прп. Феодор Санаксарский

Пре­по­доб­ный Фе­о­дор Са­нак­сар­ский (в ми­ру дво­ря­нин Иван Иг­на­тье­вич Уша­ков) ро­дил­ся в 1718 го­ду в сель­це Бур­на­ко­во Ро­ма­нов­ско­го уез­да Яро­слав­ской про­вин­ции. Ро­ди­те­ли опре­де­ли­ли юно­шу на во­ин­скую служ­бу в гвар­дей­ский Пре­об­ра­жен­ский полк в Санкт-Пе­тер­бур­ге, где вско­ре он был про­из­ве­ден в сер­жан­ты. Во вре­мя обыч­но­го шум­но­го со­бра­ния гвар­дей­цев, в са­мый раз­гар ве­се­лья, один из юно­шей вне­зап­но упал за­мерт­во. Уви­дев умер­ше­го без по­ка­я­ния то­ва­ри­ща, Иоанн осо­знал непроч­ность мир­ско­го сча­стья. По­сле это­го, бу­дучи два­дца­ти лет от­ро­ду, Иван Уша­ков оста­вил бле­стя­щую сто­лич­ную жизнь гвар­дей­ско­го офи­це­ра и из­брал сте­зю от­шель­ни­ка. Бо­лее трех лет он в оди­но­че­стве под­ви­зал­ся в лес­ной ча­ще на бе­ре­гах Дви­ны, а за­тем в Пло­щан­ской пу­сты­ни Ор­лов­ской гу­бер­нии, в от­да­лен­ной лес­ной ке­ллии. Как не име­ю­щий пас­пор­та, Иоанн был взят сыск­ной ко­ман­дой и до­став­лен в Санкт-Пе­тер­бург. Шесть лет тяж­ких ис­пы­та­ний, ли­ше­ний и скор­бей из­ме­ни­ли его неузна­ва­е­мо. Он был сух и бле­ден ли­цом, одет во вла­ся­ни­цу, под­по­я­сан про­стым рем­нем. Но осо­бен­но по­ра­жа­ла всех ле­жа­щая на нем пе­чать глу­бо­ко­го сми­ре­ния. «Не вме­няю те­бе по­бе­га в про­сту­пок и жа­лую преж­ним чи­ном», – ска­за­ла им­пе­ра­три­ца Ели­за­ве­та Пет­ров­на. На это он от­ве­тил сми­рен­ной прось­бой – дать уме­реть мо­на­хом. По­сле трех­лет­не­го по­слуш­ни­че­ско­го ис­ку­са в Алек­сан­дро-Нев­ской Лав­ре 13 ав­гу­ста 1748 го­да трид­ца­ти­лет­ний Иоанн Уша­ков был по­стри­жен в мо­на­хи с име­нем Фе­о­дор.

Пре­по­доб­ный все­гда же­лал под­ви­зать­ся в Са­ров­ской оби­те­ли и в 1757 го­ду вы­ехал из Санкт-Пе­тер­бур­га. С ним вы­еха­ли неко­то­рые уче­ни­ки и уче­ни­цы. Ста­рец по­ме­стил уче­ниц в Ар­за­мас­ском де­ви­чьем Ни­коль­ском мо­на­сты­ре, а сам с уче­ни­ка­ми по­се­лил­ся в Са­ров­ской пу­сты­ни. Вско­ре уче­ни­цы пре­по­доб­но­го пе­ре­ве­де­ны бы­ли в Алек­се­ев­скую об­щи­ну, где жи­ли в стро­гом сле­до­ва­нии уста­ву, дан­но­му стар­цем.

