Редкие Богослужебные тексты

Мч. Василию Мангазейскому
На Господи, воззвах:
Глас 1, под. Всехвальнии мученицы
Всехвальне Василие,/ чистоту душевную,/ издетска притяжал еси,/ темже господину твоему/ верою и правдою служил еси/ обаче Небе́сному Царю́/ паче угождал еси// и за сие благочестно о Христе пострадал еси.
Всечестне Василие,/ не в безбожных языцех пожил еси,/ во Святей же Руси процвел еси,/ обаче от сребролю́бнаго врага́,/ мучения и смерть приял еси/ любве ради твоея ко Господу,/ сего ради со древними мученики// во Царствии достойно вчини́лся еси.
Преславне Василие,/ чистоту души и тела сохранший,/ и невинно о Христе пострадавший,/ благодать велию стяжал еси/ болящим различными недуги помогати / и во многия беды́ впадшия избавляти,/ иноро́дцы чудесы́ просвещати,// темже моли о всех чтущих память твою.
На стиховне, гл. 2, под. Доме Евфрафов
Дом душевный/ Христу предочи́стил еси/ сего ради, Васи́лие/ лютости мучителевой не убоявся,// мужески о Христе пострадал еси.
Храм твой телесный,/ от беззаконник разрушен быв,/ силою Божественною, Василие,/ от земных недр возвышается,// и чудесы́ дивными прославляется.
Храм Господень,/ честныя мощи твоя прият, Василие,/ души же верных/ добродетелем и чудесем твоим внимающе,// велию пользу улучают.
Канон, глас 5
Акростих сицевой: Любве ради ко Господу и святой Литургии мучение Василий прия.
Песнь 1
Коня́ и вса́дника в мо́ре Чермно́е / сокруша́яй бра́ни мы́шцею высо́кою / Христо́с истрясе́, Изра́иля же спасе́, / побе́дную песнь пою́ща
Любоблагочестиваго Божия угодника, от сребролюбцев, яко агнца, неповинно закланнаго, мученика Василия воспети, Господи, отверзи ми ум и язык.
Юна и пречестна́ Леторасль града Ярославля был еси, мучениче Василие, заповеди Господни, молитву, пост и труды издетска возлюбив, моли Бога и нам сим добродетелем подражати.
Богом послан, мучениче ты был еси Жестокосердным и озлобленным людем земли Мангазейския, пробуждения спящей их совести ради. Обаче не уразумеша тии людие, люблением злата ослеплении, благодатной чистоты души Твоея. Но Господь, видяй тайная, тя прослави, да зовем ти: Радуйся северных предел земли Русския чудотворче и Просветителю.
Во отрочестве еще сый, святе Василие, закон Господень добре уразумел еси, к молитве же прилежание велие стяжал еси, сего ради уготоваша тя сия добродетели твоя послежде мученический подвиг восприяти.
Еще юну тебе, видев отец твой разум и трудолюбие твои, вдаде тя в научение именитому купцу, той же, разумев честность, мудрость и нестяжание твои, поят тя в новоустрояемый град Мангазею, златокипящею прозванный, в самой северной окраине Русския земли созданный, да поможеши ему, куплю его правити.
Богородичен: Радосте скорбящих и всех труждающихся Помоще, Дево Мати Божия, и нам помози.
Песнь 3
Водрузи́вый на ничесо́мже зе́млю повеле́нием Твои́м / и пове́сивый неодержи́мо тяготе́ющую / на недви́жимем, Христе́, ка́мени за́поведей Твои́х, / Це́рковь Твою́ утверди́, Еди́не Бла́же и Человеколю́бче.
Аще и юн леты, мучениче, ты был еси, обаче дом отеческий и родителей, послушания ради оставил еси, да труды многи среде чуждых тебе людей в чуждем граде восприимеши, обаче тии людие оклеветветанию, мучениям и убиению тя предаша. Ныне же в Небеснем граде у Господа прославленный, молися о нас, во гресех бедствующих, да сребролюбия и братоненавидения твоими молитвами избавимся!
Дальний и незнаемый путь разумея, имеяше Василий велию печаль в сердце своем, егда с богоспасаемым отечеством и любимыми отцом и материю разлучашеся, обаче утеши его Господь, возглаголав в сердце его, яко Божиею волею преселение сие совершается, сего ради смиренно стопы своя в дальний путь, мучениче, направи, непрестанно Господу моляся.
Имеяй крепкую веру и любовь ко Пресвятей Владычице Богородице, непрестанно помощь Ея в твоем путьшествии призывал еси, святе Василие.
