Редкие Богослужебные тексты

Месяца февруария в 16-й день
Святаго праведнаго Василия Павлово-Посадскаго

На велицей вечерни
На Господи, воззвах: стихиры, глас 4.
Подобен: Яко добля:
Приспе= днесь память твоя,/ Васи=лие пра=ведне,/ и вся ве=рныя к прославле=нию твоему собира=ет / благода=ть Божия, явле=нная в тебе,/ е=юже возмо=гл еси вся наве=ты диа=вольския попра=ти/ и Царствие Небесное унасле=довати./ Сего ради мо=лим тя:/ грехо=в оставле=ния у Господа испроси=/ чту=щим святую память твою.
Благода=тию Бо=жиею от тьмы грехо=вныя/ к свету Богове=дения призва=нный,/ слеза=ми покая=ния ду=шу твою очи=стил еси,/ свя=те Василие,/ и, на высоту= доброде=телей возше=д,/ Селе=ний Райских дости=гл еси./ Те=мже мо=лим тя:/ помози= и нам стра=сти грехо=вныя победи=ти,/ чту=щим святую память твою.
Сердцем чи=стым Богу порабо=тал еси,/ прехва=льне Василие,/ и плод стори=чный Христу прине=сл еси,/ благоче=стием себе= украси=в,/ и неисчерпа=емый источник чудес яви=лся еси./ Ныне, в незаходи=мей славе пребыва=я,/ помози= нам во благоче=стии утверди=тися,/ чту=щим святу=ю па=мять твою=.
Слава, глас 6:
Возвесели=мся днесь, ве=рнии,/ в памяти свята=го Василия/ и, богоуго=дному житию= того подража=юще,/ от сердец наших нече=стие отри=нем,/ стя=жим милосе=рдие и кро=тость,/ да не лиши=мся обе=щанных благи=х/ и вку=пе с пра=ведным просла=вим/ Еди=наго в Тро=ице сла=вимаго Бога.
И ныне, Богородичен: Кто Тебе не ублажит:
Вход. Прокимен дне. И чтения преподобническая.

На литии стихира храма и святаго, глас 1.
Весели=ся, земле= Моско=вская,/ возрасти=вшая тве=рдаго подви=жника веры,/ Васи=лия пречу=днаго,/ в ма=лем вре=мени жития= земна=го/ мног плод Христу прине=сшаго,/ ныне же в Селе=ниих Небе=сных со святыми пребыва=ющаго/ и моля=щагося о спасении душ наших.
Слава, глас 8:
Явле=нием священному=ченика Харала=мпия/ в пропове=дании и=стиннаго благоче=стия укрепи=вся,/ преди=вне Василие,/ лю=ди, спасе=ния и=щущия,/ в послуша=ние Це=ркви приве=л еси/ и, о по=льзе душ их помышля=я,/ христиа=нскому житию= научи=л еси./ Не оста=ви и нас, уго=дниче Божий,/ соверша=ющих святую память твою.
И ныне, Богородичен: Безневестная Дево:
На стиховне стихиры, глас 2.
Подобен: Доме Евфрафов:
Скве=рну грехо=вную слеза=ми твоими,/ яко вторы=м Креще=нием,/ омы=л еси, преблаже=нне Васи=лие,/ те=мже и нам грехо=в зре=ние / и покая=ния и=стиннаго у Господа испроси=.
Стих: Блажен муж, боя=йся Господа,/ в заповедех Его восхощет зело.
Прему=дростию Бо=жиею просвеще=нный,/ утеше=ние приходя=щим был еси,/ праведне Василие,/ сердца= же наша Светом Своим просвети=ти Христа умоли=,/ да тя вси при=сно ублажа=ем.
Стих: Честна пред Господем/ смерть преподобных Его.
Мо=щи твоя, Богому=дре Василие,/ и=же дарова=л еси нам,/ благоуха=ние благода=ти источа=ют,/ страсте=й злово=ние прогоня=ющую, / и=ми бо цельбы= и мно=гая чудеса= неоску=дно подае=ши / приходя=щим к тебе верою несумне=нною.
Слава, глас 6:
Пе=рвее житие= твое покая=нием уясни=вый,/ тьму греховную от души= твоея= отгна=л еси,/ Боголюбе=зне Василие,/ и сы=ном дне= вои=стинну яви=лся еси./ Темже к Незаходи=мому Свету и нас приведи=,/ благоче=стно тя почита=ющих.