Про­жив в Са­ров­ской пу­сты­ни два го­да, отец Фе­о­дор возы­мел на­ме­ре­ние воз­об­но­вить обед­нев­шую Са­нак­сар­скую оби­тель, на­хо­дя­щу­ю­ся в трех вер­стах от уезд­но­го го­ро­да Тем­ни­ко­ва, на ле­вом бе­ре­гу ре­ки Мок­ши. К при­ез­ду от­ца Фе­о­до­ра един­ствен­ная цер­ковь оби­те­ли бы­ла вет­ха и бед­на, де­ре­вян­ные ке­ллии и огра­да по­чти раз­ва­ли­лись, кров­ли сгни­ли. В стро­и­тель­стве от­цу Фе­о­до­ру по­мо­га­ли сред­ства­ми бла­го­тво­ри­те­ли, по­чи­тав­шие его за доб­ро­де­тель­ную жизнь в Алек­сан­дро-Нев­ской Лав­ре. Прео­свя­щен­ный Па­хо­мий, епи­скоп Там­бов­ский, при­звал к се­бе пре­по­доб­но­го и умо­лял его быть в Са­нак­са­ре на­сто­я­те­лем, при­няв свя­щен­ство. Ста­рец по сми­ре­нию от­ка­зы­вал­ся от хи­ро­то­нии, но, убеж­ден­ный епи­ско­пом, 13 де­каб­ря 1762 го­да был ру­ко­по­ло­жен в иеро­мо­на­ха. На­сто­я­те­лем пре­по­доб­ный Фе­о­дор был твер­дым и стро­гим. На бо­го­слу­же­ния по­свя­ща­лось в сут­ки ча­сов де­вять, а в вос­крес­ные и по­ли­е­лей­ные дни – де­сять и бо­лее то­го; при все­нощ­ном бде­нии до две­на­дца­ти. В церк­ви он тре­бо­вал раз­дель­но­го неспеш­но­го чте­ния. Ста­рец за­вел в оби­те­ли лич­ное ру­ко­во­ди­тель­ство бра­тии и пол­ное от­кро­ве­ние по­мыс­лов. Днем или но­чью вся­кий мог ид­ти к на­сто­я­те­лю. При вы­хо­де от стар­ца чув­ство­ва­лась на ду­ше сво­бо­да и ти­ши­на.

Пи­ща в оби­те­ли бы­ла са­мая гру­бая. На мо­на­стыр­ские по­слу­ша­ния вы­хо­ди­ли все, во гла­ве с на­сто­я­те­лем. Из­бе­гая по­во­дов тще­сла­вия, он не по­стил­ся бо­лее, чем бы­ло уста­нов­ле­но, и на брат­ской тра­пе­зе пи­тал­ся на­равне со все­ми, бе­ря все­го по­не­мно­гу.

Ко­гда бы­ли вы­ры­ты рвы в ос­но­ва­нии ка­мен­ной двух­этаж­ной церк­ви, во вре­мя мо­леб­на при­ле­тел рой пчел и сел на гор­нем ме­сте бу­ду­ще­го ал­та­ря, про­об­ра­зуя обиль­ную бла­го­дать в оби­те­ли и мно­же­ство мо­на­хов в ней. С тех пор от при­ле­тев­ше­го роя в оби­те­ли по­ве­лись пче­лы.

Но стар­ца вновь жда­ло тя­же­лое ис­пы­та­ние. По лож­но­му до­но­су тем­ни­ков­ско­го во­е­во­ды Нее­ло­ва ста­рец в 1774 го­ду был со­слан в Со­ло­вец­кий мо­на­стырь. Для до­про­сов отец Фе­о­дор был вы­зван в Во­ро­неж, а от­ту­да за­ехал в За­дон­ский мо­на­стырь к пре­бы­ва­ю­ще­му там на по­кое свя­ти­те­лю Ти­хо­ну. Он при­нял от­ца Фе­о­до­ра с ве­ли­кой лю­бо­вью; три дня про­дол­жа­лась меж­ду ни­ми ду­хов­ная бе­се­да. При отъ­ез­де свя­ти­тель Ти­хон про­во­жал от­ца Фе­о­до­ра через весь мо­на­стырь, низ­ко кла­ня­ясь на­по­сле­док. В Со­ло­вец­ком мо­на­сты­ре ста­рец про­жил де­вять лет в стро­гом за­клю­че­нии, нуж­да­ясь в са­мом необ­хо­ди­мом и ис­пы­ты­вая стра­да­ния от хо­ло­да и силь­но­го уга­ра. Не раз его ед­ва жи­во­го вы­но­си­ли из ке­льи и от­ти­ра­ли сне­гом. Но и в ме­сте за­клю­че­ния бра­тия Са­нак­сар­ской оби­те­ли и сест­ры Алек­се­ев­ской об­щи­ны не остав­ля­ли сво­е­го лю­би­мо­го на­став­ни­ка, ока­зы­вая ма­те­ри­аль­ную под­держ­ку и ис­пра­ши­вая его мо­литв.

