вмч. Димитрий Солунский

Святой великомученик Димитрий Солунский был сыном римского проконсула в Фессалониках (современные Салоники, славянское название - Солунь). Шел третий век христианства. Римское язычество, духовно сломленное и побежденное сонмом мучеников и исповедников Распятого Спасителя, усиливало гонения. Отец и мать святого Димитрия были тайными христианами. В тайной домовой церкви, бывшей в доме проконсула, мальчик был крещен и наставлен в христианской вере. Когда умер отец, а Димитрий уже достиг совершеннолетия, император Галерий Максимиан, вступивший на престол в 305 году, вызвал его к себе и, убедившись в его образованности и военно-административных способностях, назначил его на место отца проконсулом Фессалоникийской области. Главная задача, возложенная на молодого стратега, состояла в обороне города от варваров и истреблении христианства. Интересно, что среди угрожавших римлянам варваров важное место занимали наши предки славяне, особенно охотно селившиеся на Фессалоникийском полуострове. Существует мнение, что и родители Димитрия были славянского происхождения. В отношении к христианам воля императора была выражена однозначно: "Предавай смерти каждого, кто призывает имя Распятого". Император не подозревал, назначая Димитрия, какую широкую стезю исповеднических подвигов предоставляет он тайному подвижнику. Приняв назначение, Димитрий возвратился в Фессалоники и тотчас пред всеми исповедал и прославил Господа нашего Иисуса Христа. Вместо того, чтобы гнать и казнить христиан, он стал открыто учить жителей города христианской вере и искоренять языческие обычаи и идолопоклонство. Составитель Жития, Метафраст, говорит, что он стал для Фессалоник в своей учительной ревности "вторым апостолом Павлом", потому что именно "апостол языков" основал когда-то в этом городе первую общину верующих (1 Фес., 2 Фес.). Святому Димитрию предназначено было Господом последовать за святым апостолом Павлом и в мученической кончине.
Когда Максимиан узнал, что вновь назначенный им проконсул - христианин, и многих римских подданных, увлеченных его примером, обратил в христианство, гневу императора не было границ. Возвращаясь из похода в Причерноморье, император решил вести армию через Фессалоники, полный желания расправиться с солунскими христианами.
Узнав об этом, святой Димитрий заблаговременно повелел своему верному служителю Луппу раздать имение нищим со словами: "Раздели богатство земное между ними - будем искать себе богатства небесного". А сам предался посту и молитве, готовя себя к принятию мученического венца.
Когда император вошел в город, вызвали к нему Димитрия, и он смело исповедал себя христианином и обличил неправду и суетность римского многобожия. Максимиан приказал заключить исповедника в темницу, и Ангел сошел к нему в узилище, утешая и укрепляя в подвиге. Между тем император предался мрачным гладиаторским зрелищам, любуясь, как его любимый силач, германец по имени Лий, сбрасывал с помоста на копья воинов побежденных им в борьбе христиан. Отважный юноша, по имени Нестор, из солунских христиан, пришел в темницу к своему наставнику Димитрию и просил благословить его на единоборство с варваром. По благословению Димитрия, Нестор одолел молитвами святого угодника свирепого германца и сбросил его с помоста на копья воинов, как убийца-язычник сбрасывал христиан. Разгневанный повелитель приказал немедленно казнить святого мученика Нестора (память 27 октября) и послал стражу в темницу - пронзить копьями благословившего его на подвиг святого Димитрия.
На рассвете 26 октября 306 года в подземную темницу святого узника явились воины и пронзили его копьями. Верный служитель святой Лупп собрал на полотенце кровь святого великомученика Димитрия, снял с его пальца императорский перстень, знак высокого достоинства его, и также омочил в крови. Перстнем и другими святынями, освященными кровью святого Димитриям, святой Лупп стал исцелять недужных. Император повелел схватить и умертвить его.
Тело святого великомученика Димитрия было выброшено на съедение диким зверям, но солунские христиане взяли его и тайно предали земле. При святом равноапостольном Константине (306-337) над могилой святого Димитрия была воздвигнута церковь. Сто лет спустя, при строительстве нового величественного храма на месте ветхого, обретены были нетленные мощи святого мученика. С VII века при раке великомученика Димитрия начинается чудесное истечение благовонного мира, в связи с чем великомученик Димитрий получает церковное именование Мироточивого. Несколько раз почитатели солунского чудотворца делали попытки к перенесению его святых мощей или частицы их в Константинополь. Но неизменно святой Димитрий таинственно проявлял свою волю остаться покровителем и защитником родных Фессалоник. Неоднократно подступавшие к городу славяне-язычники бывали отогнаны от стен Солуни видом грозного светлого юноши, обходившего стены и внушавшего ужас воинам. Может быть, потому имя святого Димитрия Солунского особенно почитаемо в славянских народах после просвещения их светом Евангельской истины. С другой стороны, греки считали святого Димитрия как бы славянским святым по преимуществу.
