Мульткалендарь. 31 декабря. Святитель Модест, архиепископ Иерусалимский.

Святитель Модест, архиепископ Иерусалимский.
Преподобный Флор, епископ Ами́йский.
Святой праведный Симеон Верхотурский.

Тропарь святителя Модеста, архиепископа Иерусалимского
глас 4
Преподобно пожив, Богомудрие Модесте,/ и святительскою одеждою украшен,/ пастырю Иерусалима блаженнейший,/ в веселии ныне Христу предстоиши/ и концы озаряеши чудесы,/ помощник убо буди тя призывающим,/ моляся, отче, о всех нас.
Кондак святителя Модеста, архиепископа Иерусалимского
глас 3
Светлых подвигов твоих твердость/ и сострадания ко всем богатство видя,/ Всеблагий Подвигоположник Бог/ богатых дарований Своих сподоби тя, Модесте,/ славный иерарше и чудотворче./ Тем, молящеся тебе, вопием:/ свобождай нас от лютых обстояний/ и недугом нашим подаждь исцеление.

Тропарь праведного Симеона Верхотурского
глас 4
Мирскаго мятежа бегая, все желание обратил еси к Богу,/ да в видения восход обрящеши горе,/ отнюдуже не уклонився в лукавствия сердца,/ но очистив душу и тело, приял еси благодать точити цельбы верным и неверным, притекающим к тебе, праведный Симеоне./ Темже, по данному ти дару, испроси у Христа Бога исцеление нам, болящим душевными страстьми, / и моли спасти души наша.
Кондак праведного Симеона Верхотурского
глас 2
Мира суетнаго отверглся еси, да блага вечныя жизни наследиши,/ возлюбив незлобие и чистоту души и тела./ Снискал еси, еже возлюбил, свидетельствуют бо о сем гроб и нетление мощей твоих, и благодать чудотворения наипаче./ Точиши бо цельбы всем притекающим к тебе и непросвещенным, Симеоне блаженне, чудотворче предивный. Пожертвовать на развитие канала http://yasobe.ru/na/httpsmoneyyandexr...