На­ко­нец по хо­да­тай­ству мит­ро­по­ли­та Санкт-Пе­тер­бург­ско­го Гав­ри­и­ла и вы­со­чай­ше­му по­ве­ле­нию Ека­те­ри­ны II отец Фе­о­дор по­лу­чил пол­ную сво­бо­ду и воз­вра­тил­ся в Са­нак­сар­скую оби­тель. В лю­би­мой оби­те­ли ста­рец про­дол­жал усерд­но ра­бо­тать Гос­по­ду. По­сле непро­дол­жи­тель­ной бо­лез­ни отец Фе­о­дор скон­чал­ся в ночь на 19 фев­ра­ля 1791 г. Те­ло его, хо­тя и ле­жав­шее в теп­лой ке­ллии до по­гре­бе­ния, не из­да­ва­ло за­па­ха тле­ния. На мо­ги­ле пре­по­доб­но­го бы­ла по­ло­же­на ас­пид­но­го кам­ня пли­та с над­пи­сью: «Здесь по­гре­бен 73-лет­ний ста­рец иеро­мо­нах Фе­о­дор, по фа­ми­лии Уша­ков, воз­об­но­ви­тель Са­нак­сар­ско­го мо­на­сты­ря, ко­то­рый по­стри­жен в Алек­сан­дро-Нев­ской Лав­ре, про­дол­жал мо­на­ше­ское жи­тие 45 лет; со все­ми ви­да­ми ис­тин­но­го хри­сти­а­ни­на и доб­ро­го мо­на­ха 19 фев­ра­ля 1791 го­да скон­чал­ся».

Пле­мян­ник пре­по­доб­но­го Фе­о­до­ра Са­нак­сар­ско­го – бле­стя­щий фло­то­во­дец адми­рал Фе­дор Уша­ков, вый­дя в от­став­ку, так­же жил воз­ле Са­нак­сар­ско­го мо­на­сты­ря, скон­чал­ся в 1817 го­ду и был по­хо­ро­нен воз­ле сво­е­го дя­ди. Вме­сте со сво­им пре­по­доб­ным срод­ни­ком он про­слав­лен в ли­ке свя­тых Рус­ской Пра­во­слав­ной Церк­ви.

Па­мять пре­по­доб­но­го Фе­о­до­ра Са­нак­сар­ско­го празд­ну­ет­ся в день его кон­чи­ны – 19 фев­ра­ля (по ста­ро­му сти­лю; 4 мар­та, а в ви­со­кос­ный год 3 мар­та – по но­во­му сти­лю), а так­же в день об­ре­те­ния его мно­го­це­леб­ных мо­щей – 21 ап­ре­ля (4 мая н. ст.).

Тропарь преподобному Феодору Санаксарскому
глас 4
От юности твоея сынове Христа возлюбил еси, и токмо Господеви служити восхотев, благую часть избрал еси, яже не исхищается смертию. Единому на потребу себе предав и Жизни Подателю, от Него же сподобился еси даров божественного учительства и духовного разсуждения, окормляя всех прибегающих к тебе и ищущих души спасение, богомудре старче Санаксарский Феодоре.

