Редкие Богослужебные тексты

4 февраля

Память святы=я преподобному=ченицы
Рафаилы Бу=товския
(Вишняковой), память 4 февраля ст. ст./ 17 февраля н. ст.
Вечер
На «Го=споди воззва=х» стихи=ры, глас 4:
Под.: Яко добля в мученицех:
Та=инственным моли=твы в се=рдцы хране=нием/ и Христу сораспя=тием/ глад, и жа=жду, и скита=ния/ благода=рно от десни=цы Вы=шняго прия=ла еси./ Те=мже, чадо Света, Рафаи=ло,/ пребыва=ющаго зде гра=да не име=вшая,/ но гряду=щаго взыска=вшая,/ к за=поведем Христо=вым нас упра=ви\ и моли о воспева=ющих тя.
Посреде= ски==мнов су=щи душа= твоя=,/ сих терпя=щи неи=стовство,/ кро=тостною му=дростию/ и Христо=вым молча=нием их попали=,/ и смире=нием сих обличи= возноше=ние,/ и моли=твою прия=ла есть заколе=ние./ Сего ра=ди память твою све=тлую/ благогове=нием и любо=вию чтим,\ Рафаи=ло богосла=вная.
Простоты сокровище тя ве=мы,/ веры тве=рдыя и упова=ния,/ и терпе=ния адама=нт,/ и о гонимых ми=лостивую попечи=тельницу./ Всю бо себе Богу и бли=жнему/ Христу внима=ющи, вдала= еси,/ тем тя, любосмире=нная и крепкоду=шная/ мати Рафаило блаже=нная,\ гласы хвале=бными ублажа=ем.
Слава, глас 6:
Измла=да любо=вию ко Христу прободе==нная,/ во цвете ю==ности Ему посвяще=нная,/по=двиг по=стнический/ стра=нствием и страда==нием соверши=ла еси,/ и от мра=ка мук и печа=лей/ возшла= еси к Невече=рнему Све=ту,/ ра=достию зову=щи:/ слава Господи, милосе=рдию Твоему!\ Слава смотре=нию Твоему!
Тропарь, глас 6:
Стра=нническим ше=ствоваши путем,/ к Странствию Владычню у=мне восходящи,/ добродетели Евангельския/ кро=тость, незло=бие, смире=ние и чистоту=,/ дивная Рафаи=ло, нам яви=ла еси/ и безбо=жных посрами=ла еси лю=тая стремле=ния./ Темже, Вы=шния благодати приятелище,/ крепкоду=шия сокро=вище,/ умоли= нам покая=ния дости=гнути\ и спастися душам нашим.
Кондак, глас 2:
Тя, безмо=лвия де=лательницу,/ покая=ния в молча=нии уст/ и=стинную рачи=тельницу,/ доблему=дренная Рафаи=ло,/ беззако=нницы лю=тии/ беззако=нну показа=ти всу=е тща=хуся,/ и, хотяще возвести= тя к заколе=нию,/ ко Оте=чествию Небе=сному возведо=ша./ Те=мже ныне нам сия=еши/ на церковней тверди,/ путево=дною звездо=ю./ Моли Христа, Егоже возлюбила еси\ о почитающих тя.