Редкие Богослужебные тексты

С Л У Ж Б А
святому праведному Феодосию,
исповеднику Мелитопольскому
НА ВЕЛИЦЕЙ ВЕЧЕРНИ
На Господи, воззвах: стихиры, глас 1:
Наста=, богоно=се отче, / солнца светле=йший твой праздник, / приходя=щия к тебе верою озаря=яй /и безсме=ртием облагоуха=яй, / Феодосие пречу=дне, // моли=твенниче о душа=х наших.
Нов сад явился еси, отче Феодо=сие, / насажде=н во дво=рех до=му Бога нашего, / веселя=щ чада твоя духовная,/ ви=дящая плоды= доброде=телей твоих, /мы же приносим ти венцы= многоплете=нныя, / хва=ляще тя и взывающе: // моли=ся о душа=х наших.
Отче священне Феодосие, / в годи=ну лю=тую / Христу ревностно после=довавый,/ и страдания за Него претерпе=вый=,/ и яви=выйся пастырь добрый, / правило веры и благочестия учитель, / ныне радости Небесныя наслажда=яйся, // моли= спасти=ся душа=м нашим.
Душе=ю ми=лостива и по=мыслы чи=ста,/ сердцем же терпели=ва и верою претве=рда, / священными песньми почитаем тя, отче Феодосие, // и благочестно ублажаем и восхваляем.
Лик твой пресве=тлый / благода=тию духовною озаре=н бысть,/ паче же краснейший душе=ю явился еси,/ мощи же твоя удивля=ют всяк разум,/ во еже прославля=ти Бога, просла=вльшаго тя,// отче наш Феодосие.
Слава, глас 8:
Благослове=нне отче Феодо=сие, / ты на Бога все упование возложи=, / и Той тя= во Царствии Небеснем просла=ви, / иде=же со сро=дники нашими, / Новомученики и Исповедники Земли= Русския, / верою, надеждою и любовию Ему угоди=вшими, / непреста=нно пое=ши Отца, и Сына, и Святаго Духа, // Троицу Единосущную и Нераздельную.
И ныне, Богородичен: Царь Небесный:
Вход. Прокимен дне. Чтения три преподобническая:
Премудрости Соломона чтение
Души праведных в руке Божией, и мучение не коснется их. В глазах неразумных они казались умершими, и исход их считался погибелью, и отшествие от нас – уничтожением; но они пребывают в мире. Ибо, хотя они в глазах людей и наказываются, но надежда их полна бессмертия. И немного наказанные, они будут много облагодетельствованы, потому что Бог испытал их и нашел их достойными Его. Он испытал их как золото в горниле и принял их как жертву всесовершенную. Во время воздаяния им они воссияют как искры, бегущие по стеблю. Будут судить племена и владычествовать над народами, а над ними будет Господь царствовать вовеки. Надеющиеся на Него познают истину, и верные в любви пребудут у Него; ибо благодать и милость со святыми Его и промышление об избранных Его. (Прем 3:1–9)
Премудрости Соломона чтение
Праведники живут вовеки; награда их – в Господе, и попечение о них – у Вышнего. Посему они получат царство славы и венец красоты от руки Господа, ибо Он покроет их десницею и защитит их мышцею. Он возьмет всеоружие – ревность Свою, и тварь вооружит к отмщению врагам; облечется в броню – в правду, и возложит на Себя шлем – нелицеприятный суд; возьмет непобедимый щит – святость; строгий гнев Он изострит, как меч, и мир ополчится с Ним против безумцев. Понесутся меткие стрелы молний и из облаков, как из туго натянутого лука, полетят в цель. И, как из каменометного орудия, с яростью посыплется град; вознегодует на них вода морская и реки свирепо потопят их; восстанет против них дух силы и, как вихрь, развеет их. Так беззаконие опустошит всю землю, и злодеяние ниспровергнет престолы сильных. Итак, слушайте, цари, и разумейте, научитесь, судьи концов земли! Внимайте, обладатели множества и гордящиеся пред народами! От Господа дана вам держава, и сила – от Вышнего. (Прем 5:15–24; 6:1–3)
Премудрости Соломона чтение
Праведник, если и рановременно умрёт, будет в покое, ибо не в долговечности честная старость и не числом лет измеряется: мудрость есть седина для людей, и беспорочная жизнь – возраст старости. Как благоугодивший Богу, он возлюблен, и, как живший посреди грешников, преставлен, восхищен, чтобы злоба не изменила разума его, или коварство не прельстило души его. Ибо упражнение в нечестии помрачает доброе, и волнение похоти развращает ум незлобивый. Достигнув совершенства в короткое время, он исполнил долгие лета; ибо душа его была угодна Господу, потому и ускорил он из среды нечестия. А люди видели это и не поняли, даже и не подумали о том, что благодать и милость со святыми Его и промышление об избранных Его. (Прем 4:7–15)
На литии стихира, глас 6:
Боголюби=вое твое стадо и верных собо=ри/ восхваля=ем тя, ра=бе Христов благи=й и ве=рный, / прему=драя бо твоя словеса= / и недви=жимая кре=пость духовная / даже неве=рныя удиви=ша, / те=мже му=дрости и крепости нам у Влады=ки испроси=// и спасения душа=м нашим.
