Неотступная молитва по соглашению

Чтение акафиста Пресвятой Богородице "Избавительница от бед", еж. без привязки по времени

Дорогие, братья и сестры! Если Вы хотите продолжить чтение акафиста Пресвятой Богородице "Избавительница от бед", ежедневно без привязки по времени, то пишите в комментариях Ваши предложения и присылайте имена. Чтение можно будет продолжить до Страстной Седмицы Великого поста ( до 09.04.17)
Так получается, что кто-то закончил читать Акафист, а кто-то продолжает читать. Если будут желающие, то новый список имен составим к понедельнику - 06.03.17.

Спаси и помогай нам Господь! Пресвятая Богородице, Спаси нас!

Акафист Пресвятой Богородице пред иконой «Избавление от бед страждущих»

ПРЕДНАЧИНАТЕЛЬНЫЕ МОЛИТВЫ, ЧИТАЕМЫЕ ПЕРЕД АКАФИСТОМ

Молитва предначинательная

Господи Иисусе Христе, Сыне Божий, молитв ради Пречистыя Твоея Матере и всех святых, помилуй нас. Аминь.

Слава Тебе, Боже наш, слава Тебе.

Молитва Святому Духу

Царю Небесный, Утешителю, Душе истины, Иже везде сый и вся исполняяй, Сокровище благих и жизни Подателю, прииди и вселися в ны, и очисти ны от всякия скверны, и спаси, Блаже, души наша.

Трисвятое

Святый Боже, Святый Крепкий, Святый Безсмертный, помилуй нас. (Читается трижды, с крестным знамением и поясным поклоном.)

Слава Отцу и Сыну и Святому Духу, и ныне и присно и во веки веков. Аминь.

Молитва ко Пресвятой Троице

Пресвятая Троице, помилуй нас; Господи, очисти грехи наша; Владыко, прости беззакония наша; Святый, посети и исцели немощи наша, имене Твоего ради.
Господи, помилуй. (Трижды).
Слава Отцу и Сыну и Святому Духу, и ныне и присно и во веки веков. Аминь.

Молитва Господня

Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго.

Господи, помилуй. (12 раз)

Приидите, поклонимся Цареви нашему Богу. (Поклон)

Приидите, поклонимся и припадем Христу, Цареви Нашему Богу. (Поклон)

Приидите, поклонимся и припадем Самому Христу, Цареви и Богу нашему. (Поклон)

Псалом 50-й, покаянный

Помилуй мя, Боже, по велицей милости Твоей и по множеству щедрот Твоих очисти беззаконие мое. Наипаче омый мя от беззакония моего, и от греха моего очисти мя; яко беззаконие мое аз знаю, и грех мой предо мною есть выну. Тебе единому согреших и лукавое пред Тобою сотворих; яко да оправдишися во словесех Твоих, и победиши внегда судити Ти. Се бо, в беззакониих зачат есмь, и во гресех роди мя мати моя. Се бо, истину возлюбил еси; безвестная и тайная премудрости Твоея явил ми еси. Окропиши мя иссопом, и очищуся; омыеши мя, и паче снега убелюся. Слуху моему даси радость и веселие; возрадуются кости смиренныя. Отврати лице Твое от грех моих и вся беззакония моя очисти. Сердце чисто созижди во мне, Боже, и дух прав обнови во утробе моей. Не отвержи мене от лица Твоего и Духа Твоего Святаго не отыми от мене. Воздаждь ми радость спасения Твоего и Духом Владычним утверди мя. Научу беззаконныя путем Твоим, и нечестивии к Тебе обратятся. Избави мя от кровей, Боже, Боже спасения моего; возрадуется язык мой правде Твоей. Господи, устне мои отверзеши, и уста моя возвестят хвалу Твою. Яко аще бы восхотел еси жертвы, дал бых убо: всесожжения не благоволиши. Жертва БОГУ ДУХ сокрушен; сердце сокрушенно и смиренно Бог не уничижит. Ублажи, Господи, благоволением Твоим Сиона, и да созиждутся стены Иерусалимския. Тогда благоволиши жертву правды, возношение и всесожегаемая; тогда возложат на олтарь Твой тельцы.

