Редкие Богослужебные тексты

СЛУЖБА СОБОРУ МОСКОВСКИХ СВЯТЫХ
На Господи воззвах:
гл.8 под «О преславнаго чудесе..»
О пресла=внаго чудесе=,/ яко зве=зды све=тлыя на церко=вном небеси= сия=ете/ и искушений и печалей мрак разгоня=ете,/ ко Граду Небесному путеводя=ще о=вцы па=ствы ва=шея,/ о святи=и чудотво=рцы, святи=телие Моско=встии,/ не преста=йте во вся времена/ Христа умоля=юще за град же и люди,// благода=рным сердцем вас сла=вящия!
О боголюби=ваго по=двига оте=ц преподо=бных,/ и=хже сонм великий в преде=лех Моско=вских просия=!/ Молитвами бо и бдением,/ нестяжа=нием и крайним смире=нием/ Богу угоди=вше,/ дерзнове=ние прия=ша/ предстательствовати за вся чада своя духовная;/ те=мже просим не преста=ти николи=же// я=же за ны молитвам вашим.
О благочести=ваго мудрова=ния пра=ведников,/ о ди=внаго юродства во Христе блаже=нных,/ заповеди Христовы всем сердцем возлюби=вших/ и самоотве=рженно исполнивших! / Восхва=лим у=бо, ве=рнии, и поклони=мся им,/ во след их ше=ствовати потщи=мся,/ прося=ще непрест=анно,// молитвами их спасти=ся душа=м нашим.
О ве=лия веры дерзнове=ния,/ е=же во испыта=ниих яви=ша новому=ченицы,/ ти=и бо я=ко в чужди=х телесе=х стра=ждущии/ и многообразно/ смерть за Христа претерпева=ющии,/ духом к Отцу Небесному возлете=ша/ и граду нашему/ твердое забра=ло бы=ша,/ всем же лю=дем его/ моли=твенницы те=плии// и засту=пницы неусы=пнии показа=шася.
Слава, гл.8:
Радуйся и весели=ся о Господе,/ гра=де великий Москво=,/ я=ко мног плод Христу прино=сиши—/ всех святых, в преде=лех твоих просия=вших,/ и Ему доброде=тельным житие=м благоугоди=вших,// и имя Его по всей Руси просла=вивших.
Паремии:
Проро́чества Иса́иина чте́ние (глава́ 49, 8–15):
Та́ко глаго́лет Госпо́дь:/ во вре́мя прия́тное послу́шах тя/ и в день спасе́ния помого́х тебе́./ И созда́х тя и дах тя в заве́т язы́ков,/ е́же устро́ити зе́млю и насле́дити насле́дие пусты́ни./ Глаго́люща су́щим во у́зах: изыди́те!/ И су́щим во тьме: откры́йтеся!/ На всех путе́х пасти́ся бу́дут,/ и на всех стезя́х па́жить их./ Не вза́лчут, ниже́ вжа́ждут,/ ниже́ порази́т их зной, ниже́ со́лнце,/ но Ми́луяй их уте́шит я́/ и сквозе́ исто́чники вод проведе́т я́./ И положу́ вся́кую го́ру в путь/ и вся́кую стезю́ в па́ству их./ Се си́и издале́ча прии́дут,/ си́и от се́вера и мо́ря, ини́и же от земли́ Пе́рсския./ Да веселя́тся Небеса́, и ра́дуется земля́,/ да отры́гнут го́ры весе́лие и хо́лми пра́вду,/ я́ко поми́лова Бог лю́ди Своя́/ и смире́нныя люде́й уте́ши./ Рече́ же Сио́н:/ оста́ви мя Госпо́дь, и Бог забы́ мя./ Еда́ забу́дет жена́ отроча́ свое́?/ или́ не поми́лует исча́дия чре́ва своего́?/ А́ще ли же и сих забу́дет жена́,/ но Аз не забу́ду тебе́, – глаго́лет Госпо́дь.
Прему́дрости Иису́са, сы́на Сира́хова, чте́ние
(глава́ 44, 1–14):
Восхва́лим у́бо му́жи сла́вны и отцы́ на́ша в бытии́./ Мно́гу сла́ву созда́ Госпо́дь в них вели́чием Свои́м от ве́ка./ Госпо́дствующе в ца́рствиих свои́х/ и му́жи, имени́ти си́лою, сове́тующе ра́зумом свои́м,/ провеща́вшии во проро́чествах;/ старе́йшины люди́й в сове́тех/ и в ра́зуме писа́ния люди́й./ Прему́драя словеса́ в наказа́нии их;/ и́щуще гла́са мусики́йска и пове́дающе по́вести во писа́ниих,/ му́жи бога́тии, обдарова́ни кре́постию,/ ми́рно живу́ще в жили́щих свои́х./ Вси си́и в ро́дех просла́влени бы́ша,/ и во днех их похвала́./ Суть от них и́же оста́виша и́мя, е́же пове́дати хвалы́./ И суть, и́хже несть па́мяти, и погибо́ша, я́ко не су́щии,/ и бы́ша я́ко не бы́вше, и ча́да их по них./ Но си́и му́жие ми́лостивии,/ и́хже пра́вды не забве́ны бы́ша,/ с се́менем их пребу́дет до́брое насле́дие,/ изча́дия их в заве́тех./ Оста́ся се́мя их и ча́да их по них,/ до ве́ка пребу́дет се́мя их,/ и сла́ва их не потреби́тся./ Телеса́ их в ми́ре погребе́на бы́ша,/ а имена́ их живу́т в ро́ды./ Прему́дрость их пове́дят лю́дие,/ и похвалу́ их испове́сть Це́рковь.
Прему́дрости Соломо́новы чте́ние (глава́ 3, 1–9):
Пра́ведных ду́ши в руце́ Бо́жией,/ и не прико́снется их му́ка./ Непщева́ни бы́ша во очесе́х безу́мных умре́ти./ И вмени́ся озлобле́ние исхо́д их./ И е́же от нас ше́ствие – сокруше́ние, они́ же суть в ми́ре./ И́бо пред лице́м челове́ческим а́ще и му́ку прии́мут,/ упова́ние их безсме́ртия испо́лнено./ И вма́ле наказа́ни бы́вше,/ вели́кими благоде́тельствовани бу́дут,/ я́ко Бог искуси́ я́ и обре́те их досто́йны Себе́./ Я́ко зла́то в горни́ле, искуси́ их/ и, я́ко всепло́дие же́ртвенное, прия́т я́,/ и во вре́мя посеще́ния их возсия́ют/ и, я́ко и́скры по сте́блию, потеку́т./ Су́дят язы́ком и облада́ют людьми́,/ и воцари́тся Госпо́дь в них во ве́ки./ Наде́ющиися Нань уразуме́ют и́стину,/ и ве́рнии в любви́ пребу́дут Ему́./ Я́ко благода́ть и ми́лость в преподо́бных Его́/ и посеще́ние во избра́нных Его́.