Слава, и ныне, глас тойже: Богородице, Ты еси Лоза Истинная:
На стиховне стихиры, глас 2:
Подобен: Доме Евфрафоф:
Душу струя=ми / покая=нных слез омы=л еси,/ блаже=нне Феодосие,/ и возсия= тебе //Свет Христов Невечерний.
Стих: Свяще=нницы Твои облекутся в правду, / и преподобнии Твои возрадуются.
Царство Небесное, / сла=вне отче Феодосие, / страда=нием стяжал еси,/ и радость вои=стинну неизрече=нную, // и благодать предстательства за ны.
Стих: Внидем в селения Его, / поклони=мся на место, иде=же стоя=сте но=зе Его.
Дом Духа Божественнаго, / чистоты и правды исполне=нный, / яви=лся еси, Феодосие прехва=льне, / свяще=нства Христова правило // и веры утверждение.
Слава, глас и подобен тойже:
Услы=ши наша моле=ния, / отче премилосе=рдый, / любовию к тебе прибега=ющих, / и не оста=ви те=плым заступле=нием // чту=щия святую память твою.
И ныне, Богородичен, глас и подобен тойже:
Пресвятая Ма=ти Божия, / Де=во Всечи=стая Марие, / моли=ся из Тебе воплоще=нному / Солнцу Правды Господу, // спасти= и просвети=ти ду=ши наша.
Тропарь, глас 4:
Благода=тию свяще=нства пома=зан, / преблаже=нне отче Феодосие, / образ па=стырем / и благоче=стия светлый пропове=дник яви=лся еси,/ в годи=ну гоне=ний у=зы и поноше=ния претерпева=я, / веру пра=вую непоро=чно содержа=, / Истине всех науча=я и в ско=рбех утеша=я; / те=мже усердно молим тя:// моли= спасти=ся душа=м нашим.
НА УТРЕНИ
По 1 м стихословии седален, глас 4:
К Богу Вы=шнему воззвал еси, досточу=дне Феодосие: / помилуй мя, Господи, / я=ко вра=зи нечести=вии попра=ша мя, / и изба=ви душу мою от сме=рти, / очи от слез и но==зе от поползнове=ния, // да благоугожду= пред Тобою во свете живых.
Слава, и ныне, Богородичен:
Стена Необори=мая лю=дем православным еси, Богородице Дево, / к Тебе бо притека=юще, невреди=ми пребыва=ем, / и па=ки согреша=юще, и=мамы Тя Моли=твенницу. / Тем, благодаря=ще, вопием Ти: / радуйся, Благодатная, Господь с Тобою.
По 2 м стихословии седален, глас 4:
Егда= непра=веднии оболга=ша тя/ и кня=зие лю=дстии ра=нам жестоким преда=ша,/ ты, отче Феодосие, на Бога упова=я, моли=лся еси:/ Господи, Господи, кто подобен Тебе,/ испове=мся Тебе в сердце моем, / и язык мой поучи=тся правде Твоей,// весь день хвале Твоей.