С именем святого великомученика Димитрия Солунского связаны, по предуказанию Божию, первые же страницы русской летописи. Когда Вещий Олег разгромил греков под Константинополем (907), как сообщает летопись, "убоялись греки и говорили: это не Олег, но святой Димитрий послан на нас от Бога". Русские воины всегда верили, что они находятся под особым покровительством святого великомученика Димитрия. Более того, в старинных русских былинах великомученик Димитрий изображается русским по происхождению - так сливался этот образ с душой русского народа.
Церковное почитание святого великомученика Димитрия в Русской Церкви началось сразу после Крещения Руси. К началу 70-х годов ХI столетия относится основание Димитриевского монастыря в Киеве, известного впоследствии как Михайлов-Златоверхий монастырь. Обитель была построена сыном Ярослава Мудрого, великим князем Изяславом, в Крещении Димитрием († 1078). Мозаичная икона святого Димитрия Солунского из собора Димитриевского монастыря сохранилась до наших дней и находится в Государственной Третьяковской галерее. В 1194-1197 годах великий князь Владимирский Всеволод III Большое Гнездо, в крещении Димитрий, "создал церковь прекрасную на дворе своем, святого мученика Димитрия, и украсил ее дивно иконами и писанием" (т. е. фресками). Димитриевский собор и доныне является украшением древнего Владимира. Чудотворная икона святого Димитрия Солунского из иконостаса собора также ныне находится в Москве в Третьяковской галерее. Она написана на доске от гроба святого великомученика Димитрия, принесенной в 1197 году из Солуни во Владимир. Одно из ценнейших изображений святого - фреска на столпе Владимирского Успенского собора, принадлежащая кисти преподобного инока-иконописца Андрея Рублева. Почитание святого Димитрия продолжалось и в роду святого Александра Невского (память 23 ноября). Святой Александр назвал старшего сына в честь святого великомученика. А младший сын, святой благоверный князь Даниил Московский († 1303; память 4 марта), воздвиг в Москве храм во имя святого великомученика Димитрия в 1280-х годах, который явился первым каменным храмом в Московском Кремле. Позже, в 1326 году, при князе Иоанне Калите, он был разобран, а на его месте воздвигнут Успенский собор.
Память святого Димитрия Солунского издревле связывалась на Руси с воинским подвигом, патриотизмом и защитой Отечества. Святой изображается на иконах в виде воина в пернатых доспехах, с копьем и мечом в руках. На свитке (в более поздних изображениях) писали молитву, с которой святой Димитрий обращался к Богу о спасении родной Солуни: "Господи, не погуби град и людей. Если град спасешь и людей - с ними и я спасен буду, если погубишь - с ними и я погибну".
В духовном опыте Русской Церкви почитание святого великомученика Димитрия Солунского тесно связано с памятью защитника Родины и Церкви, великого князя Московского Димитрия Донского († 1389). "Слово о житии и о преставлении великого князя Димитрия Ивановича, царя русского", написанное в 1393 году, как и другие древние источники, ублажает его как святого. Духовный сын и воспитанник Митрополита Алексия, святителя Московского († 1378; память 12 февраля), ученик и собеседник великих молитвенников Русской земли - преподобных Сергия Радонежского († 1392; память 25 сентября), Димитрия Прилуцкого (†1392; память 11 февраля), святителя Феодора Ростовского († 1394; память 28 ноября), великий князь Димитрий "о церквах Божиих весьма печаловался, а страну земли Русской мужеством своим держал: многих врагов, встающих на нас, победил и славный град свой Москву стенами чудными оградил". Со времен построенного великим князем Димитрием белокаменного Кремля (1366) Москва стала называться Белокаменной. "Процвела земля Русская в лета княжения его",- свидетельствует названное "Слово". Молитвами своего Небесного покровителя, святого воина Димитрия Солунского великий князь Димитрий одержал ряд блестящих военных побед, предопределивших дальнейшее возвышение России: отразил натиск на Москву литовских войск Ольгерда (1368, 1373), разгромил на реке Воже татарское войско Бегича (1378), сокрушил военную мощь всей Золотой Орды в битве на Куликовом поле (8 сентября 1380 г. в день празднования Рождества Пресвятой Богородицы) между реками Доном и Непрядвой. Куликовская битва, за которую народ назвал Димитрия Донским, стала первым общерусским национальным подвигом, сплотившим вокруг Москвы духовные силы русского народа. Этому переломному событию русской истории посвящена "Задонщина", вдохновенная героическая поэма, написанная иереем Софонией Рязанцем (1381).
Князь Димитрий Донской был великим почитателем святого великомученика Димитрия. В 1380 году, накануне Куликовской битвы, он торжественно перенес из Владимира в Москву главную святыню Владимирского Димитриевского собора - икону великомученика Димитрия Солунского, написанную на доске гроба святого. В Московском Успенском соборе был устроен придел во имя великомученика Димитрия. В память воинов, павших в Куликовской битве, установлена была для общецерковного поминовения Димитриевская родительская суббота. В первый раз эта панихида была совершена в Троице-Сергиевом монастыре 20 октября 1380 года Преподобным Сергием, игуменом Радонежским, в присутствии самого великого князя Димитрия Донского. С тех пор она ежегодно совершается в обители с торжественным поминанием героев Куликовской битвы, в том числе схимонахов-воинов Александра (Пересвета) и Андрея (Осляби).

