Мульткалендарь. 9 ноября Мученика Нестора Солунский

Мученика Нестора Солунский
Преподобный Нестор Летописец
Преподобный Нестор, Печерский, Некнижный

Тропарь мученика Нестора
глас 4
Мученик Твой, Господи, Нестор/ во страдании своем венец прият нетленный от Тебе, Бога нашего,/ имеяй бо крепость Твою,/ мучителей низложи,/ сокруши и демонов немощныя дерзости:/ того молитвами// спаси души наша.
Кондак мученика Нестора
глас 2
Страдальчествовав добре,/ безсмертную славу наследовал еси ныне,/ яко воин изрядный Владыки был еси,/ молитвами Димитрия мученика:/ с ним убо, Несторе мудре,// моля не престай о всех нас.

Тропарь преподобного Нестора Летописца, Печерского, в Ближних пещерах
глас 4
Великих князей русских деяния/ и преподобных отец Печерских жития и чудеса написавый,/ свое же, Богомудре Несторе, многих ти ради добродетелей имя/ написано на небеси стяжавый, моли и нам написатися в Книги Животныя.
Кондак преподобного Нестора Летописца, Печерского, в Ближних пещерах
глас 2
Яко сый Богоноснаго Феодосия ученик/ и истинный жития того подражатель,/ первый честных его мощей самовидец быти сподобился еси,/ яже с прочиими святолепно пренес,/ наследил еси с темиже Царство Небесное,/ еже получити и нам, чтущим тя, Господеви молися.

Тропарь преподобного Нестора Некнижного
глас 2
Чист и прав сый сердцем,/ и свят, преподобне Несторе, душею,/ прост же паки и не умея сам чести книг,/ сего ради чтущим я прилежне внимал еси/ и, оная в себе соблюдая, спешно тщался еси исправляти,/ яже яко разумен исполнив, обрел еси Царствие Небесное.
Кондак преподобного Нестора Некнижного
глас 5
Дивный во святых Своих Господь/ удивися изрядне в сем святем Несторе,/ иже аще и безкнижен сый и прост,/ но превзыде премудрых и посрами книжников,/ чтущих и не творящих,/ наследи блага вечная/ и молит присно еже спастися нам.
↓
Пожертвовать на свечи и лампадное масло, дальних и ближних пещер Cвято Успенской Киево-Печерской лавры http://yasobe.ru/na/lavra#form_submit