Слава, и ныне, Богородичен:
О Всепетая Богородице Влады=чице, мученик Испове=дание и Ве=нче, / Ангелы сла=вимая и челове=ки воспева=емая,/ и всего мира возжеле=нная Помощнице, / изба=ви Церковь Русскую вся=каго обстояния, // Еди=на Благослове=нная.
По полиелеи седален, глас 8:
Премудрости рачи=теля, Феодосия восхва=лим,/ Христу Царю после=довавшаго,/ Вы=шних возжела=вшаго, ни=жняя же оста=вившаго, / мно=гия ско=рби и бе=ды, изгнания и заточения подъя=вшаго/ и во дворы= Господни все=льшагося, / емуже молимся: отче достоблаженне, / моли Христа Бога прегрешений оставление дарова=ти // пра=зднующим верою и любовию святую память твою.
Слава, и ныне, Богородичен:
Тя Надежду, Прибе=жище и Предста=тельницу обре=тше, ве=рнии, / к Тебе притека=ем и приле=жно вопие=м: / помилуй, Богородице, на Тя упова=ющия // и прегрешений оставление нам испроси=, Пречистая.
Таже степенна, 1 й антифон, глас 4. Прокимен, глас 4:Возвеселится праведник о Господе / и уповает на Него.
Стих: Услыши, Боже, глас мой, внегда молитимися к Тебе. Всякое дыхание: Евангелие от Луки, зачало 64.
По 50 м псалме стихира самогласна, глас 6:
Свиде=тель и=стинный и тве=рдый / во дни гоне=ния безбо=жнаго / яви=лся еси, отче Феодосие, / богобо=рческое безу=мство ти=хостию нра=ва посрамля=я, / чудесы= многоразли=чными ве=ру правосла=вную в лю=дех утвержда=я, / малоду=шныя словесы= Боже=ственными утеша=я, / всех ко Христу приводя=; / тако и нас не лиши= твоего заступле=ния, / почитающих память твою верно.
Канон, глас 5
Песнь 1
Коня и вса́дника в мо́ре Чермно́е,/ сокруша́яй бра́ни, мы́шцею высо́кою/ Христо́с истрясе́, Изра́иля же спасе́,// побе́дную песнь пою́ща.
Всесве=тлую звезду= мысленное яви= тя Солнце, лучи= бо доброде=телей твоих зе=млю просвети=ша, исповедниче Христов, отче Феодосие.
Це=ркве Христо=вы па=стырю до=брый, поруга=ния, насмея=ния и лжесвиде=тельства претерпе=л еси и безбо=жники кро=тостию и смире=нием обличи=л еси.
Житие= твое чи=сто и скве=рне несмеше=но бысть, му=дре Феодосие, темже яко Христов свяще=нный сосу=д тя почита=ем.
Богородичен: Неболе=зновавшая чре=вом, ро=ждшая Христа Господа, мольба=ми Твоими Ма=терними исцели= болезни душ и теле=с наших, да благода=рно Сыну Твоему принесем победную песнь.
Песнь 3
Водрузи́вый на ничесо́мже зе́млю повеле́нием Твоим/ и пове́сивый неодержи́мо тяготе́ющую/ на недви́жимем, Христе, ка́мени за́поведей Твои́х// Це́рковь Твою́ утверди́, Еди́не Бла́же и Человеколю́бче.
Силою кре=стною огради=вся, во=ине Христов, во страда=ниих и изгн=аниих веру непоро=чну сохрани=в, в мире благоче=стне пожил еси, сего ради и венец правды от Подвигополо=жника прия=л еси.
Истине Евангельской изде=тска науче=нный, животво=рныя заповеди Спа=совы испо=лнил еси ре=вностно, отче, и пути спасительному па=ству твою научил еси.
Души= твоея= красото=ю и разума чистото=ю, преди=вне, и сло=ва твоего прему=драго луча=ми правосла=вных сердца= просветил еси.