Символ веры

Верую во единаго Бога Отца, Вседержителя, Творца небу и земли, видимым же всем и невидимым. И во единаго Господа Иисуса Христа, Сына Божия, Единороднаго, Иже от Отца рожденнаго прежде всех век; Света от Света, Бога истинна от Бога истинна, рожденна, несотворенна, единосущна Отцу, Имже вся быша. Нас ради человек и нашего ради спасения сшедшаго с Небес и воплотившагося от Духа Свята и Марии Девы, и вочеловечшася. Распятаго же за ны при Понтийстем Пилате, и страдавша, и погребенна. И воскресшаго в третий день по Писанием. И возшедшаго на небеса, и седяща одесную Отца. И паки грядущаго со славою судити живым и мертвым, Егоже Царствию не будет конца. И в Духа Святаго, Господа, Животворящаго, Иже от Отца исходящаго, Иже со Отцем и Сыном спокланяема и сславима, глаголавшаго пророки. Во едину, Святую, Соборную и Апостольскую Церковь. Исповедую едино крещение во оставление грехов. Чаю воскресения мертвых, и жизни будущаго века. Аминь.

АКАФИСТ ПРЕСВЯТОЙ БОГОРОДИЦЕ ПЕРЕД ИКОНОЙ «ИЗБАВЛЕНИЕ ОТ БЕД СТРАЖДУЩИХ»

Кондак 1

Возбрани врагом нашим озлобляти нас и от Господа нашего отлучати, а нас научи пети Тебе весело: Радуйся, от горя, гибели и бед страждущих нас Избавление.

Икос 1

Ангелов множество, по Твоему, Мати наша, велению, ополчаются на избавление наше грозно, Ты же приими молитву сию: Радуйся, Ангелов на спасение наше посылающая. Радуйся, Царице горних чинов, их небесную помощь нам дающая. Радуйся, Ангелам хранити нас повелевающая. Радуйся, Воинством Ангельским врагов наших поражающая. Радуйся, от горя, гибели и бед страждущих нас Избавление.

Кондак 2

Видя бедствующие толикую и таковую помощь Твою сердечно Тя призывающим, наставляют тем пети Сыну Твоему непрестанно: Аллилуиа.

Икос 2

Разумеют мнози, яко дарова Тя Сын Твой, Избавление от бед страждущих, призывающим Тя сице: Радуйся, бедствующих Мати. Радуйся, страждущих утешение. Радуйся, безнадежных надеждо. Радуйся, беспомощных помоще. Радуйся, от горя, гибели и бед страждущих нас Избавление.

Кондак 3

Сила Вышняго дарова Тя на помощь и спасение миру, в бедах погибающу, и кто Тобою избавлен бысть, поет Сыну Твоему: Аллилуиа.

Икос 3

Имущи непостижимую любовь к роду человеческому, кии слезы не отвергла еси, и того не принудила призвать Тя, вопиюще: Радуйся, бедствующих скорое услышание. Радуйся, плененных свобождение. Радуйся, погибающих быстрое спасение. Радуйся, печальных и скорбных утешение. Радуйся, от горя, гибели и бед страждущих нас Избавление.

Кондак 4

Буря несчастий налетает на ны. Спаси нас, погибающих, спаси, Избавление от бед страждущих, бурю погибельную на земле укрощающая и приемлющая нашу песнь: Аллилуиа.

Икос 4

Слыша человечестии роди всю Твою к христианом дивную любовь и Твое мощное избавление от всяких находивших на них лютых, научишася пети Тебе: Радуйся, человеческого рода от бед Избавление. Радуйся, уныния прогонительнице. Радуйся, бурь житейских прекращение. Радуйся, радости по скорби нам подательнице. Радуйся, от горя, гибели и бед страждущих нас Избавление.

Кондак 5

Боготечной звезде подобящаяся, мрак и темноту в грехолюбивых сердцах разгоняющая, да во свете Твоея любви узрят Господа и вопиют Ему: Аллилуиа.

Икос 5

Видяще людие Российстии Твое нечаянное от многообразных бед избавление, радостно поют сице: Радуйся, в бедах наших Отъятельнице. Радуйся, печалей наших отгнание. Радуйся, в скорбех наше утешение. Радуйся, в радостех наше воздержание. Радуйся, от горя, гибели и бед страждущих нас Избавление.

