Мульткалендарь. 17 ноября 2017г

<p id="eow-description" class="">Преподобный Иоанникий Великий
Священномученики Никандр, епископ Мирский, и Ермей пресвитер
Преподобный Меркурий Киево-Печерский
Священномученик Александр Петропавловский, пресвитер.

Тропарь преподобного Иоанникия Великого
глас 8
Слез твоих теченьми пустыни безплодное возделал еси,/ и иже из глубины воздыханьми во сто трудов уплодоносил еси,/ и был еси светильник вселенней,/ сияя чудесы, Иоанникие, отче наш:// моли Христа Бога спастися душам нашим.
Кондак преподобного Иоанникия Великого
глас 8
Звезда явился еси всесветлая, в мире просвещаяй/ и сущия во мраце страстей облиставаяй,/ врач же крепчайший явился еси,/ но яко приял еси благодать исцелений,/ просящим тя подаждь исцеление, да зовем:// радуйся, отче Иоанникие.

Тропарь священномученика Никандра
глас 4
Мученик Твой, Господи, Никандр/ во страдании своем венец прият нетленный от Тебе, Бога нашего,/ имеяй бо крепость Твою,/ мучителей низложи,/ сокруши и демонов немощныя дерзости./ Того молитвами// спаси души наша.

Тропарь преподобного Меркурия, постника Печерского, в Дальних пещерах
глас 5
Присносущныя, блаженне, желая сподобитися жизни, / праведне и непорочне / жизнь свою препроводил еси в нынешнем веце, / темже, Меркурие, желаемаго ты достиг, / моли и нам вечныя сподобитися жизни.
Кондак преподобного Меркурия, постника Печерского
глас 8
Преподобному во всех делех Господеви преискренне работая,/ и Онаго всегда в церкви преподобных Своих/ преподобным воспевая гласом,/ наследил еси, преподобне Меркурие, часть преподобных,/ с нимиже молися о всех нас.</p>