В годи=ну гонений стадо твое от тьмы звере=й изба=вил еси, растерза=ти е= и=щущих и отступи=ти веры непоро=чныя ну=дящих, всече=сте Феодосие.
Богородичен: Разум=но в купине= Тя огнепа=льней Моисей ви=де, явственно образу=ющей Бога, хотя=ща из Тебе= роди=тися неизрече=нно, Богородице Приснодево.
Седален, глас 3:
Ненави=дящия Господа посрами=л еси, / и=же хотя=ще, отче Феодосие, Христа тя отлучи=ти и смерти преда=ти. / Ты же, к Богу ум твой впери=в, / яко птица, се=ти ловя=щих изба=вился еси / и в Кро=вы Небе=сныя возлете=л еси, / иде=же, в ли=це Новому=ченик и Испове=дник Церкве Русския пребыва=я, // мо=лишися о спасении душ наших.
Слава, и ныне, Богородичен:
Ки=йждо, по=мощи тре=буяй, / усердно к Тебе притекает, Богородице, / несть бо ина=го Прибежища, спасающаго ду=ши наша, то=кмо Ты, Всепетая.
Песнь 4
Боже́ственное Твое́ разуме́в истоща́ние/ прозорли́во Авваку́м, Христе, со тре́петом вопия́ше Тебе́:/ во спасе́ние люде́й Твои́х // спасти́ пома́занныя Твоя́ прише́л еси́.
Обле=клся еси в свяще=нныя одежды, отче Феодосие, я=же в по=двизе испове=дания невреди=мы сохранил еси, темже, вшед в Чертог Небесный, Свет Непристу=пный зри=ши.
Кто по достоя=нию возмо=жет восхвали=ти кротость твою и медото=чныя глаго=лы твоя, отче? Язык твой бысть трость книжника, Духом Святым води=мая, многих бо привлече= к вере и покаянию.
Влады=це твоему Христу подо=бяся, во=льную страсть претерпе=вшему, распя=лся еси ми=рови и страсте=м, Феодосие Богоприя=тне, и ныне лику=еши во Царствии Его.
Богородичен: Ма=ти Божия Преми=лостивая, не возгнуша=йся я=звами нашими грехо=вными, Врача ро=ждшая душ и телес наших, утоли= болезни, и исцели= неможе=ния, и спаси нас.
Песнь 5
Одея́йся Све́том, я́ко ри́зою,/ к Тебе́ у́тренюю и Тебе́ зову́:/ ду́шу мою́ просвети́ омраче́нную, Христе́,// я́ко Еди́н Благоутро́бен.
Словом и житие=м твоими образ был еси ве=рным, сего ради всели=ся в тя Дух Святы=й, отче Богоно=се, темже моли=ся и нам стяжа=ти Того благодать.
Сия=нием Вы=шним озаре=нный, страстоте=рпче, любовию Божественною и ре=вностию о служении Богу и ближним воспламени=лся еси и безбо=жия нощь отгна=л еси=.
По успении супру=жницы твоея=, отче, целому=дренную жизнь усугуби=л еси и крест во=инскаго па=стырства восприя=л еси, уте=шитель и моли=твенник о Оте=честве и лю=дех Богода=нный показа=вся.
Богородичен: Льще=нием человекоуби=йцы дре=вняго пра=отцы наша от Присносу=щныя Жи=зни отпадо=ша, Рождеством же Твоим, Чистая, земноро=днии па=ки в Рай вни=ти сподо=бишася.
Песнь 6
Неи́стовствующееся бу́рею душетле́нною, / Влады́ко Христе́, страсте́й мо́ре укроти́/ и от тли возведи́ мя,// я́ко Благоутро́бен.
Мно=гия бра=ни и ра=ны возложи=шася на тя, отче, ты же, вся неотре=чне претерпева=я, бо=дренно взыва=ше: Боже, от тли возведи= мя, яко Благоутробен.
Изгна=ния и поноше=ния Господа ради подъя=вшаго, иере=я Божия пребла=гостнаго Феодосия в пе=снех воспои=м, да его молитвами получи=м грехов прощение.