И ныне, Богородичен: Творец и Избавитель мой, Пречистая:

Тропарь, глас 4:
Боже=ственною свы=ше просвети=вся благода=тию/ и о=браз жития= ева=нгельскаго показа=в,/ пра=выя веры ревни=тель/ и расколов врачева=тель яви=лся еси,/ праведне Василие./ Моли= Человеколю=бца Бога/ дарова=ти душа=м нашим ве=лию милость.

На утрени
По 1-м стихословии седален, глас 1:
Возвесели=ся град твой положе=нием мощей твоих, праведне Василие,/ к ним же мы усердно припа=дающе, мо=лим тя:/ бу=ди нам предста=тель пред Царем Небесным.
Слава, и ныне, Богородичен:
Дево Богоро=дице Пречи=стая и от всех родо=в избра=нная,/ ду=шу мою на стезю= покая=ния наста=ви,/ да воспою= Тя, ра=дуяся:/ Благослове=нна Ты в жена=х еси=, Всенепоро=чная Влады=чице.
По 2-м стихословии седален, глас 2:
Яви=лся еси в земли= Моско=встей, яко дре=во благопло=дное, Василие преудобре=нный,/ многотру=дное житие= проводя= и доброде=тельми украша=яся./ Мы же, по=двиги твоя воспева=юще, Христа велича=ем.
Слава, и ныне, Богородичен:
О Ма=ти Христа Бога,/ приими= моли=твы недосто=йных раб Твоих/ и испроси= у Сына Твоего в День Су=дный дарова=ти нам муче=ний избавле=ние/ и Ца=рствия Небеснаго нас сподо=бити.
Величание:
Величаем тя,/ святый праведне Василие,/ и чтим святую память твою,/ ты бо молиши за нас/ Христа Бога нашего.
Псалом избранный:
Терпя потерпех Господа, и внят ми, и услыша молитву мою.
Постави на камени нозе мои и исправи стопы моя.
Предзрех Господа предо мною выну, яко одесную мене есть, да не подвижуся.
И утрудися во век и жив будет до конца.
Хранит Господь души преподобных Своих.
Восхвалятся преподобнии во славе и возрадуются на ложах своих.
По полиелеи седален, глас 6:
Апо=столом святы=м подража=я, праведне Василие,/ всего себе в служе=ние Слову предал еси/ и мно=гия люди на путь спасения наставил еси.
Слава, и ныне, Богородичен:
Кади=льница златая Божественнаго Угля явилася еси, Мати Божия,/ спасение миру облагоуха=ющи./ Темже ду=ши наша от страсте=й очисти/ и доброде=тельми испо=лни.
Таже степенна, 1-й антифон, 4-го гласа. Прокимен, глас 4: Честна пред Господем/ смерть преподобных Его. Стих: Что воздам Господеви о всех, яже воздаде ми? Евангелие от Матфея, зачало 43.
По 50-м псалме стихира, глас 6:
Свыше благодатию Божественною просвети=вся,/ разум совершен стяжа=л еси,/ Василие прехва=льне,/ темже, в мо=ри жите=йстем препла=вая,/ добрый ко=рмчий ве=рным показа=лся еси/ и утопа=ющим в бе=здне грех=овней/ наде=жду спасения по=дал еси./ Ныне же, Небеснаго Приста=нища дости=г,/ моли= Человеколю=бца Бога/ спасти=ся душа=м нашим.
Канон, глас 8.
Песнь 1
Воду прошед, яко сушу,/ и египетскаго зла избежав,/ израильтянин вопияше:/ Избавителю и Богу нашему поим.
Сло=ве Божий, Иисусе Христе,/ отве=рзи ми ум и даждь ми слово,/ да воспою= память угодника Твоего, пра=веднаго Василия.
От до=браго ко=рене прозя=бл еси, свя=те Василие,/ те=мже, благоче=стие роди=телей твоих унасле=довав,/ изде=тска добронра=вное житие= возлюби=л еси.
Христос, Агнец Божий, взе=мляй грехи= мира, добро=ту души= твоя прови=дя,/ ми=лостивно призре= на тя, блаже=нне,/ и сугу=бую благода=ть ти подаде=.
Богородичен: Образ чи=стаго Рождества Твоего, Пресвята=я Дево,/ проро=цы предначерта=ша многови=дно,/ с ни=миже Тя ублажа=ем.
Песнь 3
Небеснаго круга Верхотворче Господи,/ и Церкве Зиждителю,/ Ты мене утверди в любви Твоей,/ желаний краю, верных утверждение,/ Едине Человеколюбче.
