Православная молитва - Православная книга

24 июня (по старому стилю 11 июня). Неделя 4-я по Пятидесятнице. Петров пост

Празднование в честь икон Пресвятой Богородицы: «Абульская» (празднование с 1870 г.); «Достойно есть» («Милующая») (X в.).

Величаем Тя, Пресвятая Дево, Богоизбранная Отроковице, и чтим образ Твой святый, имже точиши исцеления всем с верою притекающим.

Тропарь, глас 4 (перед иконой Божией Матери «Достойно есть», или «Милующая»):
Притецем, вернии, со дерзновением к Милующей Царице Богородице и умиленно воззовем к Ней: низпосли на ны милости Твоя богатыя: благоверныя люди наша во здравии и благоденствии соблюди, град сей избави от всякаго обстояния, мир даруй мирови и спасение душам нашим.

Ин тропарь, глас 4 (перед иконой Божией Матери «Достойно есть», или «Милующая»):
Отцев всеафонское множество соберитеся, верно празднующе днесь, радующеся и светло восклицающе вси в веселии: Божия бо Мати ныне от Ангела преславно воспевается, темже яко Богородицу присно Сию славим.

Кондак, глас 4 (перед иконой Божией Матери «Достойно есть», или «Милующая»):
Празднует днесь весь Афон, яко песнь прият от Ангела чудно Тебе, Чистей Богоматери, Юже вся тварь чтит, славящи.

Ин кондак, глас 8 (перед иконой Божией Матери «Достойно есть», или «Милующая»):
Архангельский глас вопием Ти, Всецарице: достойно есть, яко воистину, блажити Тя, Богородицу, Присноблаженную и Пренепорочную, и Матерь Бога нашего.

Величание
Достойно есть величати Тя, Богородице, Честнейшую Херувим и Славнейшую без сравнения Серафим.

Православная книга почтой pravmolitva.ru