Молитва

О радосте наша! Пастырю наш, преподобне отче Феодоре! Воздыхаем из глубины сердца нашего и со слезами вопием ти: видиши наше неможение, во мраце страстей пребывание, сил душевных разслабление, своеволием обдержание, плотоугодием пленение и всякия добродетели обнищание! Виждь плач и недоумение наше! Вразуми ны и настави на спасения стези, испроси нам у великодаровитаго Бога нищеты нашея познание, слезное покаяние, нелицемерное смирение и в молитве непрестанное терпение, да сими благость Его к себе приклоним ко прощению грехов и сподобимся с тобою вечно пребывати во Царствии Небеснем, поюще и благословяще Всесвятую Троицу: Отца, и Сына, и Святаго Духа, ныне и присно, и во веки веков. Аминь.

АКАФИСТ ПРЕПОДОБНОМУ И БОГОНОСНОМУ ОТЦУ НАШЕМУ ФЕОДОРУ САНАКСАРСКОМУ

Кондак 1

Избранный угодниче и добрый воине Царя Небеснаго, заповедей Евангельских изрядный делателю, всех прибегающих к тебе ко спасению наставниче, смирением велие дерзновение стяжавый ко Господу, выну моли о нас, недостойных чадех твоих, да зовем ти: Радуйся, преподобне Феодоре, стада Христова пастырю богомудрый.
Икос 1

Ангельское житие твое провидя и многих ко спасению привести имущаго, от юности избрав тя Христос в жилище Себе, дары многими тя почти: мы же, прославляюще тя прославльшаго, бренными устнами вопием ти:
Радуйся, в разум истины пришедый;
радуйся, яко врага и вся страсти одолел еси.
Радуйся, яко звание учительства от Господа приял еси;
радуйся, яко научил еси нас спасения пути.
Радуйся, вся злострадания кротко претерпевый;
радуйся, яко данный тебе талант сторицею преумножил еси.
Радуйся, преподобне Феодоре, стада Христова пастырю богомудрый.
Кондак 2

Видев печальный конец плотскаго жития и безчинныя утехи мирския в смертоносный яд вменив, вразумившему тя Господу, взывал еси: Аллилуиа.
Икос 2

Разум божественный желая стяжати, вся земная во уметы вменил еси, да безценный бисер, Христа, приобрящеши. Темже пустынное житие избрал еси, сего ради вопием ти:
Радуйся, человеческая пристрастия отринувый;
радуйся, безстрастия возжелевый.
Радуйся, своеволие оставивый;
радуйся, плотоугодие возненавидевый.
Радуйся, яко немощную плоть духом побеждал еси;
радуйся, яко вместо земнаго веселия небесное стяжал еси.
Радуйся, преподобне Феодоре, стада Христова пастырю богомудрый.
Кондак 3

Силою Божиею укрепляемь, велия подвиги подъял еси: покаяние начало положив, плоть непрестанно озлоблял еси и, все упование на Господа возложив, вопиял еси Ему: Аллилуиа.
Икос 3

Имея нрав незлобивый и сердце милующее, неразумным гонителем твоим вся обиды прощал еси, наипаче умолял еси от возлюбленныя тя пустыни не отлучати. Темже, видяще таковое твое во юности преуспеяние, восхваляем тя:
Радуйся, кроткий пустынножителю;
радуйся, от юности непрелестный подвижниче.
Радуйся, от демонов ненавидимый;
радуйся, за Христа поношения претерпевый.
Радуйся, все упование на Господа возложивый;
радуйся, в вере своей не посрамивыйся.
Радуйся, преподобне Феодоре, стада Христова пастырю богомудрый.
Кондак 4

Буря безбожия и противных ветров воста тогда на Русь святую, и не бе места во обителех истинным рабом Христовым, сего ради и ты странствия и скитания подъял еси, обаче на всяком месте возлюбленному Богу вопиял еси: Аллилуиа.
Икос 4

Слышав повеление Спасителево, не отвратился еси воздати кесарево кесарю и, представ на суд мира сего, вспять не обратился еси, темже ублажаем твердость твою, взывающе:
Радуйся, любовь к миру до конца умертвивый;
радуйся, яко вся земная презрел еси.
Радуйся, вышняго Царя паче земнаго убоявыйся;
радуйся, славы суетныя не восхотевый.
Радуйся, несмущенною твердостию царицу удививый;
радуйся, верою крепкою суд на милость преложивый.
Радуйся, преподобне Феодоре, стада Христова пастырю богомудрый.
Кондак 5