К месту страдания твоего Десницею Вышняго веден был еси, мучениче, от бед и всяких бесовских обстояний ею в пути Твоем избавлен бе, темже Сына Божия и Пречистую Его Матерь по скончании путьшествия Твоего сослезами благодарил еси.
О, святе мучениче Василие, воспеваем добродетели твоя, имже подражати и нас научи молитвами твоими
Богородичен: Господородительнце, Мати Дево святаго мученика Василия Покровительнице, буди и нам, грешным, Заступница и Покров!
Песнь 4
Боже́ственное Твое́ разуме́в истоща́ние прозорли́во, / Авваку́м, Христе́, со тре́петом вопия́ше Тебе́: / во спасе́ние люде́й Твои́х / спасти́ пома́занныя Твоя́ прише́л еси́.
Оле покорности твоея воле Божией, , святе Василие, и нас научай воле Господней смиренно последовати.
Сурово срете тя, мучениче, тая земля Мангазейская: хлади и лютии снежнии ветри, скудость во всем прообразоваху тех жителей мангазейских: кровь и обман, бпиянство и блуд. Наипаче же корень всех зол сребролюбие воцарися в сердцах их, злых и жестоких.
Службу церковную паче всего любил еси, мучениче, всякий свободный час в храме Божии провождая и глаголя в сердце твоем: лучше ми приметатися в дому Бога моего паче, неже жити в селениих грешничих.
Обличение нечестивым быша добродетели твоя, святе Василие, ты бо по вся дни с утра, до поздняго вечера усердно труждашеся в лавке хозяина своего, нощи же провождаше в коленнопреклоненной молитве. Точию под самое утро малаго сна веждами твоими вкушаше.
День и нощь святый Василий, со слезами неотступно прошаше Милосерднаго Господа первее о прощении грехов своих, вольных же и не вольных, таже о даровании покаяния людем града Мангазейскаго и о просвещении Светом Христовым язы́ков, живущих во стране той.
Богородичен: Умные Силы со страхом предстоят Тебе, Богородице, с их славословием и наша смиренныя молитвы приими.
Песнь 5
Одея́йся Све́том, я́ко ри́зою, / к Тебе́ у́тренюю и Тебе́ зову́: / ду́шу мою́ просвети́ омраче́нную, Христе́, / я́ко Еди́н Благоутро́бен.
Исполняемый любовию к Богу и ближнему, богобоязненный юноша покаяние Господу от лица мангазейских жителей приношаше, о посещении их Божией Благодатию Господа прошаше, благочестивые обеты за отступавших от Бога людей даваше, кроткими и смиренными словеесы тех увещаваше.
Светлой Пасхальной заутрени, в храме совершаемей, Василию же прилежно тамо молящуся, нападоша татие и расхитиша имение господина его, егда же той Василия призываше, благоговейный юноша не изыде из храма дондеже пение скончася, сего ради господин обвини его в татьбе, и руганиям и биениям предаде.
Вине никоей же причастный, смиренно глагола святый: «истинно ничто же от имения твоего взях», купец же ко градскому воеводе его отведе на новыя мучения.
Яко зверие дивии устремишася на тя, святе, мучителие твои, от сребролюбия в неистовство впадшии, украденное чающе восприяти, Ты же, мучениче, яко первомученик Стефан чистою душею о убивающих тя молился еси вся же истязания незлобиве и кротце претерпел еси, ныне же, Христу предстояй, молися о чтущих тя
Тебе, безвиннаго юношу алчный купец без жалости ударом связки амбарных ключей убивает.
Богородичен: Оле беззакония и лютости совершившихся, видела еси, Пречистая Дево, мученика Василия Покровительнице.
Песнь 6
Неи́стовствующееся бу́рею душетле́нною, / Влады́ко Христе́, страсте́й мо́ре укроти́ / и от тли возведи́ мя, / я́ко Благоутро́бен.
Имеяй совесть чисту и помысл непостыден, деветьнадесятилетний Василий в самый день Святыя Пасхи безвинно мученическую кончину приемлет.
Люте оклеветаннаго и без жалости убиеннаго святаго Василия без должнаго церковнаго моления в негодном месте погребают.
Ин суд человеческий и ин суд Божий, чрез четыредесят и седмь лет Господь яви мощи святаго Василия и прослави многими чудесы.
Тако благоволи Господь, яко на месте погребения твоего, мучениче, бысть пожар.
Уразуме мангазейскийстрелец Стефан, яко на погорелом месте из земли показася неизвестный гроб.
Богородичен: Радуйся, Обрадованная Дево, мучеников бо Ты еси Похвала.
