<p id="eow-description" class="">Мученик Иакинф
Преподобный Александр, первоначальник обители «Неусыпающих»
Благоверные князья Василий и Константин Ярославские, братья
Святитель Василий, епископ Рязанский и Муромский.
Тропарь мученика Иакинфа
глас 4
Мученик Твой, Господи, Иакинф/ во страдании св...
<p id="eow-description" class="">Мученик Иакинф
Преподобный Александр, первоначальник обители «Неусыпающих»
Благоверные князья Василий и Константин Ярославские, братья
Святитель Василий, епископ Рязанский и Муромский.
Тропарь мученика Иакинфа
глас 4
Мученик Твой, Господи, Иакинф/ во страдании своем венец прият нетленный от Тебе, Бога нашего:/ имеяй бо крепость Твою,/ мучителей низложи,/ сокруши и демонов немощный дерзости;/ того молитвами/ спаси души наша.
Кондак мученика Иакинфа
глас 6
Древо жизни посреде души своей,/ веру Твою, Христе, стяжавый Твой мученик,/ едемскаго рая честнейший бысть,/ древо прелести змиевы погубив дерзновенно духом,/ венчася славою Твоею, Многомилостиве.
Тропарь в честь обретения мощей блгв. князей Василия и Константина Ярославских
глас 2
Ваше отечество хвалится обагрением кровей ваших,/ Церковь же Божия радуется,/ приемши телеса ваша,/ людие, песненный лик составльше,/ духовною цевницею вопиют:/ ликуй, Василие, радуйся, Константине,/ Ярославлю славо и всей России радосте.
Кондак на обретение мощей благоверных князей Василия и Константина Ярославских
глас 4
Днесь Церковь разширяет недра своя/ и приемлет многоцелебныя мощи ваши,/ добропобеднии страдальцы,/ Василие славне и Константине Богомудре,/ и, яко шипок благовонный, напояется пречудными ароматы,/ богатными чудодеянии от неистощимых сокровищ,/ от преславных мощей ваших,/ и радостно чад своих созывает вопити, людие:/ радуйся, двоице пречудная, отечеству своему стено необоримая.
Тропарь святителя Василия, епископа Рязанского
глас 4
Первее в Муроме святительством почтен был еси,/ из негоже неправедно изгоняемь,/ на мантию, яко на легкий корабль, возшел еси,/ на немже паче естества, яко безплотен,/ по водам шествие творя,/ промышлением Вышняго и заступлением Богоматере управляемъ/ богоспасаемого града Рязани достигл еси /и в нем, архиерейства престол восприим,/ богоданную паству рязанскую добре упасл еси,/ святителю отче наш Василие,/ моли Христа Бога спастися душам нашим.
Кондак святителя Василия, епископа Рязанского
глас 8
Яко многосветлая звезда, от града Мурома возсиял еси,/ святителю Василие,/ по водам же дошед до града нашего Рязани,/ Церковь Божию добре упасл еси,/ просвещая люди учением и житием твоим./ Поминай и ныне чада твоя, молим тя,/ наставниче наш добрый,/ и за ны Христу Богу и Пречистей Его Матери молися,/ да благодарною душею зовем ти:/ радуйся, угодниче Христов и теплый к Богу о нас молитвенниче.</p>
