Мульткалендарь 24 марта 2017г

<p id="eow-description" class="">Святитель Софроний, Патриарх Иерусалимский
Святитель Ефимий архиепископ Новгородский
Священномученики Пионий и Лин, пресвитеры Смирнские, святые мученицы Савина и Македония и святой мученик Асклипиад
Преподобный Софроний, затворник Печерский

Кондак святителя Софрония, патриарха Иерусалимского
глас 8
Иже Божественною ревностию подвигся/ и истинных повелений устне распростер,/ церковная основания благоузаконив/ и тамо сущим монашеским составом предав,/ премудрый в Патриарсех Иерусалимский Софроние,/ всемудрая словеса во свет извел еси,/ имиже наставляемы, зовем ти:/ радуйся, светлая православных похвало.

Кондак святителя Евфимия, архиепископа Новгородского, чудотворца
глас 8
Яко архиереем сопрестольник/ и святителем изрядный поборник был еси, святителю Евфимие,/ не престай сохраняя отечество твое,/ град же и люди, иже тебе верою почитающия/ и честным мощем твоим покланяющияся,/ да велегласно тебе вси вопием:/ радуйся, святителю Богомудре.

Молитва святителю Евфимию
Отче святителю Евфимие! Ты от юности твоей Христа возлюбил еси и, благодатию Его укрепляемь, вся плотская мудрования умертвил еси, чистым житием и кротким нравом угодил еси Господеви, и по благодати Его на престоле святительства был еси, и явился еси пастве Христовей Великаго Новаграда пастырь изряден, полагая душу твою о стаде твоем. Темже и по смерти твоей прослави тя Пастыреначальник Христос подаянием чудес, от тебе истекающих, подай нам тебе образ добродетельнаго жития и теплаго молитвенника. Темже и аз, грешный и унылый, припадая к мощем твоим, молюся тебе усердно: угодниче Христов, даждь ми руку помощи, воздвигни мя молитвами твоими из глубины греховныя. Се бо волнами страстей плотских и уныния и иными тьмочисленными житейскими треволнении обуреваюся и погибаю. Буди убо мне, многогрешному, теплый ко Христу предстатель и молитвенник, да и аз, от потопления греховнаго избавлен, ко пристанищу непорочнаго жития благодатию Христовою достигну, и чистым житием прославлю Спасителя моего, Кровию Своею мене искупившаго, и, тако житие скончав, получу живот вечный во Царствии Небеснем, идеже славится пречестное и великолепое Имя Отца и Сына и Святаго Духа, ныне, и присно, и во веки веков. Аминь.

Ин кондак преподобного Софрония, затворника Печерского, в Дальних Пещерах
глас 8
В тесней и темней клети затворився,/ власяницею и поясом железным умерщвляя тело твое,/ псалмопении непрестанно благославословил еси,/ тем Света вечнаго и обители Небесныя сподоблься,/ и, ангельскими пении наслаждался,/ молися Господеви, да не лишит и нас вечных красот.

Тропарь преподобного Софрония, затворника Печерского, в Дальних Пещерах
глас 1
Пространна пути, ведуща в пагубу,/ блаженне Софроние, угонзая,/ затворился еси в темне месте пещернем,/ идеже день и нощь в молитвах и слезах/ и в ручном деле подвизаяся,/ обрел еси вечный живот и наслаждение.

Кондак преподобного Софрония, затворника Печерского, в Дальних Пещерах
глас 4
Явился еси древним отцем ревнитель,/ в темней пещере светлым житием ясно просияв,/ и озарил еси сердца поющих тя,/ Богомудре отче Софроние.</p>