На литии:
Глас1:
Прииди=те, вси благоче=стия рачи=телие/ и угодник Божиих подража=телие,/ днесь бо Собор святых Московских прославля=ется/ и вси лю=дие Росси=йстии радуются/ о пресла=вных вели=чиих Бога нашего,/ в доброде=телех подвижник являемых:/ святителей и иереев,/ преподобных и праведных,/благоверных Царей, Князей и Княгинь,/Христа ради юродивых,/ и преди=внаго новаго сонма,/ от безбожник пострада=вших мученик,/ и=хже молитвами, Христе=,/ первопресто=льный град Москву/ и всю Землю Русскую/ утверди= во благочестии,/ от навет безбо=жных враг защити// и спаси души наша.
Слава, глас 5:
Прииди=те ны=не, о празднолю=бцы и святых люби=телие,/лик святых Московских,/ многообра=зне Богу угоди=вших,/ пе=сненными похвала=ми ублажи=м,/ пропове=дующе велегла=сно тех сла=ву небе=сную/ и земны=я по=двиги:/ к Богу раче=ние непреста=нное,/ Оте=честву и бра=тиям своим служе=ние смире=нное,/ веру правосла=вную, наде=жду и=стинную/ и любовь нелицеме=рную,/ премудрость, от Бога дарова=нную,/ и молитву, Богу соединя=ющую,/ ю=же и стяжа=вше, к Небесным возлете=ша/ и окрест Престола Всецаря= предста=ша,// Его=же и про=сят непреста=нно за ду=ши наша.

И ныне: праздника (Успения).
Аще же вне попразднства: И ныне, глас тойже:
Прииди=те, лю=дие, ныне пра=зднственная торжеству=юще,/ Присноде=ве и Богома=тери поклони=мся,/ архие=реи воспева=юще, свяще=нницы моля=щеся,/ мона=си и мирсти=и благогове=юще,/ и у=зрим, ка=ко Всецари=ца/ покро=вом Своим недосто=йных нас покрыва=ет,/ Ей же и лик святы=х Моско=вских спредстои=т,/ и ку=пно молят Сына Божия/ от вся=каго зла=го обстоя=ния// спасти= град свой и лю=ди своя=.

На хвалитех стихиры воскресны. Слава, глас 8:
Ви=дите, бра=тие, чу=до пресла=вное,/ ка=ко на гра=де нашем слово Бо=жие сбыва=ется:/ и=стина от земли= возсия=,/ и пра=вда с Небесе= прини=че./ Се бо святи=и града нашего и=стинно Богу угоди=ша,/ доброде=тельми своими Его просла=вивше,/ те=мже и в Вы=шних Живы=й/ и на Херуви=мех почива=яй Бог,/ призре= и возвели=чи оте=чество земно=е их./ Мы же, сы=нове их су=ще,/ потщи=мся всеуси=льно путе=м их у=зким ше=ствовати/ и правосла=вно Богу послужи=ти,/ да введе=т и нас Господь, моли=твами их,// во огра=ду Ца=рствия Небе=снаго.

И ныне, глас тойже:
Ви=дите, бра=тие, ди=вное чудо,/ ка=ко це=рквами многоимени=тых пра=здников Богома=тере/ град наш украша=ется,/ и предста=тельством Тоя= похваля=ется,/ и всем страна=м велегла=сно пропове=дует/ ми=лости Преблагослове=нныя Богоро=дицы,// во Успе=нии Своем нас не оставля=ющия.

