Православная молитва - Православная книга

20 мая (по старому стилю 7 мая)

Празднование в честь икон Пресвятой Богородицы: «Умиление» Псково-Печерской («Псково-Печерская – Умиление») (переходящее празднование); «Челнская» (переходящее празднование); «Жировицкая»; «Любечская».

Величаем Тя, Пресвятая Дево, Богоизбранная Отроковице, и чтим образ Твой святый, имже точиши исцеления всем с верою притекающим.

Тропарь, глас 4 (перед иконой Божией Матери «Умиление» Псково-Печерской):
Днесь светло красуется обитель сия, яко зарю солнечную восприимши, Владычице, чудотворную Твою икону, к нейже мы ныне притекающе и молящеся Тебе, взываем сице: о Пречудная Владычице Богородице, молися из Тебе воплощенному Христу Богу нашему, да избавит обитель сию и вся грады и страны христианския невредимы от всех навет вражиих и спасет души наша, яко Милосерд.

Тропарь, глас 2 (перед иконой Божией Матери «Жировицкая»):
Помощи от Тебе требующия не презри, Владычице, и милосердия бездну отверзи всем, притекающим к цельбоносней иконе Твоей. Печали наша житейския утоли, Всещедрая, и от юдоли сея плачевныя к радости вечней верныя Твоя престави. Тебе бо вси стяжахом надежду и утверждение, милости источник, покров и спасение душ наших.

Кондак, глас 4 (перед иконой Божией Матери «Жировицкая»):
Величия Твоя кто исповесть, Пресвятая Дево, Творца всех Христа Бога рождшая? Едина бо еси Мати и Дево, Преблагая, препрославленная, упование наше, источник благостыни, верным прибежище и миру спасение.

Тропарь, глас 4 (перед иконой Божией Матери «Любечская»):
Преблагословенная Царице, Пречистая Дево Богородице, прославльшая град Любеч угодника Твоего преподобнаго Антония Печерскаго рождением и чудотворныя иконы Твоея явлением! Молим Тя, Всеблагая, моли за ны рождшагося от Тебе Царя Христа, Бога нашего, и Матерним Твоим к Нему предстательством избави нас от всякаго зла, недуги наша исцели, печали наша утоли и наследники яви нас Царствия Небеснаго, яко Милосердна.

▪ Православная книга почтой
pravmolitva.ru