МОЛИТВА ПО СОГЛАШЕНИЮ о даровании супруга и счастья семейной жизни
Ежедневно в 21.30

Во имя Отца и Сына и Святого Духа. Аминь.
Господи Иисусе Христе, Сыне Божий, молитв ради Пречистыя Твоея Матере, преподобных и богоносных отец наших и всех святых, помилуй нас. Аминь.
Слава Тебе, Боже наш, слава Тебе.
Царю Небесный, Утешителю, Душе истины, Иже везде сый и вся исполняяй, Сокровище благих и жизни Подателю, прииди и вселися в ны, и очисти ны от всякия скверны, и спаси, Блаже, души наша.
Святый Боже, Святый Крепкий, Святый Безсмертный, помилуй нас. (Читается трижды, с крестным знамением и поясным поклоном.)
Слава Отцу и Сыну и Святому Духу, и ныне и присно и во веки веков. Аминь.
Пресвятая Троице, помилуй нас; Господи, очисти грехи наша; Владыко, прости беззакония наша; Святый, посети и исцели немощи наша, имене Твоего ради.
Господи, помилуй. (Трижды).
Слава Отцу и Сыну и Святому Духу, и ныне и присно и во веки веков. Аминь.
Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго.
Господи, помилуй. (12 раз)
Слава Отцу и Сыну и Святому Духу, и ныне и присно и во веки веков. Аминь.
Приидите, поклонимся Цареви нашему Богу. (Поклон)
Приидите, поклонимся и припадем Христу, Цареви Нашему Богу. (Поклон)
Приидите, поклонимся и припадем Самому Христу, Цареви и Богу нашему. (Поклон)

Молитва по соглашению

Господи Иисусе Христе, Сыне Божий, Ты сказал пречистыми устами Твоими: «Истинно говорю вам, что если двое из вас согласятся на земле просить о всяком деле, то, чего бы ни просили, будет им от Отца Моего Небесного, ибо, где двое или трое собраны во имя Мое, там Я посреди них». Непреложны словеса Твои, Господи, милосердие Твое безприкладно и человеколюбию Твоему нет конца. Сего ради молим Тя: даруй нам, рабам Твоим:

Ларисе
Ольге
Татиане
Пелагее
Наталие
Светлане
Иулие
Анастасие
Галине
Наталие
Ольге
Христине
Марие

и всем тем, кто возносит с нами соборную молитву, имена Ты их Господи знаешь Сам, согласившимся просить Тебя о создании семьи и даровании супруга- любящего, верного, умного, доброго, веселого, обеспеченного, который будет любить, ценить, уважать, поддерживать, помогать, понимать; супруга- с которым все будем делать вместе сообща с большой любовью и глубоким уважением друг ко другу.

Боже наш, Молим Тебя об исполнении наших прошений. Но да будет не так, как мы хотим, но как Ты, Господи — да будет во веки воля Твоя. Аминь.

Тропарь, глас 4-й:
Союзом любве апостолы Твоя связавый, Христе, и нас, Твоих верных рабов к Себе тем крепко связав, творити заповеди Твоя и друг друга любити нелицемерно сотвори, молитвами Богородицы, Едине Человеколюбче.

Кондак, глас 5-й:
Пламенем любве распали к Тебе сердца наша, Христе Боже, да тою разжигаеми, сердцем, мыслию же и душею, и всею крепостию нашею возлюбим Тя, и искренняго своего яко себе, и повеления Твоя храняще славим Тя, всех благ Дателю

Господи, Боже наш, милостиво, яко Благ, призри на изсохшую в любви землю сердца нашего, и тернием ненависти, самолюбия же, и неисчетных беззаконий люте оледеневшую: и каплю благодати Пресвятого Твоего Духа испустив, богато ороси ю, во еже плодоносити, и возрастати от горящия к Тебе любве, всех добродетель корень страх Твой, и о искренняго спасении неленостное попечение, всех же страстей и многообразных лукавств, и лицемерия искоренение, прилежно яко всех Благодетеля молим, скоро услыши и человеколюбно помилуй...

