю Русскую от всяких бед и обстояний и всем нам спастися.

Тропарь, глас 1 (преподобному Лонгину Коряжемскому):
От мятежа мирскаго отщетився и к немерцающему Свету притекл еси, преподобне отче Лонгине, и ту вселився, идеже безплотных чины, чисте зриши Святую Троицу, Егоже из млада возлюбил еси, и иже по смерти даром чудес обогати тя, приходящим с верою от честнаго гроба твоего подая цельбы: слава Давшему ти крепость, слава Прославившему тя, слава Подающему тобою исцеления.

Кондак, глас 8 (преподобному Лонгину Коряжемскому):
По словеси Учителя Христа шествуя, и крест на рамо взем, последовал еси преподобным, образ же Животворящаго Древа принесл еси, иже доныне на гробе твоем исцеление подает неоскудно с верою приходящим ко гробу твоему, Лонгине преподобне.

Тропарь, глас 4 (преподобному Прохору Лебеднику, Печерскому):
Преподобне и чудотворче, отче Прохоре, препитавый во гладе алчущия хлебом от былия и солию от пепела, напитай и нас пищею духовною, моля Христа Бога о душах наших.

Кондак, глас 2 (преподобному Прохору Лебеднику, Печерскому):
Велием воздержанием удручая плоть свою, святе, лишився пищи человеческия, зелием и травою вместо хлеба, пепелом же, аки солию, питался еси, чудодейственне Прохоре. Еже видя, Господь преложи зелие во хлеб и пепел в соль, имиже ты множество гладных препитал еси, тем тя чтем и ублажаем.

Тропарь, глас 2 (священномученику Харалампию, епископу Магнезийскому):
Молитвами твоими ко Господу от зол, бед, напастей свободи верно к тебе прибегающих и сетей избави вражиих, великий страстотерпче Харалампие.

Кондак, глас 8 (священномученику Харалампию, епископу Магнезийскому):
Подобствовав благодатию священства, славне, Церковь светло украсил еси божественным страданием, еже за Христа приял еси доблественно радуяся, Харалампие, честный светильниче всемирный, осияваяй концы, яко непобедимый.

Ин кондак, глас 6 (священномученику Харалампию, епископу Магнезийскому):
Яко мученик и исповедник цвет, двойным венцем Христос тя увенча, возвеличив безчисленными чудесы на земли, но яко благодать Господню являя нам, верно к тебе прибегающим даруй мир, помози в напастех и лютых бедах, святейший Харалампие.

Православная книга почтой pravmolitva.ru