Тропарь великомученика Димитрия Солунского
глас 3
Велика обрете в бедах тя поборника вселенная, страстотерпче,/ языки побеждающа./ Якоже убо Лиеву низложил еси гордыню,/ и на подвиг дерзновенна сотворив Нестора,/ тако, святе Димитрие,/ Христу Богу молися// даровати нам велию милость.
Кондак великомученика Димитрия Солунского
глас 2
Кровей твоих струями, Димитрие,/ Церковь Бог обагри,/ давый тебе крепость непобедимую/ и соблюдая град твой невредим,// того бо еси утверждение.
Величание великомученику Димитрию Солунскому
Величаем тя, страстотерпче святый Димитрие, и чтим честная страдания твоя, яже за Христа претерпел еси.

Молитва великомученику Димитрию Солунскому

Святый и славный великомучениче Христов Димитрие, скорый помощниче и теплый заступниче с верою притекающих к тебе! Предстоя с дерзновением Небесному Царю, испроси у Него прощение согрешений наших и о еже избавитися нам от всегубительныя язвы, труса, потопа, огня, меча и вечныя казни. Моли благость Его, еже ущедрити град сей, обитель сию и всякую страну христианскую. Исходатайствуй у Царя Царствующих на враги победу и одоление православным христианам, всей державе православной мир, тишину, твердость в вере и преспеяние во благочестии; нам же, чтущим честную память твою, испроси благодатное укрепление на дела благая, да благоутробное Владыце нашему Христу Богу зде творяще, сподобимся молитвами твоими наследовати Царствие Небесное для вечнаго прославления Его со Отцем и Святым Духом. Аминь.