Тропарь гл.4
Днесь проро=чество святителя Петра/ пред оча=ми нашими сбыва=ется,/ се=рдце бо России град Москва/ свы=ше славу ве=лию прие=млет,/ украша=емь, я=ко би=сером честны=м,/ мно=гим со=нмом Божиих уго=дников;/ к ни=мже мы любо=вию возопии=м:/ о пречу=днии святи=телие,/ испове=дницы и му=ченицы но=вии,/ благове=рнии кня=зие, преподо=бнии отцы,/ и прему=дрии юро=дивии,/ и вси святи=и, зна=емии и незна=емии,/ я=ко благоче=стия столпи=,/ молите Христа Бога/ стране нашей в мире спасти=ся.

На Утрени:
По 1 кафисме седален, глас 1:
Рабо=тасте Го=сподеви со стра=хом чрез вся дни живота= вашего, богоблаже=ннии отцы и матери наши, узким и претру=дным путе=м к Нему ше=ствующе, темже и прии=м Подвигополо=жник труды= ва=ша, введе= вы в Небе=сный покой и ра=дование вечное.
Слава и ныне, глас той же: Твоего предста=тельства увере=ние и милосе=рдия Твоего явле=ние икона Неупива=емая Ча=ша нам, Влады=чице, показа=ся; пред не=юже ду=ши наша в молитве излива=ем и верою Тебе вопие=м: воззри=, Милосе=рдая, на люди Твоя, вся ско=рби наша и печа=ли утоли= и спасе=ние вечное душа=м нашим, Пречи=стая, испроси=.
По 2 кафисме седален, глас 1:
Мно=ги ско=рби пра=ведным, глаго=лет нело=жно боговдохнове=нный Дави=д, темже и вы, отцы= и ма=тери наши, вся сия= со упова=нием и ве=рою претерпе=вше, от Господа избавле=ние прия=сте, и ныне в Небесном Царствии упокоева=етеся.
Слава и ныне, глас той же: Ныне всякое умолка=ет уны=ние, лю=дем, к Ма=тери Бо=жией приходя=щим, и проше=ния своя от се=рдца сказу=ющим, и грехи= своя= Ей испове=дующим, яко Та=я Спору=чница гре=шным непосты=дная к Сыну Своему и Богу нашему яви=ся.
Величание:
Величаем вас, вси святии Московстии, и чтем святую память вашу, вы бо молите за нас Христа Бога нашего.

По полиелеи седален, глас 3:
О са=де прекра=сный и раю= мы=сленный, в преде=лех Моско=вских от Бога насажде=нный, в нем же мно=зи святи=и, я=ко кри=ни прекра=снии процвето=ша и яко древеса= добропло=дная возрасто=ша, благоуха=еши нас арома=ты твоими неизрече=нными и плоды= твоими сла=дкими во спасение пита=еши.
Слава и ныне, глас той же: О Мати Господа Вы=шняго, о Преблагослове=нная Всецари=це, назира=еши вся скорбя=щия и исцеле=ния многим подае=ши, а=ще и надежды врачева=ния земна=го лише=нным, оба=че сия= до=бре ве=дущим, я=ко вся превозмо=жет Ма=терняя Твоя благоприя=тная молитва.

А́ще храм Собо́ра Моско́вских святы́х, степе́нна воскре́сна. Проки́мен святы́х, глас 4: Ра́дуйтеся, пра́веднии, о Го́споде,/ пра́вым подоба́ет похвала́. Стих: Бу́ди, Го́споди, ми́лость Твоя́ на нас, я́коже упова́хом на Тя. Вся́кое дыха́ние: Ева́нгелие хра́ма Собо́ра Моско́вских святы́х, от Матфе́я, зача́ло 10. Воскресе́ние Христо́во: Псало́м 50. Сла́ва: Моли́твами все́х Моско́вских святы́х,/ Ми́лостиве, очи́сти/ мно́жество согреше́ний на́ших. И ны́не: Моли́твами Богоро́дицы,/ Ми́лостиве, очи́сти/ мно́жество согреше́ний на́ших. Поми́луй мя, Бо́же,/ по вели́цей ми́лости Твое́й/ и по мно́жеству щедро́т Твои́х/ очи́сти беззако́ние мое́. И посе́м стихи́ра святы́х.
(Такие уставные указания видим в службе Всем Русским святым сщисп. Афанасия (Сахарова))

Стихира по 50-м псалме, глас 6:

Днесь п=амять всех святых Моско=вских нас собра=,/ возра=дуемся в дне=шний день, бра=тие,/ и Богу благода=рственная принесе=м, глаго=люще: / о Влады=ко,/ удиви=вый на нас ми=лости Твоя=,/ Ты дарова=л еси= гра=ду нашему/ сте=ну кре=пку и щит необори=м —/ предста=тельство и моли=твы со=нма святых,/ и под кров их вы=ну прибега=юще,// во веки да не посрами=мся.