Кондак 6

Проповедают помощь Твою и любовь Твою, Мати, все исцеленные, утешенные, оправданные и спасенные Тобою от бед и поют Твоему Высокодержавному Сыну: Аллилуиа.

Икос 6

Возсия нам свет спасения во мгле погибели, окружившей нас, и наставил есть пети Тебе: Радуйся, мглу греха разгоняющая. Радуйся, тьму греховную истребляющая. Радуйся, мрак души моея просвещающая. Радуйся, светом радости душу мою ободряющая. Радуйся, от горя, гибели и бед страждущих нас Избавление.

Кондак 7

Хотящим нам конечному отчаянию предатися отовсюду бедам належащим, помыслихом о Тебе, Избавление от бед страждущих, и ободрихомся, и утешихомся, поюще Сыну Твоему: Аллилуиа.

Икос 7

Новую и нежданную показа Ты нам милость Свою, под Державную руку Твою нас восприявши, и отсюда вопием Ти: Радуйся, Царица Державная. Радуйся, под Твою Державу нас восприявшая. Радуйся, защиту Твою нам даровавшая. Радуйся, врагов наших поражение. Радуйся, от горя, гибели и бед страждущих нас Избавление.

Кондак 8

Странное чудо — на погибель обреченные, в нуждах томящиеся, бесчисленные внезапу спасение и избавление получают от Тебе, Вселюбящей Мати, поюще Богу: Аллилуиа.

Икос 8

Вси сущии во мраце скорбей, вси обуреваемые бурей несчастий, приидите к доброму пристанищу и нашему поможению — покрову Девы, Избавление от бед страждущих, вопиюще Ей: Радуйся, от глада нас избавляющая. Радуйся, вредоносящее естество от растительного мира отгоняющая. Радуйся, посевы, и леса, и все растущее от погибели спасающая. Радуйся, земледельцев скорбящих утешение и отрада благословенная. Радуйся, от горя, гибели и бед страждущих нас Избавление.

Кондак 9

Все существо человеческое хвалит Тя, вси воспевают Тя, многоразличное избавление ему несущую и вместо печалей радость подающую, поющим: Аллилуиа.

Икос 9

Витии и многоумнии обезумеша, видяще Твое быстрое, чудесное от бед страждущих избавление и умолкоша нам, поющим Ти: Радуйся, чудесами нас укрепившая. Радуйся, беды чудесами истребившая. Радуйся, чудесами нас вразумившая. Радуйся, иконою Твоею нас возвеселившая. Радуйся, от горя, гибели и бед страждущих нас Избавление.

Кондак 10

Спасти хотя всякую душу человеческую любовию печешися о ней, дондеже не научиши ю пети Сыну Твоему: Аллилуиа.

Икос 10

Стеною мир христианский хранящи и каждую душу от врагов ограждающи обретеся и проявися дивный образ Твой, «Избавление от бед страждущих», да прославим его, поклонимся и притецем к Твоему заступлению, Мати Божия, воспевая: Радуйся, Избавительнице наша. Радуйся, наставнице наша. Радуйся, веселие наше. Радуйся, вечная радосте наша. Радуйся, от горя, гибели и бед страждущих нас Избавление.

Кондак 11

Пение непрестанное приносят Ти Тобою избавленнии и Тобою паки радость обретшии, Божественному Сыну Твоему поют радостно: Аллилуиа.

Икос 11

Светосияющим светилом лучезарным во мраце греха явися нам Твоя икона, «Избавление от бед страждущих», темже радуемся мы, грешнии, имуще таковую чудную икону Твою в храме своем, яко залог Твоего к нам и ко Обители нашей благоволения, и надеяся на Твоя матерния молитвы и скорое их услышание, умильно глаголем: Радуйся, радостей источниче. Радуйся, печалей прогнание. Радуйся, бед уменьшение. Радуйся, всякого покоя подательнице. Радуйся, от горя, гибели и бед страждущих нас Избавление.

Кондак 12

Благодать от иконы Твоея, «Избавление от бед страждущих», текущая, исцелений струи обильно подающая и сердца веселием оживляющая, побуждает всех вольной волей пети о Тебе, Мати, Сыну Твоему и Богу: Аллилуиа.