Боготечная звезда возсиял еси в столице северней, темный запад унылаго жития благочестием своим озарив и научая собою Просветителю душ вопити: Аллилуиа.
Икос 5

Видя себе ко ангельскому чину причтена, Бога восхвалял еси, вся благая желания исполняющаго: чада спасения же в тебе истиннаго отца и пастыря обретоша, с нимиже и мы поем таковая:
Радуйся, чистым житием к себе души привлекавый;
радуйся, постничеством всех удивлявый.
Радуйся, яко обеты иноческия строго соблюл еси;
радуйся, яко непрестанную молитву возделал еси.
Радуйся, в разсуждении Златоусту подобник быв;
радуйся, яко свыше дар врачевания душ приял еси.
Радуйся, преподобне Феодоре, стада Христова пастырю богомудрый.
Кондак 6

Проповедника боговещаннаго тя видя и стадо овец Христовых окрест тебе умножающееся, паки воста на тя завистник древний, злобу и клевету во уста недостойная вложив; ты же, провидя козни его, Подателю благосердия пел еси: Аллилуиа.
Икос 6

Возсия свет радости в души твоей, егда, место гневу дав, псаломски в пустыни саровстей водворился еси, обаче и паству твою на тучныя пажити монашескаго жительства привел еси, с неюже ликующе, и мы рцем:
Радуйся, гонителем мщения не давый;
радуйся, смирением их победивый.
Радуйся, яко словопрений удалялся еси;
радуйся, среди житейския молвы пустыннаго духа не угасивый.
Радуйся, шумом мира тяготивыйся;
радуйся, яко горлица пустыннолюбная, из него воспаривый.
Радуйся, преподобне Феодоре, стада Христова пастырю богомудрый.
Кондак 7

Хотя человеколюбец Господь воинство иноков преумножити и чрез тя сие ко спасению привести, из славнаго Сарова в тишину Санаксара пресели тя и тамо, яко светильник горящий и светящий, на свещнице тя постави, со чады поющаго: Аллилуиа.
Икос 7

Новое и дивное явление зрим на месте сем, видяще тя, яко единаго от древних, лучами святости сияющаго, среди дремучих лесов обитель святую, яко град велик, воздвизающаго: темже зело удивляеми, благодарно воспеваем ти:
Радуйся, воли Божия усердный исполнителю;
радуйся, всякое послушание от него радостно приемляй.
Радуйся, великаго труда не убоявыйся;
радуйся, всю надежду на Щедродавца возложивый.
Радуйся, место сие молитвами своими освятивый;
радуйся, потом и слезами сие удобривый.
Радуйся, преподобне Феодоре, стада Христова пастырю богомудрый.
Кондак 8

Странное чудо и боголепное зрится, яко в немногих летех храм велик во славу Пречистыя созидается, и обитель иночествующих, древним подобная, твоими труды укрепляется, в нейже монаси мнози Строителю спасения единым гласом вопиют: Аллилуиа.
Икос 8

Весь закон, еже по Бозе жития, явлен тебе имея, наставник искусный и предивный был еси, вражия коварства и хитрости мглу, яко луч солнечный, разсеял еси, темже по достоянию слышиши:
Радуйся, бесов прогонителю;
радуйся, страстей искоренителю.
Радуйся, иноческаго общежития устроителю;
радуйся, церковнаго благолепия ревнителю.
Радуйся, исцелявый прощением;
радуйся, врачевавый терпением.
Радуйся, преподобне Феодоре, стада Христова пастырю богомудрый.
Кондак 9

Всякую неправость в себе искоренивый, тщался еси и ближнему сие благо доставити, сего ради неустанно трудился еси, наставляя, обличая и запрещая; льстивое же чадо твое, не терпя отеческих прещений, оклевета тя пред сильными мира сего, не ведуще пети: Аллилуиа.
Икос 9