КАНОН, глас 4:
Песнь 1
Ирмос: Триста́ты кре́пкия, Рожде́йся от Де́вы, безстра́стия во глубине́, души́ трича́стное потопи́, молю́ся, да Тебе́, я́ко в тимпа́не, во умерщвле́нии телесе́ побе́дное воспою́ пе́ние.
Прииди=те, бра=тие, восхва=лим и пе=сненныя да=ры принесе=м всем святым, в Земли= Моско=встей просиявшим, и, по=двиги и труды их почита=юще, ко Христу возопии=м: о Владыко, пода=ждь нам слово, во е=же достойно тех просла=вити.
Ка=ко воспои=м подви=жники преподо=бныя, на месте сем прежде всех все=льшияся, и моли=твами непреста=нными град наш основа=вшия, и благодать Божию неотсту=пну бы=ти месту сему= испроси=вшия?
Пе=рвии му=ченицы во Орде= вы яви=стеся, благове=рне кня=же Михаиле с верным ти боля=рином Фео=дором, муче=нием вашим веру Христиа=нскую утверди=вшии, и нече=стие язы=ческое посрами=вшии, и мо=щи ва=ша честны=я граду нашему я=ко залог милости Бо=жия дарова=вшии.
Первонача=льника и устрои=теля гра=да Москвы, блаже=нне кня=же Дании=ле, показа= тя Господь, к Нему же непреста=нно моля=ся, град твой и обитель охраня=й, Землю нашу от бед спасай, правосла=вныя же ру=сския лю=ди посеща=ти ми=лостивно не преста=й.
Вельми= радуется о тебе, пречестны=й отче святи=телю Пе=тре, собственный град твой Москва, помо=щника и засту=пника име=я тя: и ныне, влады=ко, не отходи= ду=хом от нас, молитву творя= за ны к Богу, я=ко да изба=вит ны от наси=лия безбо=жных враг наших, да тя всегда велича=ем.
Богородичен: Я=ко благода=тное сокро=вище дарова=ла еси= Святе=й Руси= икону Твою Влади=мирскую, е=юже отце=м нашим многоча=стне и многообра=зне благоде=яла еси=. Не оскуде=й и ныне, о Ма=ти Бо=жия, утоля=ющи лю=тое на нас воста=ние, и Землю Русскую спаси.

Песнь 3
Ирмос: Не му́дростию, и си́лою, и бога́тством хва́лимся, но Тобо́ю, О́тчею Ипоста́сною Му́дростию, Христе́: не́сть бо свя́т, па́че Тебе́, Человеколю́бче.
Молим вас, святи=телие Христовы Феогно=сте и Киприа=не, Ио=но и Фо=тие, Си=моне и Мака=рие и вси про=чии Моско=встии чудотво=рцы: душе=вное смуще=ние и печа=ли на=шея бу=рю разори=те и тишину= нам пода=йте вашими к Богу моли=твами.
Святи=телю о=тче Алекси=е, вои=стинну пастырь добрый ста=ду твоему яви=лся еси=, богоразу=мным разсужде=нием Церковь и страну нашу окормля=я и управля=я, и=хже пользы ради да=ры учи=тельства и чудес от Христа прие=мь, цари=цу ага=рянскую исцеля=еши и вся лю=ди ко и=стинней вере наставля=еши.
О прему=дрыя жены= преподо=бныя, Иулиани=е и Евпракси=е, Жениха Христа всем сердцем возлюби=вшия; обитель и=ноческую в сла=вном гра=де Москве я=ко свещу= Ему возже=гше, о=бщаго жития= же=нскаго нача=льницы на Руси= яви=стеся, и ныне, я=коже прежде, моли=те Его приле=жно за вся люди града сего и страны на=шея.
Радуется сла=вный град Москва, и весе=лия исполня=ется вся Росси=я, на твоя= моли=твы наде=ющеся, Се=ргие Богоблаже=нне, обитель же твоя красу=ется, храня=щи честны=я твоя мощи, я=ко сокро=вище свяще=нное.
Пе=сньми свяще=нными восхва=лим преподо=бнаго Ни=кона, послуша=ния рачи=теля, с ни=мже воспои=м Михе=я, Се=ргиева сотаи=нника, Савву и Стефана, Романа и Мефодия, Андрони=ка, Савву и Александра и вся преподо=бныя учени=ки и собесе=дники вели=каго Се=ргия, и=хже молитвами сы=нове росси=йстии спаса=ются.
Богородичен: Взбра=нная воево=да яви=лася еси= царствующаго града Москвы, язы=ки побеждающая, христолюби=вое же во=инство укрепляющая, военачальники силою Твоею препоясу=ющая, темже Твоя= торжеству=юще победи=тельная, раби= Твои=, воспеваем Сына Твоего во веки.

Седален: Я=ко лучи= Пресве=тлаго Солнца Христа яви=стеся вы, святи=и уго=дницы Бо=жии, всю Землю нашу освети=вшии и сердца= люде=й ея= согре=явшии, и от лет древних да=же и додне=сь не престае=те вразумля=ти, заступа=ти и спаса=ти ны, недосто=йная ча=да ваша.
Богородичен: Я=ко Заря= Пресветлаго Солнца Христа яви=ся Ты, Пречи=стая Де=во, и весь мир просвети,= и сердца= наша возвесели,= и пети= Тебе подви=же: радуйся, Вино= спасения нашего.

