<p id="eow-description" class="">Священномученик Анфим, епископ Никомидийский, и с ним Феофил диакон, Дорофей, Мардоний, Мигдоний, Петр, Индис, Горгоний, Зинон, Домна дева и Евфимий
Преподобный Феоктист Палестинский, игумен
Блаженный Иоанн Власатый, Ростовский чудотворец
Мученица Василиса Нико...
<p id="eow-description" class="">Священномученик Анфим, епископ Никомидийский, и с ним Феофил диакон, Дорофей, Мардоний, Мигдоний, Петр, Индис, Горгоний, Зинон, Домна дева и Евфимий
Преподобный Феоктист Палестинский, игумен
Блаженный Иоанн Власатый, Ростовский чудотворец
Мученица Василиса Никомидийская
Тропарь священномученика Анфима
глас 4
И нравом причастник,/ и престолом наместник апостолом быв,/ деяние обрел еси, богодухновенне,/ в видения восход:/ сего ради, слово истины исправляя,/ и веры ради пострадал еси даже до крове,/ священномучениче Анфиме,/ моли Христа Бога// спастися душам нашим.
Кондак священномученика Анфима
глас 4
Во священницех благочестно пожив/ и мучения путь скончав,/ идольская угасил еси служения,/ поборник быв твоему стаду, богомудре./ Темже тя и почитает ныне, тайно вопиюще:/ от бед избави нас// твоими молитвами, приснопамятне Анфиме.
Тропарь преподобного Феоктиста
глас 8
Слез твоих теченьми пустыни безплодное возделал еси/ и иже из глубины воздыханьми во сто трудов уплодоносил еси/ и был еси светильник вселенней,/ сияя чудесы, Феоктисте, отче наш,// моли Христа Бога спастися душам нашим.
Кондак преподобного Феоктиста
глас 4
В постницех присовокупився великому Евфимию,/ в подвизех яко Ангел на земли явися,/ очищая, преподобне, сердца верных/ Божественными знаменьми повсегда,// сего ради любовию, Феоктисте, тя почитаем.
Тропарь блаженного Иоанна Власатого
глас 8Явился еси во граде яко в пустыни,/ в смиренномудрии, чистоте и в трудех, и подвизех, и в терпении мнозе, преблаженне отче Иоанне./ Взем бо Крест Христов последова Ему/ и бе в молитвах и псалмопении день и нощь,/ иноязычнаго речения о спасении всего мира христианскаго рода/ и преселился еси к Невечернему Свету./ Ныне же ко гробу Твоему вернии приходящий,/ моляся Господеви, Богородице и Предтечи, приемлют исцеления молитвами твоими./ Но присно за ны молися, блаженне отче Иоанне, спастися душам нашим.
Кондак блаженного Иоанна Власатого
глас 8Христовою любовию уязвися, отче Иоанне блаженне,/ вышния красоты желая,/ земная же вся презре и ни во чтоже вмени./ И на земли ангельское житие препроводи,/ в вечный покой достиже,/ идеже глас празднущих,/ с нимиже молися за ны./ И душам нашим прощение,/ и телесем исцеление даруй.</p>
