Православная молитва - Православная книга

pravmolitva.ru освященная икона
ПРЕПОДОБНЫЙ ОТЧЕ СЕРГИЕ,
МОЛИ БОГА О НАС!

Молитва преподобному Сергию Радонежскому
О великий заступниче рода христианскаго, теплый ходатаю ко всещедрому Богу о всех православных, неусыпный сохранниче рода Российскаго, скорый в бедах всем к тебе с верою и любовию притекающим помощниче, отче святый, от Отца Небеснаго чадом твоим данный, богомудрый наставниче иночествующих, прекрасный образе постников, светлое зерцало добродетелей, столпе целомудрия непозыблемый, священная главо, преподобне Сергие! Се аз, многогрешный, к тебе, скорому помощнику, во умилении сердца моего прибегаю и во глубоце души моея смирении мили ся тебе дею. Моли всемилостиваго и всещедраго Человеколюбца Бога о мне, грешнем, яко да по многим Своим щедротам очистит беззакония моя и от грех моих омыет мя, да не тех ради скверны отвержен буду пречистаго града небеснаго. Призри на веру мою, яже к тебе, и настави мя на стезю заповедей Божиих, да поне отныне шествую путем жизни вечныя. Буди мне, заблуждшему, вождь в Царствие Небесное, буди управитель корабля жизни моея ко тихому пристанищу. Ты, богомудре отче, прежде неже свет чувственный узрел еси, истинный свет – Бога, во Троице Святей славимаго, – прославил еси, егда во чреве матернем трижды возгласи. Сотвори убо, да и аз, помраченный грехов тьмою, свет невещественный Трисиятельнаго Единаго Божества выну прославляю троицею души моея, треми ея силами: памятию, разумом и волею. Разум утверди, еже заповеди Божия разумети. Память укрепи, еже вся Его благодеяния, нас ради сотворенная, по вся дни живота нашего, вечер и утро, воспоминати благочестно и благодарствие приносити. Волю настави, еже Божию волю всегда совершати и та выну хотети, яже Его святому угодна суть хотению. Еще, о наставниче мой предобрый, усердными молю твою благостыню слезами, настави ко славословию Пребожественныя Троицы грешныя и окаянныя жизни моея тройчество: помышление, слово и дело. Умоли Бога, Отца Небеснаго, яко да мене, дело руку Своею, обратит на делание повелений Своих Божественных. Упроси единороднаго Сына Его, Бога Слова, да устне мои отверзет, еже выну слово славы Его глаголати и николиже гнила слова от уст моих испущати. Умилостиви в виде огненных язык явльшагося Всесвятаго и Животворящаго Духа, яко да огнем благодати Своея помышления в сердце моем, яко злато в горниле, очистит и сотворит мя достойно жилище пребывания Своего. Увы мне, яко раб греха бех аз, доселе сластьми искушаем и демоном прельщаем, но отныне каюся от всея души моея и плачуся дел моих горько, отвращаюся от беззаконий моих множества, обращаюся же всем сердцем моим ко Единому Богу моему и Творцу, имея предприятие во уме истинное Ему единому выну служити. Точию ты, скорый помощниче, о святый отче наш Сергие, помози мне, окаянному, святым ти пособием и буди споручник у всещедраго Бога о моем исправлении. Ей, отче святый, невозвратну имам волю и намерение, еже не ктому греху работати, и усердно хощу Божиих заповедей неленостный делатель быти, но враг лукавый борет мя страстьми беспрестанно, телесными и житейскими услаждении прельщает. Ты убо, крепкий демонов силы победителю, в год брани моея помози ми, да не речет враг мой: укрепихся нань. Изнемогающа мя укрепляй, падающа поддержи, падша воздвигни и утверди нозе мои, еже право ходити в пути воли Божия, и вождствуй мя сам, яко добрый пастырь свое овча, до последняго моего издыхания, пасый неоскудно пажитьми благодатей Божиих. По разлучении же души моея грешныя от сквернаго сего телесе исходатайствуй ми у Царя всех Бога в селениих праведных водворение, да и аз, грешный, тобою сподоблен буду пети и воспевати со всеми святыми Бога, в Троице Святей славимаго, Отца и Сына и Святаго Духа, в безконечныя веки веков. Аминь.

Преподобному Сергию, Радонежскому чудотворцу, молятся об исцелении болящих, избавлении от гордыни, о приобретении смирения, сохранении нашей страны от внешних врагов, внутренних междоусобиц и других бед, спасении жизни воинов во время сражения, воспитании детей, просвещении разума отроков, которым трудно дается учение, защите от злых духов и о многом другом.

Размер освященной иконы преподобного Сергия Радонежского в багетной рамке 12 х 15 см. Розничная цена 230 р. Вы можете заказать икону с доставкой почтой во все регионы России.
Ассортимент освященных икон представлен на сайте Православного Издательства Тихомирова М.Ю. pravmolitva.ru
Быстрый заказ – по телефонам: (495) 592-72-52, (495) 330-03-81
Заказать иконы можно также по e-mail: pravmolitva@mail.ru либо отправить заказ в чат.
В заказе укажите, пожалуйста, названия и количество икон, а также ФИО и почтовый адрес получателя. Мы сообщим Вам общую сумму заказа с учетом стоимости почтовых услуг и отправим заказ получателю в течение одного рабочего дня с момента поступления оплаты. При получении заказа на почте Вам ничего оплачивать не нужно.
В Москве освященные иконы можно также получить самостоятельно в наших пунктах самовывоза или заказать доставку курьером.
Каталог «Освященная икона» pravmolitva.ru