Песнь 4
Ирмос: Услы́шах сла́вное смотре́ние Твое́, Христе́ Бо́же, я́ко роди́лся еси́ от Де́вы, да от ле́сти изба́виши зову́щия: сла́ва си́ле Твое́й, Го́споди.
Похва=лим ныне, бра=тие, супру=ги святы=я: благове=рнаго кня=зя Дими=трия, и=же на по=ле Кулико=ве Русь от и=га ага=рян безбо=жных свободи=, и Евдоки=ю, та=йную подви=жницу и о лю=дех моско=вских усе=рдную попечи=тельницу.
О во=ини святи=и, Алекса=ндре Пересве=те и Андре=е Осля=бе, любовь такову=ю стяжа=вшии, я=ко и ду=ши своя= за дру=ги положи=ли есте=, и ныне помози=те на враги= во=инству нашему и град ваш от вся=каго зла защити=те.
Ублажа=ем тя, отче преподо=бне Кирилле, я=ко гла=сом от иконы Богома=тере води=мь, обитель, и=же на Си=монове, оста=вил еси= и, в да=льний край Оте=чества нашего отше=д, лавру новую та=мо согради=л ес=и, оба=че ду=хом любве= твоея= от нас не отступа=еши и при=сно ми=лостивно ны посеща=еши.
Красу=ются ны=не хра=ми ру=сстии иконами вашими, святи=и Андрее и Дании=ле, и вси ико=нницы ди=внии, и=же Богомы=слием, посто=м и моли=твами Христу Богу угоди=вше и Богови=дения да=ра сподо=бльшеся, виде=ния своя ва=пы изобрази=ша и образ писа=ния шаро=внаго нам оста=виша.
О преди=вне отче Ио=сифе, ты от всех оби=телей ру=сских, я=ко пчела= трудолю=бная, мед уче=ний преподо=бных отец собра=л еси, и оби=тель в преде=лех Во=лока Ла=мскаго устрои=л еси, и в ней мно=жества иноков сла=вити Господа и ближним служи=ти собрал еси=. Те=мже и ны, чада твоя, преподо=бных сродников наших стопа=ми ходи=ти упра=ви.
Богородичен: О Богома=ти, Путеводи=тельнице в земно=м стра=нствии нашем, во имя Твое преподо=бная мать наша Елена оби=тель ди=вную созда=, в не=йже и доны=не ли=цы мона=шестии и вси лю=дие благогове=юще Тебе покланя=ются и милость неоску=дную от честны=я иконы Твоея= прие=млют.

Песнь 5
Ирмос: Стяжа́вый ны́, избра́нныя лю́ди, кро́вию Твое́ю, Го́споди, Тво́й ми́р да́ждь на́м, во единомы́слии сохраня́я ста́до Твое́.
Воспе=ти ки=й язы=к возмо=жет по достоя=нию твоя, преди=вный отче Максиме, исправле=ния, высокое учи=тельство, в темни=це и во у=зах му=ченическое страда=ние и долготерпе=ние.
Блаже=н еси=, святи=телю о=тче Мака=рие, я=ко му=дростию твое=ю царя гро=знаго нрав на кро=тость измени=л еси=, вели=кия же Собо=ры церко=вныя созва=л еси=, и=миже нече=стие ерети=ческое упраздни=ся и новым чудотво=рцем русским пра=зднование утверди=ся, со о=неми же ныне в радость Господа твоего вше=л еси=.
Ра=дуйся, священноиспове=дниче Филиппе, нра=вы и житие=м подо=бниче Златоу=стому, за=поведей Господних твердый исполни=телю и ре=вностный непра=вды обличи=телю, Бога па=че гро=знаго ца=ря убоя=выйся и лю=ди па=ствы твоея= до конца возлюби=вый, я=ко и ду=шу твою за ня положил еси.
О прему=дрии и блаже=ннии Василие, Максиме и Иоа=нне Моско=встии, чу=днии житие=м и разумом, молим вас приле=жно: моли=те Христа Бога нашего за земное оте=чество ваше и всем верным спасение испроси=те.
Я=ко от младе=нства лише=н еси= земна=го царства, благоро=дне Дими=трие, и в того= ме=сто в Небе=сное пресели=вся, та=мо сподо=бился еси небе=сная блага=я ви=дети: и ны=не ясно зри=ши Святую Троицу и мо=лишися о держа=ве твоих сро=дников и за вся ве=рныя лю=ди, во е=же бы им получи=ти вся блага=я и поле=зная.
Богородичен: Засту=пницу Усе=рдную похва=лим и честно=му Ея= поклони=мся о=бразу, и=мже в новопросвеще=нней стране правове=рие утверди= и в годи=ну лю=тую матерь русских градо=в спасе=. Сей и града святаго Петра вели=кое сокро=вище и всея= Земли= на=шея пресла=вное бога=тство.