Всемилостивый Господи: Отче, Сыне и Душе Святый!
Приими смиренную молитву мою о даровании мне супруга и счастья христианского брака.
Ты Сам рекл: Нехорошо быти человеку одному.
О каждом у Тебя, Всемудрый, Свой Промысл, а потому предваряю молитву мою твердым исповеданием: сотвори со мною, якоже хощеши, и да будет не моя воля, но Твоя.
После же сего молю: Ты Сам позволил нам молиться о нуждах наших и сказал: Все, чего ни будете просить в молитве, верьте, что получите, – и будет вам (Мк. 11, 24). И еще сказал: И если чего попросите у Отца во имя Мое, то сделаю (Ин. 14, 13).
Не чувствуя призвания к одиночеству, вопию: Даруй мне полюбить и стать любимой. Паки и паки предавая себя в руце Твои, прошу: устрой мою личную жизнь и если это не противоречит воле Твоей, пусть это будет семейная жизнь с моим любимым, верным мужем.
Милостивый Всеведче! Неотступно буди со мной и с тем человеком, которого я встречу, и благовременно приведи нас к чаемому исходу: супружеству. Если же человек этот окажется не тем, с кем бы Ты хотел меня связать узами брака, разрушь эти отношения и дай мне смиренно и спокойно это принять.
Аз на Тя, Господи, уповах: рех: Ты еси Бог мой. В руку Твоею жребий мой (Пс. 30, 15, 16)!
Если же даруешь мне супруга, Владыко и Господи мой, смиренно обещаю, что благословленное Тобою супружество буду созидать и жить в нем в вере и благочестии и чистоте. Не дерзну поднять руки моей на убийство чада, которого Ты мне дашь; буду хранить верность моему супругу; буду учиться быть хорошей женой и ответственной и заботливой матерью.

Ей, Господи! Устрани все препятствия к моему супружеству, от бесов, от людских козней и от моего неразумия происходящия. Не о себе токмо молю, Господи, но о всех братьях и сестрах, со мною в молитве сей согласившихся подвизатися. Исполни на каждом молящемся вместе со мною волю Твою премудрую и заботливую. Даже если эта воля Твоя не согласуется с нашими мечтами и ожиданиями, смиренно и твердо говорим: Да, Господи! Да свершится Твоя, а не наша воля! Да процветет жизнь каждого из нас, обильно орошенная благодатью Твоею!

О, Всеблагий Господи, я знаю, что счастье мое зависит от моего умения любить Тебя всею душею и всем сердцем моим, и исполнения во всем святой воли Твоей. Управляй же Сам, о Боже мой, душею моею и наполняй сердце мое: я хочу угождать Тебе Одному, ибо Ты Создатель и Бог мой.
Сохрани мя от гордости и самолюбия: разум, скромность и целомудрие пусть украшают мя. Праздность противна Тебе и порождает пороки, подай же ми охоту к трудолюбию и благослови труды моя. Поелику же Закон Твой повелевает жить людям в честном супружестве, то приведи мя, Отче Святый, к сему освященному Тобою званию -жены, не для угождения вожделению моему, но для исполнения предназначения Твоего, ибо Ты Сам сказал: нехорошо человеку быть одному и, создав ему жену в помощницу, благословил их расти, множитися и населяти землю.
Боже наш, услышь смиренную молитву мою, из глубины сердца Тебе возсылаемую, даруй мне (ВАШЕ ИМЯ) супруга честнаго и благочестиваго, чтобы мы жили с ним в любви и в согласии и прославляли Тебя, милосерднаго Бога: Отца и Сына и Святаго Духа, ныне и присно и во веки веков. Аминь.

Пречистая Владычице, Богородице! Сам Сын Твой поручил Тебе заботиться о Своих учениках. По неложной вере Церкви, Ты – Матерь всех любящих Господа. Моли Сына Твоего даровати мне, послушнику воли Его, радость честного брака и супружества. Помоги мне найти хорошего, подходящего мне мужчину и создать с ним семью. А потом помоги мне и моему супругу, нашим детям быть верными Господу и жить согласно его заповедям и учению, изложенному в Евангелие. Ты знаешь, что это такое – учить младенца первым словам, воспитывать чадо, отпустить выросшего ребенка во взрослую, самостоятельную жизнь. Умоляю, Преблагословенная, сподоби меня радости супружества и материнства. Я приложу все силы, чтобы быть достойным этого дара.

