ДОМ МИЛОСЕРДИЯ

🌹Христос Воскресе!🌹

Как молиться на Светлой седмице?

Во всю Светлую седмицу Часы Святой Пасхи поются вместо утренних и вечерних молитв. Каноны Покаянный, Богородице и Ангелу Хранителю заменяются каноном Пасхи. Все молитвословия предваряются троекратным «Христос воскресе из мертвых». Псалмы и молитвы с Трисвятого по «Отче наш» при этом не читаются.

Часы святой Пасхи
Молитвами святых отец наших, Господи Иисусе Христе, помилуй нас. Аминь.

Христос воскресе из мертвых, смертию смерть поправ, и сущим во гробех живот даровав. (Трижды)

Воскресение Христово видевше, / поклонимся святому Господу Иисусу, / единому безгрешному. / Кресту Твоему покланяемся Христе, / и святое воскресение Твое поем и славим: / Ты бо еси Бог наш, / разве Тебе иного не знаем, / имя Твое именуем. / Приидите вси вернии, / поклонимся святому Христову воскресению: / се бо прииде Крестом радость всему миру. / Всегда благословяще Господа, / поем воскресение Его: / распятие бо претерпев, / смертию смерть разруши. (Трижды)

Ипакои, глас 8:
Предварившия утро яже о Марии, / и обретшия камень отвален от гроба, / слышаху от Ангела: / во свете присносущнем Сущаго, / с мертвыми что ищете, яко человека; / видите гробныя пелены, тецыте, и миpy проповедите, / яко воста Господь, умертвивый смерть, / яко есть Сын Бога, спасающаго род человеческий.

Кондак, глас тот же:
Аще и во гроб снизшел еси, Безсмертне, / но адову разрушил еси силу, / и воскресл еси яко победитель, Христе Боже, / женам мироносицам вещавый: радуйтеся, / и твоим апостолом мир даруяй, / падшим подаяй воскресение.

Во гробе плотски, во аде же с душею яко Бог, / в раи же с разбойником, и на престоле был еси, Христе, со Отцем и Духом, / вся исполняяй неописанный.

Слава Отцу и Сыну и Святому Духу:

Яко живоносец, яко рая краснейший, / воистину и чертога всякаго царскаго показася светлейший, Христе, гроб Твой, / источник нашего воскресения.

И ныне и присно и во веки веков, аминь:

Вышняго освященное Божественное селение, радуйся: / Тобою бо дадеся радость, Богородице, зовущим: / благословена Ты в женах еси, всенепорочная Владычице.

Господи, помилуй. (40 раз)

Слава Отцу и Сыну и Святому Духу; и ныне и присно и во веки веков, аминь.

Честнейшую херувим и славнейшую без сравнения серафим, / без истления Бога Слова рождшую, / сущую Богородицу Тя величаем.

Молитвами святых отец наших, Господи Иисусе Христе, помилуй нас. Аминь.

Христос воскресе из мертвых, смертию смерть поправ, и сущим во гробех живот даровав. (Трижды)

Особенности утренних и вечерних молитв до отдания Пасхи
Молитва Святому Духу («Царю Небесный») не читается до Святой Троицы. До Вознесения Господня вместо «Царю Небесный» трижды читается тропарь Пасхи «Христос воскресе из мертвых», а от Вознесения до дня Святой Троицы молитвословия начинаются с Трисвятого («Святый Боже»).

До Вознесения вместо «Достойно есть» читается: «Ангел вопияше Благодатней: Чистая Дево, радуйся, и паки реку: Радуйся! Твой Сын воскресе тридневен от гроба и мертвыя воздвигнувый: людие веселитеся. Светися, светися Новый Иерусалиме, слава бо Господня на Тебе возсия. Ликуй ныне и веселися, Сионе. Ты же, Чистая, красуйся, Богородице, о восстании Рождества Твоего».

С Пасхи до Троицы отменяются земные поклоны.