Витийства сугубаго недостанет, во еже сказати терпение твое скорбей многих, егда в заточении многолетнем во обители Соловецтей пребывал еси; мы же ныне, якоже и чада твоя тогда, со слезами взываем:
Радуйся, яко человекоугодие презрел еси;
радуйся, яко безчинных строгостию исправлял еси.
Радуйся, давидски гонения терпевый;
радуйся, скорби в небесный дар вменявый.
Радуйся, выну к Богу духом горевый;
радуйся, яко и Бог с тобою пребысть.
Радуйся, преподобне Феодоре, стада Христова пастырю богомудрый.
Кондак 10

Спасти хотя верных множества, великий началопастырь многими дары обогати тя, егда, яко злато, огнем страданий очищена паки в родную обитель возврати, яже, усретши тя, светом ангелоподобнаго лика твоего озарися и радостно воспевает праведному Воздаятелю: Аллилуиа.
Икос 10

Стена несокрушимая Православным явился еси, пламенными молитвами лукавыя духи попаляя, трезвыми советы от заблуждения ограждая, божественною любовию сердца согревая; всем быв вся, многих спасл еси, сего ради приими хвалы сия:
Радуйся, на крест радостно возшедый;
радуйся, на кресте не роптавый.
Радуйся, распятием сим до конца ветхая в себе умертвивый;
радуйся, яко в страдании ум к Богу возводил еси.
Радуйся, яко непрестанно горе сердце имел еси;
радуйся, земный ангеле и небесный человече.
Радуйся, преподобне Феодоре, стада Христова пастырю богомудрый.
Кондак 11

Пение всякое побеждается, егда восхощет воспети многочисленныя подвиги твоя; всенощная бдения, непрестанная пощения, слез излияния, болезней и теснот благодушное терпение, яже во все время жития твоего, яко дар должный, Всевышнему приносил еси, темже и сподобился еси от Него со ангелы пети: Аллилуиа.
Икос 11

Светозарный светильник старчества благодатнаго явился еси во времена мрачная забвения и благоуханное цветение его провозвестил еси житием своим, да не увянет цвет духовный в Российстей земли; ныне же на небесех живый, от земных приими песнь сию:
Радуйся, умнаго делания подвижниче;
радуйся, любве чистыя приятелище.
Радуйся, Евангельския мудрости вместилище;
радуйся, яко, паче своея, пользы ближних искал еси.
Радуйся, яко добрый виноградарь явился еси;
радуйся, яко ни едину же розгу презрел еси.
Радуйся, преподобне Феодоре, стада Христова пастырю богомудрый.
Кондак 12

Благодать Божия яви нам, недостойным, в последняя времена мощи твоя святыя, имиже обитель твою от конечнаго разорения сохранил еси, наипаче же к новей жизни возродил еси, темже и ныне умоли за ны, чада твоя, да не явимся неблагодарни за толикую милость к нам и нерадению да не предадимся, обаче да усердно воспеваем Богу: Аллилуиа.
Икос 12

Поюще равноангельное и многоскорбное твое житие, восхваляюще благость Божию, до конца нас не оставившую и за грехи не презревшую, зрим убо наше убожество и скудоумие, во еже воспети тя по достоянию, обаче не отвратися пения сего:
Радуйся, оставляяй согрешающему;
радуйся, небрежное житие обличавый.
Радуйся, в Бозе утешение имевый;
радуйся, яко о миролюбцех рыдал еси.
Радуйся, монашества крепосте необоримая;
радуйся, священства украшение.
Радуйся, преподобне Феодоре, стада Христова пастырю богомудрый.
Кондак 13

О священная главо, богоносне отче наш Феодоре, славу преподобных и венец исповедников стяжавый и в незаходимей сияяй славе! Якоже прежде, тако и ныне не забуди стадо твое, но управи е к вечному спасению, зовущее о тебе Богу: Аллилуиа.
Сей кондак читается трижды, затем - икос 1 и кондак 1.