Мульткалендарь. 7 ноября 2018г

<p id="eow-description" class="">1. 0:04 - Святые мученики Маркиан и Мартирий
2. 2:29 - Праведная Тавифа Иоппийская
3. 4:23 - Мученик Анастасий Аквилейский, Салонский
4. 6:10 - Преподобный Мартирий Печерский, диакон
5. 7:57 - Преподобноисповедница Матрона (Власова), инокиня
▼
Тропарь мучеников Маркиана и Мартирия
глас 1
Мученик двоица единонравная,/ Маркиан с Мартирием славным,/ Ариево нечестие разрушиша/ и Соприсносущна Сына Отцу и Духови веровати научиша,/ Павлу повинующеся, истинных повелений учителю,/ темже мечем убиени, умроша,/ и присно со Христом живуще,// о нас Того молят спасти души наша.
Кондак мучеников Маркиана и Мартирия
глас 4
Подвигшеся добре от младенства,/ Маркиане с мудрым Мартирием,/ отступника Ария низложисте,/ невредно сохраньше Православную веру,/ Павлу последующе, мудрому учителю,/ темже с ним обретосте живот,// яко Троицы поборницы изряднейшии.

Тропарь праведной Тавифы
глас 4
Днесь вера Христова утверждается камнем веры,/ и ликовствует в веселии Иоппия,/ псаломски славословят Жизнодавца Сына Божия вернии,/ видяще совершаемо велие чудо:/ первоверховный апостол глаголет,/ и умершая востает от гроба,/ юже Низложитель смерти дарует Церкви,/ да украшаются во образ ея добродетельми люди./ Приидите убо, христиане,/ принесем ко святей моления наша:/ блаженная Тавифо и милосердная,/ вознеси наша воздыхания Пресвятей Троице/ и молися со дерзновением,/ да сынове Света Превечнаго будем,/ да сподобимся Божия милости,/ да пребываем в любви Божественней,/ и да царствует мир во вселенней.
Кондак праведной Тавифы
глас 4
Ужасахуся Иоппийстии людие, и дивляхуся Ангели Божии,/ егда исцеливый Еннея воззва от мертвых серну нарицаемую, милосердием преукрашенную,/ о нейже к нему взываху вдовицы неимущыя./ И ныне, Тавифо блаженная, услыши молитвы наша, к тебе приносимыя,/ и испроси у всяческих благ Подателя милости и щедроты верным Его,/ да, блажаще тя, вопием ти:/ радуйся, добродетели нас научающая.

Тропарь преподобного Мартирия, диакона Печерского, в Дальних пещерах
глас 1
Служивый в чину диаконства Господеви добре,/ честный иеродиаконе Мартирие,/ и тамо яко слуга Господень обретыйся,/ идеже и Господь твой,/ молися Ему и о нас,/ да подаст нам велию милость.
Кондак преподобного Мартирия, диакона Печерского, в Дальних пещерах
глас 2
Диаконе честный, иночествующим похвало/ и преподобным сопричастниче всеблаженне Мартирие,/ молися Господеви непрестанно о всех нас.
▼
✤ Ссылка на видео https://youtu.be/cLHg7lV1Feo
✤ Подписаться на канал https://www.youtube.com/channel/UCIsi...