Злую смерть хули=теля ико=ны Богома=тере ви=дев / и гла=су Божию внима=я,/ гряду=щаго воздая=ния, му=дре,/ устраши=лся еси и ко стези= покая=нию прите=кл еси.
Боже=ственнаго гла=са послу=шав,/ в Берлюко=вскую пу=стынь устреми=лся еси, свя=те,/ и та=мо, ду=шу слеза=ми очи=стив,/ на Господа все упование возложи=л еси.
На ка=мени ве=ры тве=рдое основа=ние положи=в,/ храм души= твоея= доброде=тельми украси=л еси, пра=ведне Василие, / те=мже в ско==рбех и напа=стех неколе=блем пребы=л еси.
Богородичен: Ле=ствица, Ю=же дре=вле обра=зно Иаков ви=де, явилася еси, Богоневе=сто,/ Тобою бо к нам Бог сни=де/ и нам небовосхо=ден путь сотвори=.
Седален, глас 3:
Мытаре=ву покая=нию подража=я,/ страх Божий и смире=ние стяжа=л еси, пра=ведне Василие,/ те=мже, и ду=шу слезами очи=стив,/ плод оби=лен израсти=л еси/ и заблу=ждшия к ве=ре и=стинней приве=л еси./ Моли= Христа Бога спасти=ся душа=м нашим.
Слава, и ныне, Богородичен:
Теплая Предста=тельнице и Непобеди=мая,/ Упова=ние изве=стное и неколеби=мое,/ Стено=, и Покро=ве, и Приста=нище прибега=ющим к Тебе, Присноде=во Чи=стая,/ Сына Твоего и Бога моли= со Ангелы,/ умире=ние да=ти ми=ру, и спасе=ние, и ве=лию милость.
Песнь 4
Услышах, Господи,/ смотрения Твоего таинство,/ разумех дела Твоя/ и прославих Твое Божество.
Совет наста=вника твоего,/ е=же в ми=ре жи=ти и Церковь от непра=вых уче=ний защища=ти,/ со тща=нием соблю=л еси, богоразу=мне Василие,/ Истину в душа=х уклонившихся ея= утвержда=я.
За=кон Бога Жива=го на скрижа=лех се=рдца твоего написа=л еси, пра=ведне,/ за=поведи Его со тща=нием и любо=вию исполня==я,/ и Небе=снаго Иерусалима дости=гл еси.
Апо=стольское слово, е=же не люби=ти ми=ра, ни я=же в ми=ре сем, всегда па=мятствуя,/ проти=ву похоте=й пло=ти и ко=зней диа=вола кре=пце вооружи=лся еси, свя=те,/ темже яко во=ина Христо=ва неодоли=ма тя велича=ем.
Богородичен: К Тебе, Госпоже= Богородице, с верою прибега=ем и уми=льно вопие=м:/ радуйся, Благодатная, / Покро=ве, и Огражде=ние, Помо=щнице и Спасе=ние душ наших.
Песнь 5
Просвети нас повелении Твоими, Господи,/ и мышцею Твоею высокою/ Твой мир подаждь нам,/ Человеколюбче.
Чте=нием слова Бо=жия и писа=ньми Святы=х Оте=ц просвети=вся, богоуго=дне Василие,/ во искуше=ниих му=жески подвиза=шеся/ и началозло=бнаго врага= посрами=.
Светом Христовым осия=н и Того благода=тию просвеще=н, ди=вне,/ духо=вныма очи=ма сокрове=нная прозрева=л еси,/ бли=жния от злых обстоя=ний огражда=я.
Память Боголюби=ваго жития= твоего, пресла=вне,/ единому=дренную бра=тию собра=,/ и=же, тому= ревну=юще,/ моли=тве и благоче=стию навыко=ша.
Богородичен: Исцели=, Преблага=я, душе=вныя страсти наша / и немощи теле=сныя уврачу=й,/ и спасе=ние пода=ждь моли=твами Твоими.
Песнь 6
Молитву пролию ко Господу/ и Тому возвещу печали моя,/ яко зол душа моя исполнися,/ и живот мой аду приближися,/ и молюся, яко Иона:/ от тли, Боже, возведи мя.
Наве=ты злы=я, поноше=ния и у=зы темни=чныя претерпе=л еси, крепкоду=шне Василие,/ от лжебра=тии яко ерети=к оклевета=емь,/ оба=че терпе=нием и любо=вию вся превозмо=гл еси.