Все святые, благословлённые Господом радостию семейной жизни: Захария и Елизавета, Иоаким и Анна, Адриан и Наталия, Петр и Феврония, Кирилл и Мария и иные Богу угодившие супруги! О, дивные святые, мною сугубо почитаемые
Св. Николай чудотворец,
святитель Спиридон Тримифунтский, св.блаженная Матрона Московская, св.великомученица Екатерина
( вставить имена Вами почитаемых святых)!
Ходатайствуйте о мне, грешном, пред Богом. Молите Его устроить мою жизнь, если это не противоречит воле Его, в честном супружестве.

Молитва св.великомученнице Екатерине

О, святая Екатерино, дево и мученице, истинная Христова невесто! Молим тя, яко велию благодать дарова ти Жених твой, Сладчайший Иисус, якоже посрамивши прелести мучителя, мудростию твоею пятьдесят ветий победила еси и, напоивши их небесным учением, к свету истинная веры наставила еси, тако испроси и нам оную Божию мудрость, да и мы, расторгнувше вся козни адскаго мучителя и презрев мира и плоти соблазны, достойны явимся Божественныя славы и к разширению святыя нашея православныя веры сосуды достойны соделаемся, и с тобою в небесной скинии Господа и Владыку нашего Иисуса Христа восхвалим и прославим во вся веки. Аминь.

Молитва преподобным Кириллу и Марии Радонежским, родителям преподобного Сергия, о даровании христианского супружества

О блаженная двоице, воистину земли русския украшение, святый преподобный Кирилле и святая преподобная Марие; образ брака христианского яви Господь преславное житие ваше; славно бо пожили есте в лета тяжкия для земли и народа нашего и вся скорби и искушения мира сего претерпели есте единою плотию – сего ради прослави Господь вас и супружество ваше.
Темже смиренно молю вас, препадающе пред святым образом вашим: умолите Господа, во еже послати мне супруга христианского. Весте бо, яко несть добро человеку единому быти: да исправит Господь стези моя.
Ей, блазии о нас перед Богом заступницы, испросите мне смиренномудрия, кротости и рассуждения христианского. Помозите мне очистить от страстей сердце мое. Вы бо учителие о образи чистаго жития преизряднии есте и ходатаицы о нас по Бозе во веки веков. Аминь.

Молитва святым Петру и Февронии Муромским

О, велицыи угодницы Божии и предивнии чудотворцы, благовернии княже Петре и княгине Февроние, града Мурома предстатели, честнаго брака хранители и о всех нас усерднии ко Господу молитвенницы!
Вы во дни земнаго жития вашего образ благочестия, христианския любве и верности друг ко другу даже до гроба явили есте и тем законное и благословенное супружество прославили есте.
Сего ради к вам прибегаем и молимся со усердием крепким: принесите за нас, грешных, святыя молитвы ваша ко Господу Богу, и испросите нам вся благопотребная душам и телесем нашим: веру праву, надежду благу, любовь нелицемерну, благочестие непоколебимое, в добрых делех преуспеяние, супруга благочестивого, наипаче же союзом брачным сочетавшимся даруйте молитвами вашими целомудрие, друг ко другу любовь и уважение в союзе мирном, единомыслие душ и телес, ложе ненаветное, пребывание незазорное, семя долгожизненное, о чадех благодать, домы исполнены благостыни и в жизни вечней неувядаемый венец славы Небесныя.

Ей, чудотворцы святии! Не презрите молитв наших, со умилением вам возносимых, но будите приснии заступницы наши пред Господем и сподобите нас предстательством вашим спасение вечное получити и Царствие Небесное наследовати, да славословим неизреченное человеколюбие Отца и Сына и Святаго Духа, в Троице покланяемаго Бога, во веки веков. Аминь.

Достойно есть яко воистинну блажити Тя, Богородицу, Присноблаженную и Пренепорочную и Матерь Бога нашего. Честнейшую Херувим и славнейшую без сравнения Серафим, без истления Бога Слова рождшую, сущую Богородицу Тя величаем.

Преславная Приснодева, Матерь Христа Бога, принеси наши молитвы Сыну Твоему и Богу нашему, да спасет Тобою души наша.

Слава Отцу, и Сыну, и Святому Духу, и ныне и присно, и во веки веков. Аминь.

Господи, помилуй. Господи, помилуй. Господи, помилуй. Благослови!

Господи Иисусе Христе, Сыне Божий, молитвами Пречистыя Твоея Матери, преподобных и богоносных отец наших и всех святых, услыши, помилуй и спаси нас. Аминь.