Песнь 6
Ирмос: Возопи́, прообразу́я погребе́ние тридне́вное, проро́к Ио́на, в ки́те моля́ся: от тли́ изба́ви мя́, Иису́се, Царю́ Си́л.
Вре=мени сму=тному гряду=щу, Промы=слом Вы=шняго во утвержде=ние Це=ркве и Оте=чества нашего патриа=ршество на Ру=си яви=ся; ты же, Первосвяти=телю Иове, на престол сей Богом возведе=ся, и по имени твоему вся находя=щая претерпева=я, глумле=ния и изгн=ание от еретико=в прия=л еси=, оба=че непреста=нною моли=твою Бога умоли=л еси=, да не поги=бнет Русь Святая во веки.
И первопресто=льник Росси=йския Це=ркве, и испове=дник Правосла=вныя веры, и обличи=тель грехолюби=вых и мяте=жных, и строи=тель Ру=сския Земли= был еси, святи=телю Ермоге=не, и за сие= темни=цею и гла=дом му=чимь был еси= и, прие=мь от Бога неувяда=емый вене=ц, со святи=тели и му=ченики весели=шися.
Прему=дрость, Престолу Божию приседя=щую, сопу=тницу стяжа=л еси= себе во всем житии= твоем, святи=телю отче Филаре=те, те=мже пра=во пра=вя слово Истины, настави=л еси к богоразу=мию лю=ди па=ствы твоея= и житию= пра=ведному вся сы=ны Росси=йския научи=л еси=.
Преподо=бне о=тче Пи=мене, ты строи=тель ди=вный и возстанови=тель святы=я оби=тели, я=же на У=греше яви=лся еси, не то=кмо строе=ния, но и ду=ши бра=тии созида=я и возставля=я, те=мже и Христос тебе паству и=ноческую всех оби=телей Моско=вских вруча=ет и сла=вою небе=сною по преставле=нии венча=ет.
Мытаре=ву покая=нию подража=я, страх Божий и смирение стяжа=л еси, пра=ведне Васи=лие, те=мже и ду=шу слеза=ми очи=стив, плод оби=лен израсти=л еси и мно=гия заблу=ждшия к ве=ре Истинней привел еси, моли= Христа Бога спасти=ся душа=м нашим.
Богородичен: Подо=бием иконы И=верския не то=чию Афон просвеща=ется, но и град Москва украша=ется и ини=и гра=ды и ве=си освяща=ются, от тоя= чуде=сную помощь прие=млюще и исто=чник утеше=ния в ней обрет=ающе; и нам, Блага=я Врата=рнице, две=ри ра=йския отве=рзи.

Кондак гл.3
Возвели=чися ны=не, гра=де Москво=,/ ве=лиих даров духо=вных сподобля=ющися,/ я=ко сокро=вищница пречестна=я/ святы=ням и моще=м угодник Бо=жиих/ и оте=чество возлю=бленное мно=гим святым,/ к и=х же по=мощи усе=рдно прибега=ем:/ о святы=х Моско=вских ди=вный со=нме,/ ва=шими уче=ньми и дея=ньми,/ вку=пе и страда=ньми за Христа,/ ду=ши наша просвети=те/ и спасе=ния нам при=сно бу=дите хода=таи.

Икос:
Днесь лик святы=х, в земли= Моско=встей просия=вших, в це=ркви с нами предстои=т ку=пно; те=мже, воспева=юще хвале=бная к ним, си=це рцем: Радуйтеся, святи=телие боголюби=вии, о=вцы па=ствы ва=шея во Правосла=вии утверди=вшии; радуйтеся, му=ченицы, живо=т свой за любовь Христо=ву положи=вшии; радуйтеся, благове=рнии кня=зие, наро=ду своему преи=скренне послужи=вшии; радуйтеся, преподо=бнии отцы= и ма=тери, моли=твами своими гра=ду нашему мир и благоде=нствие испроси=вшии; радуйтеся, юро=дивии ди=внии, безу=мием мни=мым безу=мие мира сего обличи=вшии; радуйтеся, вси святи=и и пра=веднии, в житии= вашем мно=ги ско=рби претерпе=вшии и лучами доброде=телей ваших вся просвети=вшии. Моли=те за град же и лю=ди, чту=щия при=сно любо=вию святую память вашу.

Песнь 7
Ирмос: Спасы́й во огни́ авраа́мския Твоя́ о́троки и халде́и уби́в, я́же Пра́вда пра́ведно уловля́ше, препе́тый Го́споди, Бо́же оте́ц на́ших, благослове́н еси́
Труды= твоими апо=стольскими просвети=л есть Господь люди, во тме и се=ни сме=ртней седя=щия, те=мже я=ко добрый пастырь, святи=телю Инноке=нтие, указа=л еси= им путь в Ца=рство Небесное, всех науча=я пе=ти: слава силе Твоей, Господи!
Ра=дуйся, началовождю= полка= му=чеников новых, святи=телю славный Влади=мире, и=же на све=щнице гра=да свята=го Петра возсия=вый, и наш град по=слежде светом доброде=телей твоих озари=вый, в Киев-град напосле=док отше=дый, и та=мо кончи=ну му=ченическую от лю=тых безбожников кротко приявый.
Рыда=ние, жа=лость и го=ре, се сви=ток Иезекии=лев, его=же от руки= Госпо=дни кро=тко прия=л еси, Патриа=рше Ти=хоне, и се=рдцем му=жественным ско=рби тя=жкия поне=сл еси= и кора=бль Це=ркве Ру=сския посреде= волн безбо=жия бушу=ющаго правове=рно упра=вил еси и ныне о не=йже ко Христу Богу моли=ся.
Священному=чениче и богосло=ве вели=кий Иларио=не, ты от Архиере=я Вели=каго Крест архипа=стырства смире=нно восприи=м, Тому после=довал еси, вся запове=данная Им в житии= своем ре=вностно испо=лнив, и за Церковь Его душу твою положи=л еси=, и я=коже в житии= твоем за дру=ги и за враги= те=пле молился еси, та=ко и ныне за вся ны моли=ся.
Ра=дуйся, иере=ю Божий Александре, ку=пно со святи=телем Ти=хоном во Амери=це усе=рдно потруди=выйся, та=кожде во граде Москве ему сподвиза=выйся, храма Христа Спасителя служи=телю, и люде=й Божиих па=стырю любвеобильный, последи= же от безбо=жных казнь претерпе=вый и со всеми новому=ченики от Бога просла=вленный.
Любве= Божия сосу=де избра=нный, святого=рскаго са=да Богома=тере благоуха=ющий кри=не, людей моско=вских уте=шителю, чудотво=рче прозорли=вый, ст=арче блаже=нне Аристо=клие, ты и ныне к народу нашему взыва=еши: лю=дие, творите добро, да яви=т Господь милость Свою над Росси=ею.
Богородичен: Нощь, и мрак, и во=ды пререка=ния лю=те истязу=ют зе=млю Твою, се у=бо преще=ние Бо=жие и гнев Того= есть, но молю= Тя, Пречи=стая, молю= и глаго=лю: а=ще хо=щещи, мо=жеши, и вем, я=ко умолит Отрокови=ца за державу Свою.