Икос 12

Воспеваем Твоея иконы дивное обновление, воспеваем Твое милостивное на нас, грешных, призрение и, воспевающе, поем: Радуйся, от смерти и вечного огня изымающая. Радуйся, мертвых воскрешающая. Радуйся, предсмертное наше упование и защито. Радуйся, по смерти наше упокоение. Радуйся, от горя, гибели и бед страждущих нас Избавление.

Кондак 13

О, Всепетая, Вселюбимая наша Мати, умилосердися ныне и помилуй нас, в лютых и безысходных бедах сущих, Единому сущу, нас избавляющу, и научи нас сердечно воспевати Богу, спасающему нас: Аллилуиа.
(Этот кондак читается трижды, затем икос 1 и кондак 1)

Икос 1

Ангелов множество, по Твоему, Мати наша, велению, ополчаются на избавление наше грозно, Ты же приими молитву сию: Радуйся, Ангелов на спасение наше посылающая. Радуйся, Царице горних чинов, их небесную помощь нам дающая. Радуйся, Ангелам хранити нас повелевающая. Радуйся, Воинством Ангельским врагов наших поражающая. Радуйся, от горя, гибели и бед страждущих нас Избавление.

Кондак 1

Возбрани врагом нашим озлобляти нас и от Господа нашего отлучати, а нас научи пети Тебе весело: Радуйся, от горя, гибели и бед страждущих нас Избавление.

МОЛИТВА ПРЕСВЯТОЙ БОГОРОДИЦЕ ПЕРЕД ИКОНОЙ «ИЗБАВЛЕНИЕ ОТ БЕД СТРАЖДУЩИХ»

Пресвятая Богородице, спаси нас!

Мати Божия, помоще и защито! Егда возопиим, буди Избавлением нам, страждущим и погибающим от лютых бед, на Тя бо уповаем и всегда вседушно Тебе призываем: умилосердися и помози, пожалей и избави от бед страждущих и погибающих нас, от лютых сетей лукавого исхити, приклони ухо Твое, и наши слезные, скорбные молитвы прими и, якоже хощеши, упокой и обрадуй нас. Научи послушание Господу Богу приносити, всем сердцем, всею душою, всем естеством Сына Твоего возлюбить, плоды трудов достойны Ему приносити. Умири сердца наша, да в едином Духе и всеми делами нашими прославим Безначального Отца со Единородным Его Сыном и с Пресвятым Благим и Животворящим Его Духом, и Твое милостивное Матернее предстательство, ныне, и присно и во веки веков. Аминь.

Тропарь, глас 4

Яко пресветлая звезда просия Божественными чудесы святый Твой образ, лучами благодати и милосердия Твоего озарив в нощи скорбей.
Подаждь убо и нам, Всеблагая Дево, Избавление от бед страждущих, исцеление недугов душевных и телесных, спасение и велию милость.

Кондак, глас 8

Ко иконе Твоей, Пресвятая Госпоже, бедствующие с верою притекают, заступлением Твоим избавляемые от злых, но яко Мати Христа Бога и
нас свободи от лютых обстояний, временных и вечных, да зовем Ти: Радуйся, Избавление страждущих от всех бед.

Величание:
Величаем Тя, Пресвятая Дево, богоизбранная Отроковице, и чтим образ Твой святый, имже точиши исцеления всем с верою притекающим.

Молитвами Пресвятой Богородицы «Избавление от бед страждущих», исполни Господи Иисусе Христе наши прошения: о здравии, исцелении недугов душевных и телесных, спасении и избавлении от бед. Но да будет не так, как мы хотим, но как Ты, Господи — да будет во веки воля Твоя. Аминь

Пресвятая Богородица «Избавление от бед страждущих», моли Бога о здравии, исцелении недугов душевных и телесных, спасении и избавлении от бед р.Б.

бол.Ольги, Димитрия

Андрея, Ольги

бол. Oльги, бол. Наталии, бол. Иулии, Виталия

Иоанна, бол.Наталии, Вадима, Марины, Леонида, Марии

Ольги, отроковицы Софии

бол.Ирины бол.Татианы бол.Марии бол.Виталия

Людмилы, Евгении, Марины, Риммы со ср., Светланы со чад.

