Православная молитва - Православная книга

О чем молятся перед иконой Божией Матери «Почаевская»

Чудотворная икона Пресвятой Богородицы, именуемая Почаевской, в 1597 г. была подарена монахам Почаевской обители (в поселке Почаев на западе Украины в Тернопольской области). Почаевский монастырь (в настоящее время – Свято-Успенская Почаевская Лавра) основан на том месте, где около 1340 г. двум монахам явилась в огненном столпе Божия Матерь, стоящая на камне. На этом камне остался вдавленный оттиск Ее правой стопы, наполненный водой, который стал с тех пор источником множества чудотворений.
По молитвам перед Почаевской иконой Пресвятой Богородицы совершалось и совершается множество чудес, засвидетельствованных в монастырских книгах. Например, известны случаи избавления от слепоты и других телесных болезней, освобождения из плена и заточения, вразумления грешников, утверждения мира в семье, помощи в воспитании детей, защиты от нападения иноверных и др. Особую известность получили факты, когда монах Почаевского монастыря, захваченный в плен татарами, по его молитвам к Божией Матери был чудесным образом возвращен в обитель; в 1675 г. по молитвам монахов обитель была избавлена от осаждавших ее турецких войск, устрашенных явлением Пресвятой Богородицы с Ангелами. Помощь по молитвам перед Почаевской иконой получают не только православные христиане, но также католики, иудеи.

Молитва ко Пресвятой Богородице
пред иконою «Почаевская»

Царице наша преблагая, Владычице преблагословенная, надеждо наша Богородице! К Тебе умиленно ныне притекаем и сокрушенною душею и смиренным сердцем молим Тя, Всепетая, пред пречистым Твоим образом: помяни щедроты Твоя древния, яже от Тебе зде бывшия, и якоже иногда явилася еси на скале Почаевстей, в столпе огненнем, от камене цельбоносную воду источающи, сице и ныне предстани нам, Мати многомощная, и теплотою Богоматерния любве Твоея согрей сердца наша окамененная, слезы любве и покаяния нераскаяннаго от очей наших исторгающи. Ты бо едина еси Заступница наша богодарованная, Тя убо молим: избави от всех бед, от всякия напасти, болезни и скорби рабы Твоя, предстательством великаго о нас ходатая и молитвенника Твоего, всеблаженнаго отца нашего Иова, угодника Твоего Почаевскаго, егоже молитве яве внимала еси на воздусе иногда, егда всеславным и страшным явлением Твоим избавила еси обитель Твою от нашествия и обложения агарянскаго. Призри благосердием, Всепетая, призрением милостиваго Твоего заступления и на всю страну нашу, и на вся люди Твоя излей богатыя Твоя милости: разсеянныя собери, неверныя же и иноверныя во странах наших на путь истинный настави, отпадшия от благочестивыя отеческия веры паки возврати и сопричти их святей Твоей Православней и Кафоличестей Церкви; в семействах наших мир утверди, старость поддержи, юныя настави, младенцы воспитай, сирыя и вдовицы заступи, плененныя свободи, болящия уврачуй, на судищи и в темницах, и в заточениих, и в горьких работах сущих помяни, ограждающи вся ны выну, посещающи и утешающи токами чудес и знамений многоразличных, яже присно изливаеши всем от святыя иконы Твоея цельбоносныя. Даруй, Всеблагая, земли плодородие, воздуха благорастворение и вся, яже на пользу нашу дары благовременныя и благопотребныя, молитвами избранных угодников Твоих, благодатный Твой лик на святей иконе Твоей окружающих: Илии богоглаголиваго, святаго архидиакона Стефана первострадальнаго, преподобнаго Авраамия всеблаженнаго и Мины, мученика многоименитаго, и с ними купно святых и праведных жен: Параскевы прехвальныя, Ирины преблаженныя и святыя Екатерины, великомученицы многострадальныя, и всех святых. Егда же приспеет наше от жития сего отшествие и к вечности преселение, сице предстани нам, Преблагословенная, якоже иногда благопоспешила еси обители Твоей во спасение во время брани Збаражской, и Твоим теплым ходатайством даруй нам христианскую кончину живота нашего безболезненну, непостыдну, мирну и Святых Таин причастну; да якоже в сей жизни, сице и в будущем веце сподобимся вси, молитвами Твоими, безконечныя небесныя жизни во Царствии возлюбленнаго Сына Твоего, Господа Бога и Спаса нашего, Иисуса Христа, Емуже подобает всякая слава, честь и поклонение во веки веков. Аминь.

© Михаил Тихомиров
Цитируется в сокращении по кн.: МОЛИТВЫ О ЗАКЛЮЧЕННЫХ И НАХОДЯЩИХСЯ В ПЛЕНУ. – М.: Изд. Тихомирова М.Ю., 2016.

Православная книга почтой
pravmolitva.ru