Ни пустынножи=теля, ниже= па=стыря,/ но в мирсте=м чи=не де=лателя Прему=дрый Господь тя поста====ви, блаже=нне,/ ты же, до=бре потруди=вся,/ во огра=ду Це=ркве мно=гия возврати=л еси.
И=ноческаго жите=льства взыску=я,/ суеты= мирски=я удали=тися возжеле=л еси, прехва=льне,/ оба=че, во=лю Бо=жию от свята=го Харала=мпия уве=дев,/ со усе=рдием в ми=ре лю=дем послужи=л еси.
Богородичен: Иже ми=рови мир пода=вшая/ и Нача=льника тиши=ны ро=ждшая,/ укроти= во=лны страсте=й моих, Влады=чице,/ и на ка=мени мя безстра=стия утверди=.

Кондак, глас 2:
Собла=зны лука=ваго ве=ка сего отве=рг/ и слеза=ми покая=ния ри=зы убели=в,/ мно=гая дарова=ния от Бога прия=л еси:/ неду=жныя исцеля=ти/ и сове=т благоразу=мен тре=бующим подава=ти;/ ныне же, со Ангелы ра=дуяся,/ Васи=лие пра=ведне,/ испроси= у Христа Бога спасение душа=м нашим / и ве=лию милость.
Икос:
Ум и сердце Духом Святы=м просвеще=нныя имы=й,/ Богу и лю=дем преподо=бием и правдою послужи=л еси, / яко истинный ученик Спа=сов, / путе=м те=сным ше=ствуя;/ темже и Бог тя просла=ви/ и да=ром чудес обогати=,/ мы же вопие=м ти:/ радуйся, уго=дниче Христов Василие.
Песнь 7
От Иудеи дошедше отроцы/ в Вавилоне иногда/ верою Троическою пламень пещный попраша, поюще:/ отцев, Боже, благословен еси.
Нищету= Христо=ву возлюби=в,/ дом Ду=ха Свята=го яви=лся еси,/ те=мже заблу=дшим наставник, оби=димым защи=тник и помо=щник до=брый бе=дствующим показа=лся еси.
Житие= твое, благоче=стия испо=лненно, ви=дя сро=дник твой, свя=тче Божий,/ в ве=ре и любви= к Бо=гу укрепи=ся; / ты же, му=дре, Царствия Небеснаго взыска=ти того наставля=ше.
Христа всем сердцем возлюби=в, / невозвра=тно Тому после=довал еси; / ны=не же, во славе Престолу Его предстоя=, взывае=ши:/ Благословен еси, Господи Боже, во веки.
Богородичен: Ангельских Во=инств с чи=нми проро=к и апо=стол, и всех святых слу=жбу прие=млющи,/ Ма=ти Божия, посети= раб Твоих,/ моля=щи Сына Твоего дарова=ти нам велию милость.
Песнь 8
Царя Небеснаго,/ Егоже поют вои ангельстии,/ хвалите и превозносите во вся веки.
Часть име=ния сро=дника твоего прие=м, / тле=нному бога=тству сердцем твоим не прилепи=лся еси,/ су=щим в ну=ждах ще=дрый пода=тель быв, богонра=вне.
По=двигу преподо=бных отец ревну=я/ и сло=во святителя Филарета исполня=я,/ основа=ние и=ноческому жи=тельству положи=л еси, святы=й,/ со единомы=сленными вку=пе богоуго=дне пожи=в.
Все упование на Бога возлага=я, тя=жкую болезнь со смире=нием претерпел еси, благода=рне взыва=я:/ Господи, Ты еси Прибе=жище от ско=рби, обдержа=щия мя.
Богородичен: Немощны=м Кре=пость и Ле=ствице Небесная, возвы=си ны, во гресе=х погиба=ющих, и милосе=рдаго предста=тельства Твоего не лиши=.
Песнь 9
Воистинну Богородицу,/ Тя исповедуем,/ спасеннии Тобою, Дево Чистая,/ с безплотными лики Тя величающе.
Прежде отше=ствия твоего, Василие преди=вне,/ слово Божие и молитву люби=ти бра=тию научи=/ и единомы=слие храни=ти;/ и нас в сих доброде=телех утверди= молитвами твоими.
Память сме=ртную стяжа=в, страха Божия испо=лнился еси,/ многопе=тый Василие,/ и=мже возмо=гл еси сла=дость мира сего нивочто=же вмени=ти/ и ко=зни вра=жия препобеди=ти.