КАНОН ПЕРВЫЙ ВЕЛИКОМУЧЕНИКА ДИМИТРИЯ СОЛУНСКАГО

глас 4
Песнь 1

Ирмос: Моря чермную пучину невлажными стопами древний пешешествовав Израиль, крестообразныма Моисеовыма рукама Амаликову силу в пустыни победил есть.
Божественным мучения венцем увязен, при Бозе ликуеши, блистании отонудными сияя и просвещения исполняем, великомучениче досточудне.
Яко суща Истины свидетеля, и даже до крове подвигшася, блаженне, терпеливно; твердо же противление к мучителем показавша, тя Владыка прият.
Злобы обретателя низложил еси на землю, Димитрие, мученическим твоим копием убив, Божественною благостию, паче ума силою, на сие, блаженне, укрепляем.
Богородичен: Безматерен якоже Бог первее Сый, бысть еже по нам Безотчий из Тебе, Богородице Всепетая, плоть прием по единению, еже паче слова и разума.
Песнь 3

Ирмос: Веселится о Тебе Церковь Твоя, Христе, зовущи: Ты моя крепость, Господи, и прибежище, и утверждение.
Вменися в ничтоже мучителей от тебе повеление; Слово бо Божие паче всех, страстотерпче, предчествовал еси.
Свещник световиден мучения в скинии был еси, Божественным Светом сияющ, мучениче страстотерпче Димитрие.
Врачеваний тя источник священный и дивный, град твой и сокровище некрадомо стяжав, всяким веселием обогатися.
Богородичен: Врачуя образ истлевший земных, Пречистая, сим из Тебе облачится, пребыв якоже бе Человеколюбец.
Седален, глас 4.

Яко доблему страдальцу и воину крепку Всецарюющаго Христа, взываем псаломски: радуйся, мучеников украшение и лепота; радуйся, светлая Церкве звездо и стено, и пристанище прибегающих к тебе, великомучениче славне Димитрие, тя поющия спасай от всякаго вреда чуждаго и озлобления вся.
Песнь 4

Ирмос: Вознесена Тя видевши Церковь на Кресте, Солнце Праведное, ста в чине своем, достойно взывающа: слава силе Твоей, Господи.
Победившаго лжу нечестия, Божие Всевысочайшее видев Слово, славою венча тя, Димитрие, поюща: слава силе Твоей, Господи.
На лесть победу возставив, победительный венец правды приял еси, Димитрие, зовя Зиждителю твоему: слава силе Твоей, Господи.
Направляем дланию жизноносною, к пристанищем достигл еси тишайшим, идеже, ныне радуяся, зовеши, Димитрие: слава силе Твоей, Господи.
Богородичен: Яко тварей всех Священнейшая, Мати Бога быти Едина сподобилася еси, Сего бо рождши, мир благодатию Богознания просветила еси.
Песнь 5

Ирмос: Ты, Господи, мой свет в мир пришел еси, Свет Святый, обращаяй из мрачна неведения верою воспевающия Тя.
Огнь любве Божественныя в сердцы прием, огнь угасил еси безбожнаго идолонеистовства, славне Димитрие.
Избавляя ны от бед, явися, Димитрие, молитвами твоими покрывая верою и любовию восхваляющия тя.
Иже верою к твоему усердно притекающе храму, Димитрие, недугов и страстей душетленных вскоре избавляются.
Богородичен: Слово Божие, Отцу Единосущное, Твой бывает, Богомати, паче ума же и слова, Сын, Тебе Единосущен.
Песнь 6

Ирмос: Пожру Ти со гласом хваления, Господи, Церковь вопиет Ти, от бесовския крове очищшися, ради милости от ребр Твоих истекшею Кровию.
Согласно сошедшеся, поем славную и светоносную твою память, и чудес полную, и дарований Святаго и Честнаго, всеблаженне, Духа.
Разреши моя пленицы согрешений молитвами твоими, яко бо непобедим мученик дерзновение имаши ко Владыце, и буди ми прибежище и покров, Димитрие.
Богородичен: Чисту Тя посреде терния обрет, яко чистейший крин и удольный цвет, о Богомати! Жених во утробу Твою Слово вселися.
Кондак, глас 2