Кондак, гл4
Страда́ние соверши́в, свя́те,/ погребе́ния же честна́го не сподо́бився,/ в ти́нное ме́сто вве́ржен/ и попира́емь был еси́ от мимоходя́щих, / но Бог просла́ви мо́щи твоя́ чуде́сным явле́нием, Васи́лие,/ прославля́яйся во святы́х Свои́х,// дая́й страда́льцем вене́ц нетле́нный.
Икос
Святый мучениче Василие, Богом послан был еси жестокосердным и озлобленным людем земли Мангазейския пробуждения спящей совести ради. Обаче не уразумеша тии людие, люблением злата ослеплении, благодатной чистоты души Твоея. Обаче Господь, видяй тайная, тя прослави, да зовем ти: Радуйся северных предел земли Русския чудотворче и Просветителю; Радуйся моля́шихся ти заступниче и хранителю!
Песнь 7
Превозноси́мый отце́в Госпо́дь / пла́мень угаси́, о́троки ороси́, / согла́сно пою́щия: / Бо́же, благослове́н еси́.
Гроб твой, Василие не токмо выйде из земли, но не скрыся и егда для мирскаго ходу положили на него судовую дску.
Изумишася вси видящии, како гроб, из земли вышедший преломи судовую дску, для мирскаго ходу на нем положенную.
Изволиша мангазейстии людие часовню над гробом поставити и недужниии мнози, с верою притекавшии к помощи неведомаго угодника Божия, получиша исцеления.
Мангазейский стрелец Тимофей извести воеводу, яко явися ему новоявленный чудотворец Мангазейский, над его же гробом ставят новую часовню, и тотчас по его обете пожертвовать на часовню, исцели его больную руку.
Угодник Божий Василий многажды помогаше сбившимся с пути охотником и путником, слепоту и расслабления и многия недуги исцеляше, малодушных от убиения самех себе удержаваше, имя же свое откры в видении охотнику Григорию.
Богородичен: Честнейшую Херувим и славнейшую без сравнения Серафим Матерь Божию име Василий в сердце своем первее, неже матерь по плоти, ныне же во Царствии Ей предстоит, моляся о чтущих его.
Песнь 8
Тебе́, Вседе́телю, / в пещи́ о́троцы, всеми́рный лик спле́тше, поя́ху: / дела́ вся́кая, Го́спода по́йте / и превозноси́те во вся ве́ки.
Егда умножишася чудотворения твоя, мучениче Василие, тогда списания о них Архиепископ Сибирский в царствующий град Царю направи, но не у прославлен был еси.
Новая слава мученика явися, егда мощи его священнослужителие освидетельствоваша.
Изволением Божиим строитель Туруханскаго монастыря Тихон после бывшаго ему видения честныя мощи мученика во обитель сию Троицкую от Мангазеи со крестным ходом пренесе. Митрополит же Тобольский состави канон в похвалу святомуВасилию.
Егда же быша паки сокрыты мощи в земле под часовней, осыпашеся земля, и паки гроб из земли показася и бысть пренесен во храм и устроено бысть надгробие.
Василию мученику безвинному похвалу да поем честную.
Богородичен: Ангельстии лицы предтоят Ти, Владычице, с их же пением и наша приими убогая моления.
Песнь 9
Иса́ие, лику́й, Де́ва име́ во чре́ве / и роди́ Сы́на Емману́ила, / Бо́га же и Челове́ка, Восто́к и́мя Ему́, / Его́же велича́юще, Де́ву ублажа́ем.
Силою молитв и чудес твоих, мучениче, мнози тунгусы, эвенки и юраки от язычества ко Христу обратишася! И ныне помози заблуждшим людем в Сибири и всей России.
Изволением Господним показася Василий первый святой, прославленный на Сибирстей земле.
Леность и уныние отжени от душ наших, Василие, яко труженик неленостный и молитвенник усердный.
Исцели наша недуги и страсти, святе Василие, Сибирский чудотворче.
Исполни прошения наша, святе Василие, яже ко спасению душ наших и здравию телесному.
Богородичен: Пресвятей Владычице усердно молившагося праведника прияла еси, Дево в небесныя обители, его же молитвами и нас, грешных, спаси.
Светильны:
Радуйся, святе Василие, ради любве ко храму Божию пострадавый и в самый день светлого Христова Воскресения мученическим венцем украшенный, и моли Бога о нас.
Слава:
Иже безвинно мученичество приемый, святе Василие, моли о нас, чтущих тя: николиже нам гневом пообеждатися и спастися душам нашим.
И ныне:
Яко нашего воскресения Сокровище, на Тя надеющияся, Всепетая, от рова и глубины прегрешений возведи: Ты бо повинныя греху спасла еси, рождшая Спасение наше, Яже прежде рождества Дева, и в рождестве Дева, и по рождестве паки пребываеши Дева.