Мульткалендарь 5 марта. Святитель Лев епископ Катанский.

<p id="eow-description" class="">Святитель Лев епископ Катанский
Преподобномученики Валаамской обители
Ярослав мудрый, князь Киевский
Священномученик Садок, епископ Персидский, и с ним 128 мучеников

Кондак преподобного Льва
глас 8
Якоже светильника превелика, Церковь имать, всеблаженне,/ тебе, паче солнца сияюща,/ юже твоими молитвами сохрани, блаженне,/ непобедиму, и непоколебиму от ереси всякия, и нескверну,// яко приснопамятный.
Тропарь преподобного Льва, епископа Катанского
глас 4
Правило веры и образ кротости,/ воздержания учителя,/ яви тя стаду твоему,/ яже вещей истина,/ сего ради стяжал еси смирением высокая,/ нищетою богатая,/ отче Льве,/ моли Христа Бога/ спастися душам нашим.

Тропарь святому благоверному князю Ярославу Мудрому
глас 4
Яко благочестиваго корене пречестная отрасль был еси, благоверне княже Ярославе, добре во благочестии пожив, веру непорочну соблюл еси, и храм пречуден Премудрости Божия в стольном граде Киеве устроив, ныне на Небесех предстоиши Престолу Святыя Троицы, молися ниспослати нам велию и богатую милость.
Кондак святому благоверному князю Ярославу Мудрому
глас 4
Измлада явился еси, богомудре Ярославе, Божественный сосуд избран Богови, во благочестии жительствовавши, многия святыя церкви устроил еси; темже похваляем тя, княже наш, яко народу твоему ты еси удобрение, Киеву – слава и всей Русстей земли – утверждение.
Молитва святому благоверному князю Ярославу Мудрому
О святый благоверный, великий княже Ярославе, всех с любовию чтущих тя благодатный заступниче и покровителю! Вознеси сие малое моление недостойных раб твоих Владыце Христу, да утвердит во Святей Своей Церкви живый дух Православныя веры, любовь, благочестие, в добрых делех преуспеяние; да дарует пастырям ревность попечения о спасении людей, яко неверущия просветити, заблудшия наставити и отпадшия обратити; изряднее же, да вся чада Церкви Православныя чисты сохранит от мирских искушений, суемудрия, суеверий и наваждений вражиих. Ей, угодниче Божий, не презри нас, молящихся тебе, но помози нам скорым предстательством твоим, да всяких бед, напастей и скорбей в сей жизни временней избежавше, кончину непостыдну обретем и, тако благоугодно на земли поживше, жизни райския на небеси сподобимся, идеже вкупе с тобою прославим человеколюбие и щедроты в Троице славимаго Бога, Отца и Сына и Святаго Духа, во веки веков. Аминь.

Кондак свщенномученика Садока, епископа Персидского
глас 4
Владычню речению усердно в подобстве последова, / яко убо пастырь добрый душу свою за Христовы овцы положил еси,/ священномучениче Садоче, молим тя, многострадальне, / моли пастырем начальника Христа/ и нас причести деснаго овец стояния,/ да воспоем ти:/ радуйся, священный отче Садоче,/ иже за Христа кровь свою излиявый.</p>