Мульткалендарь 22 февраля. Святитель Иннокентий, епископ Иркутский.

<p id="eow-description" class="">Святитель Иннокентий, епископ Иркутский
Святой мученник Никифор
Преподобные Никифор и Геннадий Важеозерские
Преподобный Панкратий, Печерский затворник

Тропарь святителя Иннокентия, епископа Иркутского
глас 3

Светильниче Церкве пресветлый,/ озаривый лучами доброт твоих страну сию,/ и исцеленьми многими притекающих к тебе с верою/ Бога прославивый,/ молим тя, святителю Иннокентие,/ ограждай молитвами твоими град сей/ от всех бед и печали.
Кондак святителя Иннокентия, епископа Иркутского
глас 4

Непорочности соименнаго пастыря,/ проповедника веры в языцех Монгольских,/ славу и украшение Иркутския паствы/ любовию восхвалим, вси вернии:/ той бо есть хранитель страны Сибирския/ и молитвенник о душах наших.
Тропарь мученика Никифора, из Антиохии Сирской
глас 4

Мученик Твой, Господи, Никифор,/ во страдании своем венец прият нетленный от Тебе, Бога нашего,/ имеяй бо крепость Твою,/ мучителей низложи,/ сокруши и демонов немощныя дерзости./ Того молитвами/ спаси души наша.
Кондак мученика Никифора
глас 3
Вперився, славне, Господнею любовию/ и Сего славный Крест на рамо взем, посрамил еси диаволи козни,/ пострадал еси даже до смерти/ и истины явился еси победоносец,// оружник и таинник Божия благодати.
Тропарь преподобным Геннадию и Никифору схимонахам Важеозерским (Олонецким)

глас 4

Яко светильницы пресветлии, Преподобнии отцы наша Геннадие и Накифоре, на брег Важеезера вселестеся и равноангельное житие в пустыне совершили есте. Отнюдоже и по смерти исцеления источаете, Дивнии чудотворцы Карельстии. Темже и мы, притекающие во Обитель вашу, Со умилением и любовию глаголем: молите Христа Бога спастися душам нашим.

Кондак преподобным Геннадию и Никифору схимонахам Важеозерским (Олонецким)

глас 2

Мира красоту и яже в нем тленная Оставивше и все умное свое желание К Богу вперивше, Того Крест Нарамо взлемше дарование чудес От Христа прияли есте. И ныне Предстояще Святей Троице, поминайте нас, чад ваших, яже собрали есте мудрии. Сего ради вопием вам: радуйтеся Преподобнии Отцы наша Геннадие и Никифоре.

Тропарь преподобного Панкратия Печерского, в Дальних пещерах
глас 2
Панкратие Богомудре,/ священниче Господень изрядне,/ и чудес многих самодетелю,/ молися Господеви,/ во еже спасти души наша.
Кондак преподобного Панкратия Печерского, в Дальних пещерах
глас 2
В постницех явился еси велик,/ во иереех же нарочит/ и в чудотворениях даре показася славен,/ священне отче Панкратие,/ тем тя чтим и ублажаем.</p>