Мульткалендарь. 27 октября 2017г

<p id="eow-description" class="">Мученики Назарий, Гервасий, Протасий и Келсий
Преподобная Параскева Сербская
Преподобный Николай Святоша, князь Черниговский
Священномученик Петр Лебедев, пресвитер.

Тропарь мучеников
глас 4
Мученицы Твои, Господи,/ во страданиих своих венцы прияша нетленныя от Тебе, Бога нашего:/ имуще бо крепость Твою,/ мучителей низложиша,/ сокрушиша и демонов немощныя дерзости.// Тех молитвами спаси души наша.
Кондак мучеников
глас 2
Светильницы светлии явльшеся,/ Божественнии мученицы,/ тварь светом чудес озаряете,/ недугов разрешающе глубокую нощь всегда/ и Христу Единому Богу молящеся// непрестанно о всех нас

Тропарь преподобной Параскевы Сербской
глас 2
Пустынное и безмолвное житие возлюбивши, / и во след Христа, Жениха твоего, усердно потекши, / и Того благое иго во юности твоей вземши, / Крестным знамением к мысленным врагом мужески вооружившися, / постническими подвиги, постом, и молитвами, и слезными каплями / углие страстей угасила еси, достославная Параскево: / и ныне в Небеснем чертозе / с мудрыми девами предстоящи Христу, / моли о нас почитающих честную память твою.
Кондак преподобной Параскевы Сербской
глас 6
Святую вси заступницу сущим в бедах,/ благочестно воспоим Параскеву всечестную:/ та бо, житие оставльши тленное/ и нетлеемое прият бо веки,/ сего ради славу обрете,/ чудес благодать Божиим велением.

Тропарь преподобного Николы Святоши, князя Черниговского, Печерского чудотворца, в Ближних пещерах
глас 2
Отечество и славу княжения твоего оставил,/ Князю смирения, Христови, усердно последовал еси,/ преподобне отче наш Николо;/ тем приял еси от Него вечное царство и славу на Небеси,/ идеже ликуя, поминай нас чтущих память твою верно.
Кондак преподобного Николы Святоши, князя Черниговского, Печерского чудотворца, в Ближних пещерах
глас 8
Вся красная мира сего/ и тленное богатство нивочтоже вменив,/ обогатился еси многими чудесы и знамении от Христа Бога,/ Емуже в веселии предстоя,/ поминай нас, чтущих любовию память твою, да зовем ти:/ радуйся, Николо пречудне.</p>