Мульткалендарь. 5 октября 2017г

<p id="eow-description" class="">Пророк Иона
Священномученик Фока Синопский
Праведный Петр, бывший мытарь
Преподобный Иона Яшезерский.

Тропарь священномученика Фоки
глас 4
И нравом причастник,/ и престолом наместник aпостолом быв,/ деяние обрел еси, богодухновенне,/ в видения восход,/ сего ради слово истины исправляя,/ и веры ради пострадал еси даже до крове,/ священномучениче Фоко,/ моли Христа Бога,// спастися душам нашим.

Кондак священномученика Фоки
глас 6
Яко архиерей принося, отче, жертвы,/ на конец себе принесл еси жертву живую,/ свидетельствовав законно о Христе Бозе,/ от Ангел укрепляем/ и смерть изволяя,/ сый с вопиющими тебе:// прииди, Фоко, с нами, и никтоже на ны.

Молитва предобному Ионе Яшезерскому
О, преподобне и богоносне отче наш Ионо! Ты, поработати Госпо­деви желая, зде вселился еси, и неленостно во трудех, во бдениих, в мо­литвах и постех подвизался еси, и был еси наставник мона­шествующим, всем же людем учитель ревностный. Ныне убо, по отшествии твоем от земных, небесному Царю предстоя, моли благость Его, еже ущедрити место селения нашего, святой храм сей, идеже духом любве твоея неотсупно пребываеши, и всем людем твоим, с верою к тебе припадающим, во благая прошения их исполнити. Испроси у Милостиваго Господа нашего, да низпослет нам обилие благ земных, паче же яже на пользу душ наших да дарует нам, и скончати житие сие привременное в покаянии да сподобит, в день же судный деснаго предстояния и наслаждения во Царствии своем да устроит во веки веков. Аминь.</p>