Мульткалендарь. 24 апреля 2017г

<p id="eow-description" class="">Священномученик Антип епископ Пергама
Мученики Прокесс и Мартиниан Римские
Преподобный Иаков Брылеевский
Святитель Варсонофий, епископ Тверский

Тропарь священномученика Антипы
глас 4
Идольския лести упразднил еси, Антипо,/ и, диавольскую поправ силу,/ пред богоборцы дерзновенно Христа исповедал еси./ Темже со Ангельскими чины в Вышних водворяяся,/ Владыце всех славословие принося,/ и о нас молебное благодарение предлагаеши,/ благодать цельбы даруя./ Сего ради тя чтим,/ священномучениче Антипо,/ моли Христа Бога,// да спасет души наша.

Кондак священномученика Антипы
глас 4
Апостолов сопрестольник и святителей украшение/ был еси, блаженне,/ мученически прославився,/ возсиял еси, якоже солнце, всех просвещая,/ Антипо священне,/ разрушил еси безбожия нощь глубокую./ Сего ради тя почитаем,/ яко Божественнаго суща священомученика// и целеб подателя.

Тропарь святителя Варсонофия, епископа Тверского
глас 3
Возвестителю пути спасительного,/ истинный хранителю апостольских преданий,/ столпе непоколебимый, благочестия учителю/ и Православия наставниче, святителю Варсонофие,/ Владыку всех моли/ мир вселенней даровати/ и душам нашим велию милость.

Кондак святителя Варсонофия
глас 6
Воздержанием тело духу поработив,/ душу же равноангельну сотворил еси,/ сего ради святительства саном почется,/ чисте Чистейшему предстоиши./ Моли Христа Бога, святителю,/ спасти люди твоя, святе,/ да вси вопием ти:/ радуйся, отче преподобне Варсонофие,// граду нашему Казани похвала и утверждение.</p>