Мульткалендарь 20 августа 2016г.

Святитель Митрофан, епископ Воронежский.
Преподобномученик Дометий Персянин и двое учеников его.
Преподобный Ор, пустынник Фиваидский.

Тропарь святителя Митрофана, епископа Воронежского. Тропарь
глас 4Правило веры и образ кротости / словом и житием пастве твоей, отче смиренномудре Митрофане, был еси. / Темже и во светлостех святых / солнца светлейше возсиял еси, / венцем нетления и славы украшаемь, / моли Христа Бога / стране нашей и граду твоему в мире спастися.
Кондак святителя Митрофана, епископа Воронежского. Кондак
глас 8Воздержанием тело духу поработив,/ душу же равноангельну сотворив,/ святительскою одеялся еси одеждею, яко венец священства,/ и ныне, всех Владыце предстоя,/ моли, всеблаженне Митрофане, умирити и спасти души наша.
.
Тропарь преподобномученика Дометия
глас 4Постнически предподвизався на горе,/ умная врагов ополчения/ всеоружием Креста погубил еси, всеблаженне./ Паки же ко страдальчеству мужески облеклся еси,/ убив Копронима мечем веры,/ и обоих ради венчался еси от Бога,/ преподобномучениче Дометие приснопамятно.
Кондак преподобномученика Дометия
глас 6Яко преобидев тленная и долу влекущая мудрования,/ преподобномучениче Дометие,/ велик наставник монахом показался еси,/ не устрашився ярости царя, не хотяща чтити Христа, истиннаго Бога./ Сего ради и скончался еси, воспевая песнь:/ Бог есть со мною, и никтоже на мя.</p>