<p id="eow-description">Преподобный Исидор Пелусиотский
Благоверный князь Георгий Всеволодович
Преподобный Кирилл Новоезерский.
Тропарь преподобного Исидора Пелусиотского
глас
В тебе, отче, известно спасеся еже по образу:/ приим бо крест, последовал еси Христу/ и, дея, учил еси презирати убо пло...
<p id="eow-description">Преподобный Исидор Пелусиотский
Благоверный князь Георгий Всеволодович
Преподобный Кирилл Новоезерский.
Тропарь преподобного Исидора Пелусиотского
глас
В тебе, отче, известно спасеся еже по образу:/ приим бо крест, последовал еси Христу/ и, дея, учил еси презирати убо плоть, преходит бо/ прилежати же о души, вещи безсмертней:/ темже и со Ангелы срадуется, преподобне Исидоре, дух твой.
Кондак преподобного Исидора Пелусиотского
глас 4
Денницу другую тя Церковь обретши, преславне,/ твоих словес молниями освещаема,/ взывает ти:/ радуйся, всеблаженне Богомудре Исидоре.
Тропарь благоверного великого князя Георгия (Юрия) Всеволодовича Владимирского
глас 8
На высоте великаго княжения седя,/ явился еси, благочестием и верою сияя отечеству своему, яко солнце;/ по Святей Троице ревностию разжегся/ и за веру крепко пострадав, кровь твою пролиял еси./ Тем и отсеченая твоя за Христа глава свидетельствует яве о тебе,/ прилепшая по смерти к телеси твоему,/ с неюже и до днесь нетленны пребывают мощи твоя,/ от нихже источаеши исцеления душам и телесем нашим./ Но яко дерзновение имея ко Христу, страстотерпче Георгие,/ непрестанно моли державу твою и сродник твоих/ безвредну сохранити молитвами твоими.
Кондак благоверному великому князю Георгию (Юрию) Владимирскому
глас 8
Христове смерти подобяся, и Того испити чашу возжелев, яко живота, за Него же мужески подвизався, презрев земное царство, от безбожных варвар пострадав до смерти, Георгие богомудре; тем моли спастися христолюбивому императору нашему молитвами твоими.
Тропарь преподобного Кирилла Новоезерского (Новгородского) чудотворца
глас 8
Божиим Духом подвизаемь,/ слез твоих тучами изсохшее напоил еси,/ и безплотное в пустыни житие показал еси,/ и еже из глубины сердца бодренными молитвами и постом/ благодеяния труды уплодоносил еси,/ и вселенную всю просветил еси сиянием чудес твоих,/ отче наш Кирилле./ Моли Христа Бога, спастися душам нашим.
Кондак преподобного Кирилла Новоезерского (Новгородского) чудотворца
глас 8
Взбранному и крепкому адаманту,/ прогонителю бесов, новому чудотворцу/ победительная, страстей злых свободившеся,/ благодарственная восписуем ти, отче наш Кирилле./ Но яко имея дерзновение у престола Христова,/ верою чтущих тя, град же и люди, молитвою твоею сохраняй,/ ты бо еси стаду твоему похвала и утверждение.</p>