Кровей твоих струями, Димитрие, Церковь Бог обагри, давый тебе крепость непобедимую и соблюдая град твой невредим; того бо еси утверждение.
Икос

Сего великаго вси воспоим, сошедшеся верою, яко оружника Христова и мученика, Димитрия, в песнех и пениих совзывающе Владыце и Зиждителю вселенныя: избави ны труса и нужды, Человеколюбче, молитвами Богородицы и всех святых мучеников Твоих. На Тя бо вси надеемся избавитися бед и скорбей, Ты бо еси наше утверждение.
Песнь 7

Ирмос: В пещи Авраамстии отроцы персидстей, любовию благочестия паче, нежели пламенем опаляеми, взываху: благословен еси в храме славы Твоея, Господи.
Преукрашен Божественною славою и благодатию, мучениче страстотерпче, сияеши световидно и просвещаеши зовущия: благословен еси в храме славы Твоея, Господи.
Яко багряницею, украшен твоею кровию, имея вместо скиптра, славне, крест; со Христом царствуеши ныне, мучениче Димитрие, благословен еси, зовый, в храме славы Твоея, Господи.
Богородичен: Препрославленная, Просвещенная, Мати Дево, вся, чтущия Тя Всеистинную Богородицу, огради; благословена Ты в женах, Всенепорочная Владычице.
Песнь 8

Ирмос: Руце распростер Даниил, львов зияния в рове затче: огненную же силу угасиша, добродетелию препоясавшеся, благочестия рачители отроцы, взывающе: благословите вся дела Господня Господа.
Омрачил еси весь вражий гнев, славне, и, борения неотъемлемою силою Христа облечен и победоносец быв, мучениче Димитрие, вопиял еси: благословите вся дела Господня Господа.
Мучеников благостояние показав, мучеников благозвание, мучениче, наследовал еси; банею омывся святою, яже вторыми не оскверняется греховными прилоги, копием прободаем, и зовый: благословите вся дела Господня Господа.
Чудес твоих множество, паче ума дарований, ихже тебе подаде Христос, всем показует, славне, и благодать исцелений, яже паче слова, яве твою благодать проповедает нам, вопиющим: благословите вся дела Господня Господа.
Богородичен: Едину во всех родех, Деву Матерь и Богородицу Чистую, песнословим: Та бо спасения нашего Ходатаица, яко мира Избавителя, Слово рождшая, Емуже вопием: благословите вся дела Господня Господа.
Песнь 9

Ирмос: Камень нерукосечный от несекомыя горы, Тебе, Дево, краеугольный отсечеся, Христос, совокупивый разстоящаяся естества; тем, веселящеся, Тя, Богородице, величаем.
Раздери узы прегрешений тя поющих, страстотерпче, устави страстей прилоги, молву разори ересей и напастей утиши бурю молитвами твоими.
Направи к стезям правым Небеснаго Царствия священнейшую твою паству, венценосче мучениче Димитрие, на пажить спасительную, на место вечное.
Да венцев славы и Небеснаго Царствия получения поющим тя сего улучити моли, мучениче Димитрие, Жизнодавца Господа и Царя Сил.
Богородичен: Яко корень, источник и вину нетления Тя, Дево, вси вернии, надеющеся, хвалами почитаем; Ты бо Ипостасное нам Безсмертие источила еси.
Светилен

Крестом вооружил еси Нестора, чрез онаго Лиеву разорив гордыню, Димитрие, на тризнищи, якоже Христос, отверзаеши копием ребра твоя, имиже стадо твое храни.

