Православный † календарь. Среда, 8 августа, 2018г. Прп. Моисея Угрина, Печерского, в Ближних пещерах

<p id="eow-description" class="">Седмица 11-я по Пятидесятнице. Глас первый.
Пост. Монастырский устав: cухоядение (хлеб, овощи, фрукты)

Сщмчч. Ермолая, Ермиппа и Ермократа, иереев Никомидийских (ок. 305).
Сщмч. Сергия пресвитера (1937).
Прп. Моисея Угрина, Печерского, в Ближних пещерах (ок. 1043).
Прмц. Параскевы (138-161).
Св. Иакова (Нецветова), иерея-миссионера среди эскимосов (1867).
Мц. Ориозелы девы из Ревмы, ученицы св. Андрея (Греч.).
Прп. Игнатия монаха с горы Стирион (Греч.).
Мц. Иерусалимы девы, Византийской (Греч.).
Прп. Геронтия, основателя скита прав. Анны на Афоне (Греч.).
Свт. Саввы III, архиеп. Сербского (Греч.).

Чтения дня

2 Коринфянам 3:4-11
Матфея 23:29-39>
За четверг
2 Коринфянам 4:1-6
Матфея 24:13-28>
ТРОПАРИ

Тропарь священномученика Ермолая, глас 1.
Ми́ром благода́ти пома́зан,/ преблаже́нне о́тче Ермола́е,/ иере́й Бо́га Вы́шняго яви́лся еси́/ и благоче́стия све́тлый пропове́дник,/ му́ченик же тве́рдый и безме́здный врач притека́ющих к тебе́./ Сла́ва Да́вшему тебе́ кре́пость,/ сла́ва Венча́вшему тя,/ сла́ва Де́йствующему тобо́ю всем исцеле́ния.

Сщмчч. Ермолая, Ермиппа и Ермократа. Ин тропарь святых, глас 8.
Тро́ицы провозве́стницы,/ тро́ице му́чеников честна́я,/ и́дольское нече́стие обличи́вшии/ и тьмочи́сленнаго врага́ сокруши́вшии,/ ны́не, со Христо́м ца́рствующе, моли́те,/ свяще́нный Ермола́е со Ерми́ппом и Ермокра́том сла́вным,/ я́ко да и на́ша враги́ победи́м/ и прии́мем от Царя́ всех, Бо́га, ве́чный живо́т/ и вене́ц нетле́нный.

Ин тропарь святых, общий, глас 4.
Му́ченицы Твои́, Го́споди,/ во страда́ниих свои́х венцы́ прия́ша нетле́нныя от Тебе́, Бо́га на́шего:/ иму́ще бо кре́пость Твою́,/ мучи́телей низложи́ша,/ сокруши́ша и де́монов немощны́я де́рзости./ Тех моли́твами/ спаси́ ду́ши на́ша.

Кондак, глас 4.
Я́ко святи́тель благоче́стно пожи́в/ и священному́чения вене́ц прия́л еси́./ И́дольския же́ртвы погаси́в,/ до́брый па́стырь Христо́ва ста́да был еси́, прему́дре,/ и Пантелеи́мону и́стинный учи́тель./ Сего́ ра́ди почита́ем тя пе́сньми, вопию́ще:/ от бед изба́ви нас при́сно моли́твами твои́ми, Ермола́е, о́тче наш.

Прп. Моисея Угрина, Печерского, в Ближних пещерах. Тропарь, глас 3.
Друга́го тя Ио́сифа,/ вели́кий чистоты́ и целому́дрия рачи́телю,/ всече́стне и равноа́нгельне Моисе́е,/ свяще́нными пе́сньми восхваля́юще, гре́шнии,/ мо́лимтися приле́жно:/ моли́ Христа́ Бо́га,/ я́ко да исцели́т вся на́ша стра́сти/ и пода́ст ве́лию ми́лость.

Ин тропарь, глас тойже.
Труды́ и по́двиги со страстьми́ по чистоте́ твое́й ви́дя, свя́те,/ кто не удиви́тся?/ Глад бо, темни́цу и ра́ны прие́мля,/ не порабо́тился еси́ сласте́м ля́ховицы,/ но, я́ко царь, страстьми́ облада́яй,/ ны́не и тогда́ воспросла́вился еси́ от Всеви́дящаго челове́ческая сердца́,/ от Него́же во искуше́ниих всем посо́бствовати благода́ть прие́м,/ посо́бствуй и нам, твою́ па́мять чту́щим,/ Моисе́е преподо́бне

Кондак, глас 3.
В Вы́шних еди́наго Бо́га ища́,/ земна́я вся презре́л еси́,/ о телеси́ свое́м неради́в,/ на му́ки му́жески себе́ вдал еси́,/ глад, жа́жду, у́зы, в темни́це затворя́емь, до́блественно претерпе́л еси́,/ бие́ния, кро́ве излия́ние и удо́в отре́зание,/ чи́стаго ра́ди де́вства твоего́,/ му́жески поне́сл еси́./ И ны́не с де́вственными ли́ки предстоя́ Пресвяте́й Тро́ице,/ от всех искуше́ний моли́ изба́вится вопию́щим ти:/ ра́дуйся, Моисе́е, о́тче блаже́ннейший.

Прмц. Параскевы. Тропарь, глас 1.
Тща́ние иму́щи сообра́зно и́мени твоему́, тезоимени́тая,/ равноимя́нную тебе́ ве́ру в сожи́тельство избра́ла еси́,/ Параске́во победоно́сная,/ те́мже излива́еши исцеле́ния и мо́лишися о душа́х на́ших.

Ин кондак, глас 8.
Страстоте́рпице, ве́рнии, песнь Параске́ве, прииди́те, согла́сно воспои́м,/ облистава́ет бо чудесы́ в ми́ре,/ отгоня́ющи пре́лести тьму,/ подаю́щи ве́рным благода́ть незави́стную, зову́щим:/ ра́дуйся, му́ченице многострада́льная.

Кондак, глас 4.
Храм твой, всечестна́я,/ я́ко враче́бницу душе́вную обре́тше,/ в нем вси ве́рнии/ велегла́сно почита́ем тя,/ преподобному́ченице Параске́во сла́вная.
▼
✤ Ссылка на видео https://youtu.be/Xicapja-p3g
✤ Подписаться на канал https://www.youtube.com/channel/UCIsi...