Ирины, Веры, Фотинии, Владислава, Любови, Нины, Валентины, Олега, Анны

Александра, Ирины, Димитрия, Константина, мл. Даниила, Марии, Татьяны, Ирины

Алексия, Дарии, Виктора, Зои, Александра, Сергия, Валентины, Христины

Ольги, Наталии, Иулии, Виталия, Раисы, Ларисы, Любови, Светланы, Романа

Игоря, Анастасии, Никиты, Вячеслава, Лидии, Елисаветы

Романа, Емилии, Сосанны, Марии

Людмилы, Георгия, Никиты, Филиппа, Нины, Аллы со сродниками

Игоря, Александра, Александра, Юрия, Андрея, Георгия, Сергия, Веры, Ольги, Евгении, Ирины, Ксении, Татианы, Анны

ИРИНЫ, ИГОРЯ, ЕЛЕНЫ, АННЫ

Екатерины

Валентина, Марины, Валерия, Натальи, Натальи

Андрея, Валентины, Николая, Любови, Димитрия, Ольги, Марии, Димитрия, Георгия, Станислава, Елены, Нины, Александра, Светланы, Ивана, Илии со ср., бол. Ксении, бол.Ирины, бол. Валентины, бол.Наталии, бол.Валентина, тяж.бол.Юлии, тяж.бол.Никиты, младенцев Анастасии, Дарьи, бол.младенца Вероники

Ирины, Наталии, Евгении, Сергия, Галины

Татьяны, Артемия, Александра, Андрея

Василия, Елены, Тимофея, Екатерины, Артемия, Анастасии, младенца Максима

Виктора, Андрея, Валентины, Галины, Людмилы, Александра, Александра, Екатерины, Елены, Маргариты, Степана

Надежды, мл.Варвары

бол.мл. Георгия, бол.мл. Петра, отр. Олега, Георгия, Наталии, Светланы

Бол. Зинаиде, бол. Натальи, Анны

р.Б. Павла, Фотинии, Мелании

Николая, Ольги, Павла, Евгении, млад.Михаила

Михаила, Веры, Светланы, Александры, Виталия, Дарьи, Александры, Егора, Анны, Елизаветы, Анастасии, Дмитрия, Тамары, Егора, Александра, Валентины

Владимира, Виталия, Алексия, Любови, Риты, Наталии, отр. Елены, мл. Алесандра, бол. Валентины, Иулии, Игоря, отр. Анастасии, бол.отр. Андрия, Светланы

Надежды, Елены, Вероники, Николая, Дионисия, Ирины

Георгия, Татианы

Екатерины

Иоанна, Натальи, Вадима, Марины, Леонида, Марии

Раисы, Бориса, Екатерины, Татианы, Илии

Ольги, Сергия

Молитва по соглашению

Господи Иисусе Христе, Сыне Божий, Ты сказал пречистыми устами Твоими: «Истинно говорю вам, что если двое из вас согласятся на земле просить о всяком деле, то, чего бы ни просили, будет им от Отца Моего Небесного, ибо, где двое или трое собраны во имя Мое, там Я посреди них». Непреложны словеса Твои, Господи, милосердие Твое бесприкладно и человеколюбию Твоему нет конца. Сего ради молим Тебя: даруй нам, рабам Твоим: (ваши имена), и всем тем, кто возносит сейчас с нами соборную молитву, имена Ты их Господи знаешь Сам, согласившимся просить Тебя: о здравии, исцелении недугов душевных и телесных, спасении и избавлении от бед (прошение) — молим Тебя об исполнение нашего прошения. Но да будет не так, как мы хотим, но как Ты, Господи — да будет во веки воля Твоя. Аминь.

Достойно есть

Достойно есть яко воистинну блажити Тя, Богородицу, Присноблаженную и Пренепорочную и Матерь Бога нашего. Честнейшую Херувим и славнейшую без сравнения Серафим, без истления Бога Слова рождшую, сущую Богородицу Тя величаем.

Слава Отцу и Сыну и Святому Духу, и ныне и присно и во веки веков. Аминь.

Господи, помилуй. (Трижды)

Го́споди Иису́се Христе́, Сы́не Бо́жий, моли́тв ра́ди Пречи́стыя Твоея́ Ма́тере, преподо́бных и богоно́сных оте́ц на́ших, и всех святы́х, поми́луй и спаси́ нас, гре́шных, я́ко Благ и Человеколю́бец. Аминь.