Православная молитва - Православная книга

2 февраля (по старому стилю 20 января)

Память святых угодников Божиих:
мучеников Васса, Евсевия, Евтихия и Василида Никомидийских; преподобной Вассы; преподобного Евфимия Великого; преподобного Евфимия Архангелогородского; преподобного Евфимия Карельского; преподобного Евфимия (Кереселидзе) исповедника; преподобного Евфимия Сянжемского, Вологодского; преподобного Евфимия, схимника Печерского, в Дальних пещерах почивающего; мучеников Инны, Пинны и Риммы Новодунских, славян; преподобного Лаврентия, затворника Печерского, в Дальних пещерах почивающего; священномученика Павла (Добромыслова) пресвитера; праведного Феодора Кузьмича Томского, Сибирского.

Поздравляем именинников!

Тропарь, глас 4 (преподобному Евфимию Архангелогородскому):
Яко сокровище многоценно и источник, изливающ токи исцелений, подаде нам Христос честныя мощи твоя, преподобне Евфимие, болезни убо отъемлющия страстей различных, благодать же душам точащия непрестанно, Егоже моли даровати нам велию милость.

Кондак, глас 3 (преподобному Евфимию Архангелогородскому):
Празднует днесь Архангелов град праздник пресветлый светоносный твоея памяти, вся созывая окрестныя его, радуется бо, яко стяжав сокровище велие, честныя мощи твоя, преподобне Евфимие, его же сохраняй всегда молитвами твоими от всех зол, да зовем ти: радуйся, отче, благодушию тезоимените.

Тропарь, глас 4 (преподобному Евфимию, схимнику Печерскому, в Дальних пещерах почивающему):
Евфимие всечестне, преподобным единоревнителю и Ангелом собеседниче, получивый с ними житием своим чистым и безмолвным вечная благая, молися Господеви присно о всех нас, да и мы тех же благ сподобимся.

Кондак, глас 4 (преподобному Евфимию, схимнику Печерскому, в Дальних пещерах почивающему):
Яко приял еси схиму, бысть выну тих и молчалив, преподобне, никогдаже бо ни с ким, разве молитв ко Господу, ничесоже глаголал еси, и пищи, разве зелия сурова, никоея же вкушал еси. Тем обрет днесь пищу неиждившую на Небеси, Евфимие, моли и нам тояжде причаститися.

Тропарь, глас 3 (преподобному Лаврентию, затворнику Печерскому, в Дальних пещерах почивающему):
Затворивый себе Господа ради в темней пещере, преподобне отче Лаврентие, многолетне и Оному добре угодивый, подаждь и нам от всякаго зла чувствия затворити и тьмы страстей отвратитися, и светлость получити Царствия Небеснаго.

Кондак, глас 4 (преподобному Лаврентию, затворнику Печерскому, в Дальних пещерах почивающему):
Бог, рекий из тьмы свету возсияти, просия тебе из темна места, яко свет, и знаема всем показа, Лаврентие, яви же и свету невечернему тя причастника, преподобне, в немже ликуя, поминай нас, хвалящих тя.

Тропарь, глас 4 (преподобному Евфимию Великому):
Веселися, пустыня нераждающая, благодушствуй неболящая, яко умножи тебе чада муж желаний духовных, благочестием насадив, воздержанием воспитав в добродетелей совершенство. Того молитвами, Христе Боже, умири живот наш.

Кондак, глас 8 (преподобному Евфимию Великому):
В честнем рождестве твоем радость тварь обрете и в божественней памяти твоей, преподобне, благодушие прият многих твоих чудес, от нихже подаждь богатно в души наша и очисти грехов скверны, яко да поем: аллилуиа.

Православная книга почтой pravmolitva.ru