АКАФИСТ ВЕЛИКОМУЧЕНИКУ ДИМИТРИЮ СОЛУНСКОМУ

Кондак 1

Дивный воеводо града Солуня, великий угодниче Христов и славный страстотерпче, святый Димитрие, источаяй мирови милости миро, похвальная восписуем ти, чтущии святую память твою. Ты же имеяй дерзновение ко Господу, от всяких бед избавляй нас, верно зовущих ти:
Радуйся, святый Димитрие, славный великомучениче и чудотворче.
Икос 1

Ангелов Творец и Господь Сил яви тя, досточудне, ангела во плоти, мученика тверда и сильнаго предстателя верных. Прибегающе убо к заступлению твоему, сицевая радостная тебе приносим:
Радуйся, звездо блистающая на тверди церковней; радуйся, светильниче, чудесы мир озаряяй.
Радуйся веры непоколебимый столпе; радуйся, христиан несокрушимый щите.
Радуйся, Фессалии светлое украшение; радуйся, Солуня похвало преславная.
Радуйся, апостолов согражданине; радуйся, мучеников совсельниче.
Радуйся, молящихся к тебе прошения приемляй; радуйся, о всех нас Богу моляйся.
Радуйся, святый Димитрие, славный великомучениче и чудотворче.
Кондак 2

Видяще себе безчадна, благочестивая родителя твоя прилежно моляста Бога о даровании чада. Прием же Всевышний молитвы ею, и помянув милостыни, яже творяста убогим, дарова им тебе, блаженне. Сего ради с веселием возописта Богу: Аллилуиа.
Икос 2

Разум божественный имея, яко отроча богодарованное, возгнушался еси языческия прелести, мудре. Родительское же благочестие возлюбль, добродетельми аки лествицею от силы в силу восходяй, благодать Божию приобрел еси, юже испроси получити и нам, почитающим тя звании сими:
Радуйся, благочестивым родителем молитвенное прозябение; радуйся, благочестия их наследниче.
Радуйся, рождением своим возвеселивый многих; радуйся, от утробы матерния благодатию свыше осененный.
Радуйся, благоуханный крине девства и нетления; радуйся, освещенный душею же и телом.
Радуйся, вместилище дарований Божиих; радуйся от юности идолослужение презревый.
Радуйся, истинное богопочитание даже до смерти возлюбивый; радуйся, яко благочестием твоим угодил еси Христу.
Радуйся, яко благодатию Его мног плод сотворил еси; радуйся, святый Димитрие, славный великомучениче и чудотворче.
Кондак 3

Сила Вышняго сотвори тя, Димитрие, храбра во бранех, врагом страшна, всем людем именита. Темже и злочестивый царь Максимиан вручи тебе град Солунь, повелевая, яко суемудрый, гнати Христианы, поющия Богу: Аллилуиа.
Икос 3

Имеяй благоприятную по благочестию ревность, яве пред неверными исповедал еси Христа, прехвальне, и тех веровати и покланятся Тому научил еси, и яко вторый Павел был еси солуняном, с нимиже вопием ти:
Радуйся, Церкви Христовой драгий бисере; радуйся, града твоего украшение.
Радуйся, божественную ревность в сердцы своем носивый; радуйся, мучителей коварства победивый.
Радуйся, идольския прелести обличителю; радуйся, идольское терние посецаяй.
Радуйся, благочестия учителю; радуйся, на стези спасения наставителю.
Радуйся, врагом видимым и невидимым неприступне; радуйся, воине Христов непобедиме.
Радуйся, святый Димитрие, славный великомучениче и чудотворче.
Кондак 4

Бурею одержим помышлений злобных, нечестивый царь смятеся, уведев тя, всечестне, вернаго быти раба Христова, к вере в Того приводяща и идолы низлагающа, солунян же научающа славити трисвятое имя Божие и пети Тому: Аллилуиа.
Икос 4

Слыша, яко дышащий на тя, Димитрие, яростию Максимиан грядет в Солунь, молитвою и пощении предуготовил еси себе к мучению, повелевая Луппу, верному ти рабу, вся имения твоя и богатства привременная расточити убогим. Темже, восхваляюще тя, с любовию зовем:
Радуйся, прещения мучителева не убоявыйся; радуйся, да Христа приобрящеши, вся расточивый.
Радуйся, суетную славу мира сего во уметы вменивый; радуйся, небесную славу у Христа Бога нашего получивый.
Радуйся, яко состраждеши всем требующим от тебе помощи; радуйся, сущим в нуждах скорый заступниче.
Радуйся, нищих обогатителю; радуйся, сирых предстателю.
Радуйся, убогим помощниче; радуйся, алчущим питателю.
Радуйся, святый Димитрие, славный великомучениче и чудотворче.
Кондак 5

