Мульткалендарь 25 февраля. Свт. Алексия, митр. Московского и всея России, чудотворца (1378).

<p id="eow-description" class=""> Свт. Алексия, митр. Московского и всея России, чудотворца (1378)
Святой Мелетий, архиепископ Антиохийский
Преподобная Мария, именовавшаяся Марином, и отец её Евгений
Святитель Антоний, патриарх Константинопольсий

Тропарь святителя Московского Алексия
глас 8
Яко апостолом сопрестольна,/ и врача предобра, и служителя благоприятна,/ к раце твоей честней притекающе, святителю Алексие, богомудре чудотворче,/ сошедшеся, любовию в память твою светло празднуем,/ в песнех и пениих радующеся и Христа славяще,/ таковую благодать тебе даровавшаго исцелений// и граду твоему великое утверждение.
Кондак святителя Московского Алексия
глас 8
Божественнаго и пречестнаго святителя Христова,/ новаго чудотворца Алексия,/ верно вси поюще, людие, любовию да ублажим, яко пастыря великаго,/ служителя же и учителя премудра земли Российстей./ Днесь, в память его притекше, радостно возопием песнь богоносному:/ яко имея дерзновение к Богу, многообразных нас избави обстояний, да зовем ти:// радуйся, утверждение граду нашему.
Тропарь святителя Мелетия, архиепископа Антиохийского
глас 4
Правило веры и образ кротости,/ воздержания учителя/ яви тя стаду твоему,/ яже вещей истина,/ сего ради стяжал еси смирением высокая,/ нищетою богатая./ Отче Мелетие,/ моли Христа Бога/ спастися душам нашим.
Кондак святителя Мелетия, архиепископа Антиохийского
глас 6
Духовнаго твоего дерзновения убоявся,/ отступник бегает Македонии,/ молитвенное же служение совершающе, твои раби,/ любовию притекаем,/ Ангелом собеседниче, Мелетие,/ огненный мечу Христа Бога нашего,/ вся безбожныя закалаяй:/ воспеваем тя, светильника, просветившаго вся.</p>