Мульткалендарь. 24 января 2017г. Преподобный Феодосии Великий.

<p id="eow-description" class="">Преподобный Феодосии Великий
Преподобный Михаил Клопский
Преподобный Феодосий Антиохийский
Священномученики Николай Мациевский и Феодор Антипин пресвитеры

Тропарь преподобного Феодосия
глас 8
Слез твоих теченьми пустыни безплодное возделал еси,/ и иже из глубины воздыханьми во сто трудов уплодоносил еси,/ и был еси светильник вселенней, сияя чудесы, Феодосие отче наш,// моли Христа Бога спастися душам нашим.
Кондак преподобного Феодосия
глас 8
Насажден во дворех Господа твоего,/ преподобными твоими добродетельми красно процвел еси/ и умножил еси чада твоя в пустыни,/ слез твоих тучами напаяемая,/ стадоначальниче Божий Божественных дворов.// Темже зовем: радуйся, отче Феодосие.

Тропарь преподобного Михаила Клопского, Новгородского
глас 8Иже на земли Христа ради волею в буйство преложився, / мира сего красоты отнюд возненавидел еси / и, плотская играния увядив постом и жаждею и на земли леганием, / от зноя же и студени, от дождя и снега / и от прочия воздушныя тягости никогда же уклонился еси, / душу же очистил еси добродетельми, яко злато в горниле, / отче преподобне Богоносне Михаиле, / и ныне на Небесех предстоиши престолу Пресвятыя Троицы. / Но яко имея дерзновение многое, / моли Христа Бога спастися душам нашим.
Кондак преподобного Михаила Клопского, Новгородского
глас 8Духа Святаго силою уподобился еси Богоглаголивым древним пророком,/ сказав безвестная и тайная и еже годе судьбам Божиим в сбытие, / и ина многа чудеса о Христе сотворив,/ и люди удивив, торжествовати устроил еси вопиющия: / слава Богу, прославляющему святыя Своя.</p>