Песнь 8
Ирмос: Вся́ческая, Влады́ко, прему́дростию Твое́ю соста́вил еси́, земли́ же па́ки утверди́л еси́, я́коже ве́си, дно́, основа́нием водрузи́вый на вода́х безме́рных. Те́м вси́ вопие́м, воспева́юще: благослови́те, дела́ Госпо́дня, непреста́нно Го́спода.
Кто от земноро=дных не удиви=тся тве=рдости ве=ры твоея=, священному=чениче Пе=тре, ты бо о укрепля=ющем тя Иису=се поноше=ния, зла=я льще=ния, изгна=ния, у=зы и мраз зе=льный претерпе=л еси=, и ничто=же от сих любве= Христо=вы разлучи= тя.
К тебе= с моли=твою притека=ем, о вел=икая ма=ти, святая преподобному=ченице Елисаве=то, и просим усердно: покры=й всех заступле=нием твоим, боле=зни на=ша исцели=, терпе=ние во искуше=ниих да=руй, любовь ко всем стяжа=ти помози= и за враги= моли=тися научи=.
О честны=й преподобноиспове=дниче Се=ргие, от ю=ности за веру, Царя и Отечество подвиза=выйся, Про=мыслом Бо=жиим у корми=ла Святы=я Ма=рфо-Марии=нския оби=тели поста=вленный, любве= и смире=ния до=брый о=бразе, моли= Христа, Ему=же до конца ве=рен пребы=л еси=, за гра=д наш и люди, память твою любо=вию почита=ющия.
О святи=и Алекси=е пра=ведный Моско=вский и преподобный Алекси=е Зоси=мовский, во дни испыта=ний тя=жких и неве=рия губи=тельнаго, народ Божий смяте=нный окорми=вшии и ду=ши мно=гия спа=сшии, мо=лим вас: я=коже и прежде, за люди града нашего Господа умоли=те.
Ублажим ныне ста=риц блаже=нных: Матро=ну, гра=да Москвы ангелоподо=бную вои=тельницу, и другу=ю Матро=ну, в земли= Ряза=нстей возсия=вшую и во гра=де нашем житие= страда=льчески сконча=вшую, я=же слепоту= теле=сную духо=вным зрением измени=вшия и, не=мощны су=ще телом, бли=жним исцеле=ния подава=вшия, и лю=ди ру=сския в годи=ну сму=тную в ве=ре утверди=вшия.
Радуйся, святи=телю Павли=не милостиве, ты бо от ю=ности путем мона=шеским после=довав, в моли=твах и поуче=ниих, в труде=х и терпе=нии мно=зе, в бла=гости и любви= нелицеме=рне, в словеси= Истины, в силе Бо=жией, в ско=рбех и теснота=х, в темни=цах и нестрое=ниих служе=ние твое безпоро=чно соверши=л еси, и за Христа смерть прия=в, на Небесе=х жив еси.
Богородичен: Всех скорбя=щих Ра=досте и оби=димых Покрови=тельнице, и граду нашему Засту=пнице, Преми=лостивая Влады=чице, не премолчи= вопию=щи о нас ко Господу, Сыну и Богу Твоему, не преста=й о лю=дех Твоих милосе=рдующи, покрывати и спасати, и весело избавля=ти скорбей рабы Твоя.

