Мульткалендарь. 2 ноября 2017г

<p id="eow-description" class="">Великомученик Артемий
Праведный отрок Артемий Веркольский
Священномученик Николай Любомудров
Священномученик Иоанн Талызин, пресвитер

Кондак великомученика Артемия
глас 2
Благочестиваго и венценоснаго мученика,/ на враги победы вземшаго одоление,/ сошедшеся, достойно песньми восхвалим Артемия,/ превеликаго в мученицех,/ чудес же дателя пребогатаго,// молится бо Господу о всех нас.
Тропарь великомученика Артемия
глас 4
Истинною бо Христовою верою/ утверждься, страстотерпче,/ мучителя злочестива царя/ победил еси со идольским того возношением./ Тем от Царя Великаго, вечно царствующаго,/ пресветлым венцем победным одарен бысть,/ вся исцеляяй болящия и призывающий тя, Артемие великий,/ моли Христа Бога/ спасти души наша.

Тропарь праведного отрока Артемия Веркольского
глас 2
Вышняго повелением,/ тученосным облаком, небо помрачившим/ и молниям блистающим,/ грому же возшумевшу с прещением,/ испустил еси душу твою в руце Господеви,/ премудре Артемие,/ и ныне предстоиши Престолу Владыки всех,/ иже верою и любовию приходящим к тебе,/ подай исцеление всем неотложно/ и моляся Христу Богу,/ спастися душам нашим.
Кондак праведного отрока Артемия Веркольского
глас 8
Возсия днесь пресветлая память премудраго Артемия;/ Богоданная благодать, яко реки, изливает от целебных мощей его дивная исцеления,/ имиже от многоразличных недуг избавляемся,/ с верою приемлюще я и взывающе:/ радуйся, Артемие Богомудре.</p>