Корабле=м церковным бушу=ющее море житейское неврежде=нно преплы=л еси и дости=гл еси, богоблаже=нне, Ве=чныя Пристани, отту=ду же нас помина=й, празднующих память твою.
Испо=лнися на тебе глаго=л Христов, а=ще Мене= изгна=ша и вас иждену=т. Те=мже, угото=вав душу твою во искуше=ние, мно=гая страда=ния, поноше=ния и скорби му=жески понесе=.
Богородичен: Испо=лнися на Тебе проро=чество Симео=ново и ору=жие про́йде ду=шу Твою, т=емже му=чеником и исповедником Стена Неруши=мая и Помощь Неоскудева=ющая пребыва=еши, Влады=чице Многоми=лостивая.
Кондак, глас 6:
Упова=нием неколеби=мым не=мощь челове=ческую укрепи=в,/ дерзнове=нно на страда=ния за Христом после=довал еси, / от Него же благодать ду=ш и телес врачева=ния восприя=л еси, богому=дре отче Феодосие, // тем любовию тя ублажа=ем.
Икос
Чистото=ю душевною вооружи=вся, тече=ние сконча=, веру соблюде=, гоне=ния и скита=ния терпели=вно понесе= и прия= от Бога благодать исцеля=ти неду=ги приходя=щим к честне=й ра=це мощей твоих, богомудре отче Феодосие, и всех возвыша=ти к высоте Небесней; тем любовию тя ублажаем.
Песнь 7
Превозноси́мый отце́в Госпо́дь/ пла́мень угаси́, о́троки ороси́,/ согла́сно пою́щия:// Бо́же, благослове́н еси́.
Му=жеством и кре=постию ду=шу твою украси=в, свя=те, во страда=ниих лю=тых Христа не отре=клся еси= и мно=гими скорбьми= покой Небесный и радость неизрече=нную обре=л еси, ны=не же пое=ши: благослове=н еси, Боже отец наших.
Страх муче=ния отложи=в, к по=двигу испове=дания необори=мо устреми=лся еси, отче Феодосие, Христа еди=наго возжеле=в, Емуже ныне пое=ши: благословен еси, Боже отец наших.
Де=лателю молитвы трудолю=бне, пра=ведниче многосла=виме, слу=жбы церко=вныя усе=рдный ревни=телю, люди твоя пе=ти научи=: благословен еси, Боже отец наших.
Богородичен: Ра=досте наша, Пречи=стая Дево, от всех родо=в Еди=ная, Божество неопа=льно вмести=вшая, Тя благослови=м во вся веки.
Песнь 8
Тебе́, Вседе́телю,/ в пещи́ о́троцы, всеми́рный лик спле́тше, поя́ху:/ дела́ вся́кая, Го́спода по́йте// и превозноси́те во вся ве́ки.
Венец испове=днический, Боголю=бче, стяжа=в, чудесы= притека=ющим к тебе возсия=л еси, заре=ю любве= твоея== тех благоде=тельствуя.
Весь да=льняя и град Мелито=поль освяти=ся прише=ствием твоим, па=стырю веледу=шне, и стеца=хуся к тебе лю=дие от конец Оте=чествия нашего, и=щуще твоея= помощи и утешения.
Отец чадолю=бивый был еси всем приходя=щим к тебе с ну=ждами и скорбьми=, блаженне, и никто=же неуте=шен от твоего лица оты=де.
Ангелом сомоли=твенниче, сердцем чистым пред Престолом Божиим священноде=йствуяй, Вседержи=телю взывал еси: Господа пойте дела и превозносите во вся веки.
Богородичен: Слово Отчее Единосу=щное, Адамово Избавле=ние, от крове=й Твоих де=вственных воплоти=ся, во спасе=ние наше и обновление.
Песнь 9
Иса́ие, лику́й,/ Де́ва име́ во чре́ве/ и роди́ Сы́на Емману́ила,/ Бо́га же и Челове́ка, Восто́к и́мя Ему́,// Его́же велича́юще, Де́ву ублажа́ем.
В печа=ли, отче, по кончи=не твоей ча=да твоя оста=вил еси, явле=нием же благово=нных мощей твоих в радость духовную верных множества претвори=л еси, темже похва=льная ти прино=сим, Христа велича=юще.
