Православная молитва - Православная книга

12 апреля (по старому стилю 30 марта)

Память святых угодников Божиих:
святой Еввулы Никомидийской, матери великомученика Пантелеимона (III–IV вв.); преподобного Зосимы, епископа Сиракузского (VI–VII вв.); пророка Иоада, человека Божия (Х в. до РХ); преподобного Иоанна, игумена Синайского (Лествичника) (VI–VII вв.); преподобного Иоанна безмолвника (молчальника) Савваита, бывшего епископа Колонийского (ок. 454–558); апостолов от 70-ти Сосфена, Аполлоса, Кифы, Кесаря и Епафродита (I в.); святителя Софрония, епископа Иркутского (ок. 1703–1771).

Поздравляем именинников!

Тропарь, глас 1 (святой Еввуле Никомидийской, матери великомученика Пантелеимона):
Всерадостное дарование от Бога святым женам – святыя дети; всерадостное даяние и тебе, святая Еввуло, – святый великомученик Пантелеимон, милости тезоименитый, недугующих целитель и наш заступник. Слава убо о вас Всемилостивому Владыце, слава Подающему вами цельбы, слава предстатели наши вас Показавшему.

Кондак, глас 3 (святой Еввуле Никомидийской, матери великомученика Пантелеимона):
Память твоя, Еввуло, веселит чтущих тя, матерь славнаго Пантелеимона, с нимже Божию Престолу предстоящи, молися прегрешений оставление дати нам.

Тропарь, глас 8 (преподобному Иоанну Лествичнику, игумену Синайскому):
Слез твоих теченьми пустыни безплодное возделал еси и, иже из глубины воздыханьми во сто трудов уплодоносил еси, и был еси светильник вселенней, сияя чудесы, Иоанне отче наш, моли Христа Бога спастися душам нашим.

Кондак, глас 1 (преподобному Иоанну Лествичнику, игумену Синайскому):
Плоды присноцветущия, от твоея книги принося учения, премудре, услаждаеши сердца, сим с трезвением внемлющих, блаженне: лествица бо есть, души возводящая от земли к Небесней и пребывающей славе верою чтущих тя.

Величание
Ублажаем тя, преподобне отче Иоанне, и чтим святую память твою, наставниче монахов и собеседниче Ангелов.

О преподобном Иоанне Синайском (Лествичнике), его наставления и другое в книгах: Лествица / Прп Иоанн Лествичник; Закон Божий; Жития всех святых; Тесный путь / Свт Игнатий (Брянчанинов). – М., с. 236–285.

Тропарь, глас 3 (апостолам от 70-ти Сосфену, Аполлосу, Кифе, Кесарю и Епафродиту):
Апостоли святии, молите Милостиваго Бога, да прегрешений оставление подаст душам нашим.

Кондак, глас 4 (апостолам от 70-ти Сосфену, Аполлосу, Кифе, Кесарю и Епафродиту):
Лозие явистеся Христова винограда, мудрии, гроздие приносяще в добродетелех, вино нам спасения источающе: егоже приемлем, веселия исполняющеся. Празднуем честную вашу память, в нюже молите дароватися нам велицей милости и отпущению грехов, Господни апостоли.

Тропарь, глас 4 (святителю Софронию, епископу Иркутскому):
От юности Христа возлюбил еси, блаженне Софроние, добре управил еси иноческия обители и, архиерейства саном почтен быв, упасл еси Иркутскую паству; темже и по преставлении дарования чудес от Бога приял еси и молиши Христа Бога избавити нас от бед и спасти души наша.

Кондак, глас 3 (святителю Софронию, епископу Иркутскому):
Пастырей Начальнику Христу трудился еси, святителю Софроние, на пажити духовней северныя страны нашея, языцы монгольстии от прелести и скверны идольския избавляя, привел еси я к свету веры Христовы, и ныне со Ангелы Владычню Престолу предстоя, моли непрестанно о всех нас, избавити ны от бед и спасти души наша.

О святителе Софронии Иркутском, о чем ему молятся, текст молитвы в книгах: Молитвы об избавлении от празднословия и осуждения ближних; Молитвы святым Божиим с краткими сведениями о житиях и помощи в разных нуждах.

Православная литература www.pravmolitva.ru/catalog/pravoslavnaya-literatura.html