Го́споди Иису́се Христе́, Сы́не Бо́жий, Ты бо ре́кл еси́ пречи́стыми усты́ Твои́ми: «Ами́нь глагóлю вáм, я́ко áще двá от вáс совещáета на земли́ о вся́цей вéщи, ея́же áще прóсита, бýдет и́ма от Отцá моегó, и́же на небесе́х: иде́же бо естá двá или́ триé сóбрани во и́мя моé, тý éсмь посреде́ и́х». Непрело́жны словеса́ Твоя́, Го́споди, милосе́рдие Твое́ безприкла́дно и человеколю́бию Твоему́ не́сть конца́. Сего́ ра́ди мо́лим Тя, да́руй на́м, рабóм Твои́м епископу Симону, иерею Александру со чадами, мл. Анны, мл. Варвары, мл. Василисы, отроку Игорю, Зинаиды со чад., Владимиру, Ларисы, Любви, Ольги, Вере, Юрию, Елены, Светланы, Владимиру, Иоанну, Михаилу, Игорю, Маргариты, Маргариты и помяни́, Бо́же, ве́дый коего́ждо во́зраст и именова́ние, согласи́вшимся проси́ть Тя: О Це́ркви Твое́й святе́й под зна́мением Креста́ во́инствующей, согла́сии в ве́ре и единому́дрии, суему́дрия же и раско́лов истребле́ние; О ми́ре, тишине́ и благоустрое́нии во все́й богопросвеще́нной держа́ве Росси́йстей; О да́ре, все́м и коему́ждо благопотре́бнем, душе́вном и теле́сном здра́вии, безбе́дном и ти́хом житии́, да поживе́м в ве́це се́м в покая́нии, чистоте́ и в творе́нии богоуго́дных де́л; Об избавле́нии от тру́са, пото́па, огня́, меча́ и вся́каго пра́веднаго гне́ва и преще́ния, благовре́менне подвиза́я нас к очисти́тельному и умилостиви́тельному во гресе́х на́ших покая́нию, ра́ди мно́жества щедро́т Твои́х; о помощи, прошении, спасении и даровании велия милости епископу Симону, иерею Александру со чадами, мл. Анны, мл. Варвары, мл. Василисы, отроку Игорю, Зинаиды со чад., Владимиру, Ларисы, Любви, Ольги, Вере, Юрию, Елены, Светланы, Владимиру, Иоанну, Михаилу, Игорю, Маргариты, Маргариты и всем молящимся по соглашению; О христиа́нския кончи́ны живота́ на́шего, безболе́знены, непосты́дны, ми́рны и до́браго отве́та на Стра́шнем Суди́щи Твое́м исполне́ния на́шего проше́ния. Отврати́, Го́споди, от на́с все́х вра́г ви́димых и неви́димых, духов злобы поднебесной, антихриста; да сохрани́ши на́с благода́тию Твое́ю и непобеди́мым ополче́нием а́нгел Твои́х, и́ми же огражда́еми и наставля́еми. Но оба́че не я́коже мы хоти́м, но я́коже Ты. Да бу́дет во ве́ки во́ля Твоя́. Ами́нь.