Песнь 9
Ирмос: Рождество́ Твое́ нетле́нно яви́ся: Бо́г из боку́ Твое́ю про́йде, я́ко плотоно́сец яви́ся на земли́ и с челове́ки поживе́. Тя́, Богоро́дице, те́м вси́ велича́ем.
Священному=чениче Серафи=ме, ты я=ко звезда= пресве=тлая терпе=нием, моли=твою и любо=вию на не=бе церко=внем просия=л еси, и в сердце твоем вся о=вцы Христо=вы не те=сно вмести=л еси, не то=чию града Дими=трова, но и всея= Земли= Росси=йския.
Поклони=мся, бра=тие, по=двигу новосвященному=ченик Иоа=нна, Гаврии=ла и Фео=дора, и=же во храме Пра=веднаго Лазаря Господу служи=вших, и страда=ния за Христа безро=потно прии=мших, и ныне за вся притека=ющия в храм сей моля=щихся.
Радуйся, сосу=де, любве= Бо=жия испо=лненный, новая му=ченице Татиа=но, я=ко же Анастаси=я Узореши=тельница, верных, во узи=лищах мра=чных и рабо=тах тя=жких су=щих, утеша=вшая, и в ну=ждах теле=сных им помоществова=вшая, и жизнь свою за доброде=тель сию= положи=вшая.
Днесь прославля=ется оби=тель Спа=со-Бороди=нская, се бо яви= Господь но=вую Свою уго=дницу, преподо=бную ма=терь Рахи==ль, словом и делом ближним послужившую, моли=твою умиле=нною милость Божию им испроси=вшую и безбо=жия тьму ве=рою живо=ю просвети=вшую.
О великое множество Новому=чеников и Испове=дников, го=рькия му=ки претерпе=вших, на поле Бу=товстем и во ины=х месте=х многообра=зную смерть прия=вших, ныне в Черто=зех Небе=сных водворя=ющеся, помяни=те соо=тчичей ваших, вас непреста=нно на помощь призыва=ющих.
Троичен: О Тро=ице Честна=я, приими=, я=же земля наша прино=сит Ти, я=ко нача=тки и я=ко фимиа=м избра=нный, вся угоди=вшия и пре=жде и по=слежде в ней, зна=емыя и незна=емыя, и моли=твами их от вся=каго вре=да насле=дие их сохраня=й.
Богородичен: Ве=мы Тя, Богоблагода=тная, скорое погибших Взыска=ние, нас, немощны=х, Крепость и Утвержде=ние, ду=хом, усты= и се=рдцем зове=м Ти: от напа=стей и печа=ли свободи= нас, Влады=чице, к Тебе прибега=ющих.

Светилен:
Звезда=ми неисче=тными небо украси=вый, Господи, гра=да нашего красоту= показал еси нам — святы=я вся, в нем Тебе благоугоди=вшия, и ду=ши наша к Царствию Небесному путеводя=щия, и ра=достию сердца= наша в день сей пра=зднственный исполня=ющия.

На хвалитех стихиры гл.2:
Дом чудотво=рцев пресла=вных,/ ты еси=, гра=де вели=кий Москво=,/ красу=йся ныне и лику=й/ я=ко име=яй те=ми дерзнове=ние // ко Господу Богу нашему!
Ве=ры Правосла=вныя храни=тели,/ демонов губи=тели и прогони=тели ва=рваров/ вы есте=, святи=и вси Моско=встии,// моли=те о душа=х наших!
Град ваш храни=те,/ лю=ди заступи=те,/ страну= Российскую от вся=ких злых изба=вите/ и Бога моли=те// непреста=нно о всех нас!
Слава, глас той же:
Тро=ицу Пресвяту=ю/ житие=м своим и моли=твами просла=вльшия/ и Богу пра=ведно угоди=вшия/ прииди=те восхва=лим святы=я вся, // в земли Моско=встей просия=вшия.
И ныне, глас 2, подобен Егда от Древа:
Преблагословенна еси, Богородице Дево.
На Литургии блаженны:
Прииди=те, братие, восхва=лим и пе=сненныя да=ры принесе=м всем святым, в Земли Моско=встей просия=вшим, и, подвиги и труды их почита=юще, ко Христу возопии=м: о Владыко, подаждь нам слово, во еже достойно тех просла=вити.
О вели=кое множество Новомучеников и Исповедников, го=рькия му=ки претерпе=вших, на поле Бу=товстем и во ины=х месте=х многообра=зную смерть прия=вших, ныне в Черто=зех Небе=сных водворя=ющеся, помяни=те соо=тчичей ваших, вас непреста=нно на помощь призыва=ющих.
Слава: О Троице Честна=я, приими=, я=же земля Московская прино=сит Ти, я=ко начатки и яко фимиа=м избра=нный, вся угоди=вшия и прежде, и по=слежде в ней, зна=емыя и незнае=мыя, и молитвами их от всякаго вреда наследие их сохраняй.
И ныне: Вемы Тя, Богоблагодатная, скорое погибших взыскание, нас, немощных, крепость и утверждение, духом, усты и сердцем зовем Ти: от напастей и печали свободи нас, Владычице, к Тебе прибегающих.
Прокимен, глас 4: Святы́м, и́же суть на земли́ Его́, / удиви́ Госпо́дь вся хоте́ния Своя́ в них.
Стих: Сохрани́ мя, Го́споди, я́ко на Тя упова́х.
Апостол к Евреям XI, 33-XII, 2 (Зач. 330). Аллилуйа, глас 5.
Стих: Бо́же, уши́ма на́шима услы́шахом, и отцы́ на́ши возвести́ша нам.
Стих 2: Спасл еси́ нас от стужа́ющих нам, и ненави́дящих нас посрами́л еси́.
Евангелие от Матфея IV, 25 – V, 12 (зач. 11).
Причастен: Благоволи́т Госпо́дь в лю́дех Свои́х, и вознесе́т кро́ткия во спасе́ние