В житии= Христа= не отлуча=яся, пра=ведне,/ в час кончи=ны Причастия Животворя=щих Таин сподо=бися;/ и ныне в Царствии Небеснем и=стее Пасхи Нетле=нныя наслажда=ешися.
Богородичен: Помяни= нас в моли=твах Твоих, Госпоже= Богородице,/ да не поги=бнем за умноже=ние грехов наших,/ покры=й нас от вся=каго зла и лю=тых напа=стей,/ на Тя бо уповаем.
Светилен:
Яко свети=льник пресве=тлый, во мра=це жития= сего, пра=ведне Василие, показа=ся,/ Светом Ева=нгельским ду=ши заблу=ждших просвеща=я/ и во огра=ду церко=вную приводя=./ Моли= Христа Бога и нас ча=да Света соде=лати.
Слава, и ныне, Богородичен:
СветаБожественнаго Вмести=лище явилася еси, Богородице Дево,/ те=мже мглу души= моея= Све=том Невеще=ственным озари=/ и ве=чнаго огня= изба=ви.
На хвалитех стихиры, глас 8.
Подобен: О, преславнаго чудесе:
О, пресла=внаго чудесе=!/ Подви=жник веры и благоче=стия,/ сосу=д избра=нный Бо=жия благода=ти,/ Васи=лий пра=ведный яви=ся,/ и=же, ду=ху мира сего= не повину=яся,/ Ева=нгельския за=поведи усе=рдне испо=лни,/ Го=рняя приле=жно взыску=я;/ ныне же Христу= во сла=ве предстои=т,/ моля=ся о душа=х наших.
О, пресла=внаго чудесе=!/ Духо=вными добро=тами украше=нный,/ Васи=лие блаже=нне,/ яко сла=вий* благогла=сный,/ весну= покая=ния лю=дем возвеща=ше/ и заблу=ждшия любо=вию твое=ю согрева=ше./ Помози= и нам, свя=тче Божий,/ по=двиги твоя приле=жно восхваля=ющим,/ Ца=рствие Небе=сное насле=дити.
О, пресла=внаго чудесе!/ В земли= Моско=встей/ но=вый крин благоуха=нный процвете=,/ святы=й Василий богому=дрый,/ и=же, всею кре=постию своею Горе= устреми=вся,/ Небе=сных Оби=телей дости=же;/ темже и Господь его просла=ви/ и благода=ть чудотво=рения дарова=,/ во спасение душ наших.
Слава, глас 6:
Умертви=л еси= вся у=ды плотски=я на земли=,/ о Го=рнем помышля=я неуста=нно,/ Василие преизря=дне./ Жизнь твоя сла=вна бысть/ и успе=ние со святыми,/ моли о душа=х наших.
И ныне, Богородичен, глас тойже: Богородице, Ты еси Лоза истинная:

На Литургии
Блаженны от канона песни 3-я и 6-я. Прокимен, глас 7: Возвеселится праведник о Господе/ и уповает на Него. Стих: Услыши, Боже, глас мой, внегда молитимися к Тебе.
Апостол к Галатом, зачало 213.
Аллилуиа, глас 6: Блажен муж, бояйся Господа, в заповедех Его восхощет зело. Стих: Сильно на земли будет семя его.
Евангелие от Матфея, зачало 10.
Причастен: В память вечную будет праведник:
Молитва
О пречу=дный уго=дниче Христов Васи=лие! Ты, за=поведи Господни возлюби=в и и=го Христово благо=е на ра=мо прие=м, в ми=ре пра=ведно пожи=л еси и, в по=двизех потруди=вся, да=ры благодати от Бога прия=л еси. О спасении же заблу=ждших ревнова=вый, ты мно===гия во огра=ду церковную возврати=л еси. Темже Господь тя прослави= и многими чудесы= обогати=.
Ныне же, Престолу Божию предстоя=, моли= Пресвятую Троицу, да сохрани=т Отечество наше в мире глубо=це, да утверди=т в нем веру Правосла=вную, Церковь Русскую да соблюде=т от расколов и ересе=й непоколеби=му. Нам же, к ра=це мощей твоих припа=дающим и чту=щим любовию святую память твою, да=рует время на покая=ние и в доброде=телех преспе=яние, да, в ми=ре сем богоуго=дне пожи=вше, Царствия Небеснаго дости=гнем, иде=же вку=пе с тобою просла=вим Отца, и Сына, и Святаго Духа во веки веков. Аминь.