Боготечней звезде уподоблься, Димитрие, дерзновенно Солнце Правды проповедал еси тьмою одержимому царю. В темнице же им заключенный, славословил еси в ней, яко в чертозе светле, Христа Бога нашего, с веселием поя Тому: Аллилуиа.
Икос 5

Видя добра ненавистник диавол течение, достоблаженне, скончатися имущее, завистию снедаемь, устремися на тя во образе скорпии. Ты же, поправ того, узрел еси во светлости велицей ангела Господня, укрепляюща тя и венец райский тебе подающа, приими убо и от нас земных малый венец похвалы сицевыя:
Радуйся, трубо, неверным Христа Бога возвестившая; радуйся, свиреле, услаждающая слышание верным.
Радуйся, яко мужеством твоим небожители возвеселил еси; радуйся, в темнице мрачней святым ангелом утешенный.
Радуйся, пресветлый на небесех чертог, яко мученик, унаследовавый; радуйся, во плоти безплотныя враги победивый.
Радуйся, козни их, аки паучину разоривый; радуйся, светлый конец победы приемый.
Радуйся, венцем от Царя славы венчанный; радуйся, сугубыя благодати от Него сподобивыйся.
Радуйся, велие дерзновение к Нему стяжавый.
Радуйся, святый Димитрие, славный великомучениче и чудотворче.
Кондак 6

Проповедник злочестия Максимиан радовашеся, яко прекрепкий борец его Лий убиваше Христианы. Блаженный же Нестор не терпя того безчеловечия, у тебе, мучениче, благословение испроси, и шед низверже того на копия, поя Богу: Аллилуиа.
Икос 6

Возсиявый в Солуне просвещение истины, святе, предпослал еси ко Господу Нестора, чрез посечение от нечестивых. Таже и сам, повелением царевым, копиями избоден был еси за Христа, пред Нимже помяни и нас, поминающих страдания твоя и вопиющих ти:
Радуйся, на Лиево низложение Нестора молитвами твоими укрепивый; радуйся, яко по умерщвлении Лия, смерть мученическую купно с Нестором приял еси.
Радуйся, яко за Прободеннаго на Кресте нас ради копиями избоден был еси; радуйся, со славою на небеса по смерти от ангел провожденный.
Радуйся, в немерцающем свете душею пребываяй; радуйся, с мученики и со всеми святыми ликовствуяй.
Радуйся, покрове песнословящих тя; радуйся, молитвенниче о чтущих святую память твою.
Радуйся, святый Димитрие, славный великомучениче и чудотворче.
Кондак 7

Хотя блаженный Лупп благословение от тебе, страстотерпче Христов, получити, взя по кончине твоей перстень твой и ризу, кровию твоею омоченную, и многа чудеса и исцеления теми сотворив, усечен бысть во главу, да поет купно с тобою и Нестором в Троице славимому Богу: Аллилуиа.
Икос 7

Новый храм созидая тебе, досточудне, исцеленный тобою Леонтий, обрете в земли святыя мощи твоя, источающая миро, егоже благоухания исполнися весь град и множество болящих исцеле. Темже уврачуй и облагоухай и нас, вопиющих ти сице:
Радуйся, благоухание добродетелей от юности возлюбивый; радуйся, нрав ангельский от младенчества стяжавый.
Радуйся, сосуде благодати; радуйся, храме непорочности и чистоты.
Радуйся, яко Господь обитель в тебе сотвори со Отцем и Духом; радуйся, яко Той прослави мощи твоя нетлением благодати.
Радуйся, благовонное Миро от тех источаяй; радуйся, освящение и цельбы теми подаваяй.
Радуйся, яко паче нарда и смирны благоухаеши; радуйся, яко благоуханием твоим зловоние страстей отгоняеши.
Радуйся, землю и одежды твоя кровию твоею освятивый; радуйся, язвами своими наша язвы душевныя и телесныя врачуяй.
Радуйся, святый Димитрие, славный великомучениче и чудотворче.
Кондак 8