Красу=ется Церковь и весели=тся в памяти твоей, Богоизбра=нне Феодосие, ве=рнии же пра=зднственная ти прино=сят, прославля=юще Христа, тя просла=вльшаго.
Струю= нам исцеле=ний честна=я ра=ка твоя источа=ет, отче, страсте=й излия=ния смра=дная изсуша=ющи и вся=ку напая=ющи ду=шу к благопло=дию боголюбе=зному, священне Феодосие.
Во Оби=тели Го=рния ра=достию восше=л еси, ве=лий уго=дниче Христов, и Ангельским Во=инством ныне сликовству=еши, с ни=миже непреста=нно моли спасти=ся пою=щим тя.
Богородичен: Юже воспевают Си=лы Небе=сныя, Влады=чицу Деву, Це=ркве Удобре=ние, верных Державу и Похвалу=, благода=рно величая, пение скончава=ю.
Светилен:
Светом Преве=чнаго Сия=ния озари=вся, отче Феодосие, Христу после=довал еси и, Того благодатию освяще=н, источник чудес и милостей яви=лся еси, сего ради молим тя: моли=твами твоими спасай нас.
Слава, и ныне, Богородичен:
Зарю Пречу=дную, из Нея=же Солнце Незаходи=мое произы=де, ве=мы Тя, Пречи=стая. Сего ради мо=лимся: яко Ма=ти Света су=щи, просвети= нас Светом Сына Твоего, Христа Бога нашего.
На хвалитех стихиры, глас 4:
Богоблаже=нне Феодосие,/ у=зы и ско=рби мно=гия за веру прия=в, / к Небесным восте=кл еси / и, от земли= преста=вився, / в Селе=ниих Горних водвори=лся еси, / ныне же, со Христом царствуя, моли= дарова=ти душа=м нашим мир и велию милость.
О память твою светло творя=щих /и подвиги испове=дничества твоего пою=щих, / не преста=й моля=ся к Человеколю=бцу, преди=вне отче, / сохрани=ти ны от бед и скорбе=й,/ и бу=дущия причасти=ти Жизни, // и дарова=ти душа=м нашим мир и велию милость.
Живода=вцу Спасу Господу, / Того благода=тию укрепля=емь, / во страда=ниих последовал еси, / крест взем и житие= испове=днически соверши=в; /темже вопие=м ти, богому=дре: /моли= Всеще=драго Влады=ку //дарова=ти душа=м нашим мир и велию милость.
Лобыза=юще испове=дническия стопы= твоя, / преселе=ние твое пра=ведное в Го=рняя чтим / и верою припа=даем к честны=м моще=м твоим, / чудеса= неизрече=нная источа=ющим, / отче Феодосие, / и мо=лим Христа Бога предста=тельством твоим // дарова=ти душа=м нашим мир и велию милость.
Слава, глас 8:
Прииди=те, мучениколю=бцы, / торжество= соста=вим достоблаже=нному Феодосию, / похваля=юще его вели=кия подвиги, / веры крепость и богосло=вия чистоту=, / и=миже, яко солнце, осия= паствы своея= сердца=, / и отгна= от нея= безбо=жия тьму, / и научи= боголе=пно сла=вити // светлое Христово Воскресение.
И ныне, глас тойже:
Влады=чице, приими= молитвы раб Твоих / и изба=ви нас // от вся=кия нужды и печали.
Славословие великое и отпуст.
НА ЛИТУРГИИ
Блаженны от канона песнь 3 я и 6 я. Прокимен, глас 4: Возвеселится праведник о Господе / и уповает на Него.
Стих: Услыши, Боже, глас мой, внегда молитимися к Тебе.
Апостол ко Ефесеем, зач. 233. Аллилуиа, глас 4: Праведник, яко финикс, процветет, / яко кедр, иже в Ливане, умножится. Стих: Насажденнии в дому Господни во дворех Бога нашего процветут.
Евангелие от Матфея, зачало 11. Причастен: В память вечную будет праведник: