Читаем Евангелие вместе с Церковью 21 августа 2016г

Святой Церковью читается Евангелие от Матфея. Глава 14, ст. 22 - 34.
Евангелие на церковно-славянском языке гражданским шрифтом
22 (Зачало 59) И абие понуди иисус ученики своя влезти в корабль и варити его на ономъ полу [предыти ему на он полъ], дондеже отпустит народы.
23 И отпустив народы, взыде на гору единъ помолитися: позде же бывшу, един бе ту.
24 Корабль же бе посреде моря влаяся волнами: бе бо противен ветр.
25 В четвертую же стражу нощи иде к ним иисус, ходя по морю.
26 И видевше его ученицы по морю ходяща, смутишася, глаголюще, яко призрак есть: и от страха возопиша.
27 Абие же рече им иисус, глаголя: дерзайте: аз есмь, не бойтеся.
28 отвещав же петр рече: господи, аще ты еси, повели ми приити к тебе по водам. он же рече: прииди.
29 И излез из корабля петр, хождаше по водам, приити ко иисусови:
30 видя же ветр крепок, убояся, и наченъ утопати, возопи, глаголя: господи, спаси мя.
31 И абие иисус простер руку, ят его и глагола ему: маловере, почто усумнелся еси?
32 И влезшема има в корабль, преста ветр.
33 Сущии же в корабли пришедше поклонишася ему, глаголюще: воистинну божий сын еси.
34 И прешедше приидоша в землю геннисарефскую.</p>