<p id="eow-description" class="">Преподобный Феофан Исповедник Сигрианский
Преподобный Симеон новый богослов
Святитель Григорий Двоеслов, папа Римский
Праведный Финеес, первосвященник Израильский
Тропарь преподобного Феофана исповедника, Сигрианского
глас 5
Воздержанием житие украсил/ и, уды уме...
<p id="eow-description" class="">Преподобный Феофан Исповедник Сигрианский
Преподобный Симеон новый богослов
Святитель Григорий Двоеслов, папа Римский
Праведный Финеес, первосвященник Израильский
Тропарь преподобного Феофана исповедника, Сигрианского
глас 5
Воздержанием житие украсил/ и, уды умертвив,/ победил еси вражия козни, отче Феофане,/ преставился еси к Богу в вечную жизнь,/ яко достоин причастник,/ моляся непрестанно/ помиловати души наша.
Кондак преподобного Феофана исповедника, Сигрианского
глас 2
Свыше прием Божественное откровение,/ со тщанием изшел еси от среды молвы житейский/ и, уединився, преподобне, чудес приял еси действо/ и пророчества достоинство,/ богатства и супружницы лишився.
Тропарь преподобного Симеона Нового Богослова
глас 3
Божественное озарение, Симеоне отче,/ восприяв в души твоей,/ светило в мире показался еси светлейшее,/ разгоняя того мракобесие/ и всех уверяя искати, юже погубиша, благодать Духа,/ Егоже прилежно моли/ даровати нам велию милость.
Ин тропарь, новосоставленный, преподобного Симеона Нового Богослова
глас 1
Внешния мудрости пребывая непричастен,/ Божественныя же преисполнен был еси последи/ и Новый Богослов воистинну всеми познася, Симеоне./ Сего ради твою память, отче мудре, почитающе, тебе вопием:/ слава тя прославльшему Христу,/ слава тя дивна Показавшему,/ слава Действующему тобою всем исцеления.
Ин тропарь преподобного Симеона Нового Богослова
глас 4
Яко Света Трисолнечнаго зритель / и таинственнаго Богословия сказатель, / освященне Симеоне, отче наш, / испроси душам нашим просвещения свыше / и страстей отгони от нас мглу, / яко бо, служитель велий Христов,/ всем подаеши полезная, преподобне.
Тропарь святителя Григория Двоеслова, папы Римского
глас 4
Иже от Бога свыше Божественную благодать восприем,/ славне Григорие,/ и Того силою укрепляема/ евангельски шествовати изволил еси./ Отонудуже у Христа возмездие трудов приял еси, всеблаженне,/ Егоже моли,/ да спасет души наша.
Кондак святителя Григория Двоеслова, папы Римского
глас 3
Подобоначальник показался еси Начальника пастырем Христа,/ иноков чреды, отче Григорие,/ ко ограде Небесней наставляя,/ и оттуду научил еси стадо Христово заповедем Его,/ ныне же с ними радуешися и ликуеши в Небесных кровех.</p>
Священник
Священник
Священник
