Мульткалендарь. 9 мая 2017г

<p id="eow-description" class="">Священномученик Василий, епископ Амасийский и Праведная Глафира
Святитель Стефан Пермский
Преподобный Иоанникий Девиченский

Кондак священномученика Василия, епископа Амасийского
глас 4Царево повеление преобидев,/ Царство Небесное получил еси, Василие,/ в немже ликуя,/ поминай нас, чтущих память твою,/ священномучениче.

Тропарь святителя Стефана, епископа Великопермского
глас 4
Божественным желанием,/ от юнаго возраста, Стефане премудре, разжегся,/ ярем Христов взял еси/ и людей оляденевшая древле неверием сердца,/ Божественное семя в них сеяв,/ евангельски духовне породил еси./ Темже преславную твою память почитающе, молим тя:/ моли, Егоже проповедал еси,/ да спасет души наша.
Кондак святителя Стефана, епископа Великопермского
глас 8
Самозванен не ищущим тебе, святителю, обрелся еси,/ люди, от идольския лести свободив, ко Христове вере привел еси/ и волхва пансотника посрамил еси,/ темже и первый епископ и учитель Перми был еси./ Сего ради духовная твоя чада,/ яко тобою избавльшеся от идол, благодарная тебе возопием:/ радуйся, Стефане, учителю премудрый.

Тропарь преподобного Иоанникия Девиченского (Сербского)
глас 1
Пощением, молитвами и благодатию Божественною просветився,/ земныя концы светло озаряеши благочестно,/ чудес благодать от Бога прием,/ исцеляеши недуги, духи же лукавыя от человеков отгоняеши,/ иже с верою притекают к раце мощей твоих святых,/ преподобне отче наш Иоанникие./ Слава Давшему ти благодать,/ слава Укрепившему тя,/ слава Действующему тобою всем исцеления.
Кондак преподобного Иоанникия Девиченского (Сербского)
глас 8
От юности, Богомудре, возлюбив ангельское житие,/ вся красная оставил еси,/ зайде бо, якоже звезда от мира,/ востек к разумному и праведному солнцу, Христу,/ от Него же приемь благодать исцеления,/ различныя недуги врачуеши притекающих к священней раце твоей./ Темже и мы, совершающе любовию всечестную твою память, вопием ти:/ радуйся, отче Иоанникие.</p>