Православная молитва - Православная книга

7 декабря (по старому стилю 24 ноября)
Рождественский пост

Память святых угодников Божиих:
мученицы Августы императрицы, Римской; священномучеников Александра (Левицкого), Алексия (Тютюнова), Иоанна (Никольского), Корнилия (Удиловича) и Митрофана (Корницкого) пресвитеров; священномучеников Евгения (Яковлева) и Михаила (Богородицкого) пресвитеров; священномученика Евграфа (Еварестова) пресвитера; великомученицы Екатерины Александрийской; преподобной Мастридии девы, Александрийской; великомученика Меркурия Кесарийского (Каппадокийского); мученика Меркурия воина, Смоленского; преподобного Меркурия Печерского, епископа Смоленского, в Ближних пещерах почивающего; преподобного Меркурия, постника Печерского, в Дальних пещерах почивающего; мучеников Порфирия Стратилата Александрийского и 200 воинов; преподобного Симона Сойгинского.

Поздравляем именинников!

Тропарь, глас 4 (великомученице Екатерине Александрийской):
Добродетельми, яко лучами солнечными, просветила еси неверныя мудрецы, и якоже пресветлая луна ходящим в нощи, неверия тьму отгнала еси, и царицу* уверила еси, вкупе же и мучителя обличила еси, богозванная невесто, блаженная Екатерино. Желанием востекла еси в Небесный чертог ко прекрасному Жениху Христу, и от Него царским венцем венчалася еси, Емуже со Ангелы предстоящи, за ны молися, творящия пречестную память твою.
*Царицу – т.е. Августу, жену Максимина.

Кондак, глас 2 (великомученице Екатерине Александрийской):
Лик честный божественне, мучениколюбцы, воздвигните ныне, почитающе всемудрую Екатерину: сия бо в тризнищи Христа проповеда, и змия попра, риторов разумы укротивши.
Тризнище – поприще для подвигов, арена.

Кондак, глас 4 (великомученику Меркурию Кесарийскому (Каппадокийскому):
Во бранех непобедимаго воина и в бедах непостыдна заступника, песньми Меркурия ублажим славяще: празднующия бо память его весело, от бед избавляет и скорбей.

Тропарь, глас 2 (мученику Меркурию воину, Смоленскому):
Возсияв, яко звезда многосветлая, в соборней церкви пред пречистым и чудотворным образом Пречистой Богородицы, за Нюже и за град Смоленск пострада, многокозненнаго и богомерзкаго царя Батыя устраши, и сильнаго исполина победи, и люди удиви, душу свою, многострадальне Меркурие, за благочестие положи; яко Захариина и Авелева, ясно вопиет твоя кровь ко Господу, и ныне молися за души наша.

Кондак, глас 4 (мученику Меркурию воину, Смоленскому):
Явися во бранех непобедим воин, от римлян родом, сыновство име града Смоленска, яко бо сих ради наречеся, яко от Богородицы страж крепок послася граду, песньми Меркурия ублажим, празднующе весело память его, яко да избавит град наш от беды ратник.

Тропарь, глас 8 (преподобному Меркурию Печерскому, епископу Смоленскому, в Ближних пещерах почивающему):
Постом душу твою просветил еси, молитвами непрестанными сердце твое сосуд Духа Святаго соделал еси, преподобне отче наш Меркурие; темже вся вражия ополчения крепко посрамил еси и, яко победоносец истинный, воздаяние получил еси от Христа Бога. Тому помолися о душах наших.

Кондак, глас 8 (преподобному Меркурию Печерскому, епископу Смоленскому, в Ближних пещерах почивающему):
Любовию ко Христу уязвив твою душу, преподобне отче наш Меркурие, в пещерном мраце свет спасения обрел еси и, яко чадо избранное великих отцев Печерских Антония и Феодосия, вкупе с ними обитель райскую наследовал еси, отонудуже призирай ныне на обитель земную, в нейже подвизался еси, и моли о чтущих память твою.

Тропарь, глас 5 (преподобному Меркурию, постнику Печерскому, в Дальних пещерах почивающему):
Присносущныя, блаженне, желая сподобитися жизни, праведне и непорочне жизнь свою препроводил еси в нынешнем веце, темже, Меркурие, желаемаго ты достиг, моли и нам вечныя сподобитися жизни.

Кондак, глас 8 (преподобному Меркурию, постнику Печерскому, в Дальних пещерах почивающему):
Преподобному во всех делех Господеви преискренне работая и Онаго всегда в церкви преподобных своих преподобным воспевая гласом, наследил еси, преподобне Меркурие, часть преподобных, с нимиже молися о всех нас.

Православная книга почтой pravmolitva.ru