МϪТЕНЪ 0УМЪ ЧИСТА СЛОВА НЕ РАЖАЕТЬ.
МϪЖЬ ѺБЛИЧАѦИ ЛϪЧЕ ЕСТЬ ЛАСКАЮЩАГО.
ВЕЛИКϪ ВЛАСТЬ ПРИНИМАЮЩЕМϪ ВЕЛИКЪ ПОДОБАЕТЬ 0УМЪ ИМАТИ.
ЛЮТО ЕСТЬ И ГОРКО, АЩЕ ЅЛИИ НАД` ДОБРЫМИ ВЛАДѢЮТЬ И НЕСМЫСЛЕННЫЕ НАД` 0УМНЫМИ.
ВЛАСТЬ БЕЗϪМНАѦ ВИНА КЪ ЅЛϪ БЫВАЕТЬ.
0УНЕ ЕСТЬ ѺТЪ ПРЕМϪДРА БЬЕНϪ БЫТИ, НЕЖЕ ѺТЪ БЕЗϪМНА МАСЛОМЪ ПОМАЗАНϪ БЫТИ.
ВЕЛИКО ЕСТЬ БОГАТЬСТВО ЧЕЛОВѢКϪ 0УМЪ.
Б̅ГЪ БО КОГДА ХОЧЕТЪ ПОКАЗНИТИ ЧЕЛОВѢКА, ѺТИМѢТЪ 0У НЕГО 0УМЪ.
МϪЖЪ КНИЖЕНЪ БЕЗЪ 0УМА ДОБРА АКИ СЛЕПЕЦЪ ЕСТЬ, МϪЖЬ МϪДРЪ БЕЗЪ КНИГЪ ПОДОБЕНЪ ЕСТЬ ѺПЛОТϪ БЕЗЪ ПОДПОРЪ.
ЕЖЕ ПРИТЧЕЮ ГЛАГОЛЮТЪ КНИГИ : НЕ ѺСТАВЛѦЮЩЕСѦ КАМЕНЬ НА КАМЕНИ.
ЧЕЛОВѢЧЕСКϪМϪ 0УМϪ ВРЕМѦ БЫВАЕТЪ 0УЧИТЕЛЬ.
ЛϪЧЕ СБИРАТИ 0УМЪ, НЕГЛИ БОГАТЬСТВО ЛϪКАВО.
ЛϪЧЕ МАЛОЕ ИМАНЇЄ СЪ ПРАВДОЮ, НЕЖЕЛИ МЪНОГОЕ БОГАТЬСТВО БЕСЪ ПРАВДЫ.
КОНѦ НЕ ИМѢѦ, НА ЧϪЖЕМЪ НЕ ЕЗДИ.
БОГАТЫМЪ ВСИ ЧЕЛОВѢЦИ ДРϪЗИ.
ИДЕЖЕ ЗАКОНЪ, ТϪ И ѺБИДЪ МНОГО.
ВСЕМЪ 0УГОДИТИ ЛЮТО ЕСТЬ.
РЫСЬ ПЕСТРА ИЗВОНϪ, А ЧЕЛОВѢЦИ ЛϪКАВИ ИЗНϪТРИ.
НИ ВОЛКЪ ВОЛКА, НИ ЗМЇѦ ЗМИИ НЕ ГϪБИТЪ, НО ЧЕЛОВѢКЪ ЧЕЛОВѢКА ПОГϪБЛѦЄТЬ.
НЕ ПОГНЕТШИ ПЧЕЛЪ, МЕДϪ НЕ ЕДАТЬ.
ЛϪЧШЕ ПИЩА СЪ ЗЕЛЬЕМЪ СЪ ЛЮБОВЇЮ И СЪ БЛАГОДАТЬЮ, НЕЖЕЛИ ПРЕДЛОЖЕНЪ ТЕЛЕЦЪ СО ВРАЖДОЮ.
КОПАѦИ ѦМϪ ПОД` БЛИЖНИМЪ СВОИМЪ ВЪПАДѢТЬСѦ В`НЮ.
НЕ МѢСТО ДОБРОДѢТЕЛИ, НО ДОБРОДѢТЕЛЬ МѢСТО МОЖЕТЪ 0УКРАСИТИ.
НЕ ИДЕТЪ МѢСТО КЪ ГОЛОВЕ, НО ГОЛОВА КЪ МѢСТϪ.
ИМѦ И СЛАВА ЧЕСТЬНЕѢ ЕСТЬ ЧЕЛОВѢКϪ, НЕЖЕЛИ КРАСОТА ЛИЧНАѦ.
ЕДИНЪ ЕСТЬ РАБЪ ВО ВСѦКОМЪ ДОМϪ : САМЪ ГОСПОДИНЪ.
НЕ ПОДОБАЕТЬ ПОРϪЧИТИ ЧЮЖИХЪ ПОБЕГШЕМϪ ѺТЪ СВОИХЪ.
0УНЕ ЕСТЬ ЧЕЛОВѢКϪ ДОБРА СМЕРТЬ, НЕГЛИ ЅОЛЪ ЖИВОТЪ.
БРАНЬ СЛАВНА ЛϪЧЕ ЕСТЬ МИРА СТϪДНА.
ЛϪЧЕ ЕСТЬ НА СВОЕЙ ЗЕМЛЕ КОСТЬЮ ЛЕЧИ, И НЕЖЕЛИ НА ЧЮЖЕ СЛАВНϪ БЫТИ.
ВѢЩАТИ 0УМѢЮТЪ МНОЗИ, А РАЗϪМѢТИ НЕ ВСИ.