Странное и дивное чудо сотворил еси, пречудне, возвращавшемуся восвояси храмоздателю твоему, приим бо той плащаницу от святых твоих мощей, волнующуюся и многоводную реку немокренно прейде. Темже прославляемому в тебе Богу сердцем и усты воспеваше: Аллилуиа.
Икос 8

Весь горя любовию и усердием к тебе Леонтий вторый в честь твою, святе, созда храм во Иллирии, отечестве своем, и тамо, якоже и в Солуне, множество болящих и страждущих от дух нечистых, молитвами твоими исцеляшеся, и ина многа совершахуся чудеса. Имже мы, дивяшеся тебе, вопием:
Радуйся, любовию прославляющим тя крепкий заступниче; радуйся, созидающим во имя твое храмы чудный покрове.
Радуйся, здравия подателю; радуйся, недугов врачевателю.
Радуйся, токи крови уставляяй; радуйся, епарха Марина от струпов и гноя свободивый.
Радуйся, одеждою твоею, якоже Павел убрусцами, чудодействуяй; радуйся, имевшему ю Леонтию немокренный на реце путь показавый.
Радуйся, яко повинуются тебе быстрины речныя; радуйся, яко дуси злобы бегают от призывающих имя твое.
Радуйся, яко предстательством твоим и мы уповаем от наветов вражиих сохранитися; радуйся, яко заступлением твоим и мы веруем от потопа иных бед избавитися.
Радуйся, святый Димитрие, славный великомучениче и чудотворче.
Кондак 9

Всякое естество ангельское удивися, Димитрие святый, великаго твоего дерзновения делу. Хотящу бо Господу врагом предати Солунь, и явлением ангельским, повелевшу ти оставити град, не оставил еси того, славне. Темже сподобивыйся ужаснаго видения и слышания, Иллюстрий с трепетом возглашаше: Аллилуиа.
Икос 9

Витии многовещанныя не возмогут разумети, как плененныя иногда девы, образ твой, святе, пленившему их князю швением уготовавшия, внезапу восхищени быша тобою, и у гроба твоего поставлени, бдению на память твою совершающуся, благословяще убо о тебе Господа, со умилением зовем ти:
Радуйся, за истину на земли, даже до крови пострадавый; радуйся, на небеси со дерзновением престолу Божию предстояй.
Радуйся, благопотребная оттуду верным посылаяй; радуйся, от бед призывающия тя свобождаяй.
Радуйся, яко во озлоблении сущим скоро помогаеши; радуйся, яко Господь молитвам твоим благоутробно внемлет.
Радуйся, чудес неисчерпаемый кладезю; радуйся, знамений неоскудеваемый источниче.
Радуйся, плененных свободителю; радуйся, варварския дерзости укротителю.
Радуйся, печальным утешение посылаяй; радуйся, скорбящим радость подаваяй.
Радуйся, святый Димитрие, славный великомучениче и чудотворче.
Кондак 10

Спасти хотя град твой от глада, являлся еси, Димитрие, во пристанищех морских и отоцех, повелевая имущим пшеницу плыти с тою в Солунь. Темже тобою от смерти избавленнии, благодарственне пояху о тебе Богу: Аллилуиа.
Икос 10

Стена явился еси граду твоему несокрушимая, богомудре, и необоримый защитник всем призывающим тя, зане тако благоволи о тебе небесе и земли Творец. Темже и нас научи приглашати тебе:
Радуйся, милосердия великий любителю; радуйся, о бедствующих сострадательный попечителю.
Радуйся, от глада верныя спасаяй; радуйся, от нашествия языков тех изымаяй.
Радуйся, множицею избавивый солунян от уз работы горькия; радуйся, губительную язву и иный вред от них удаливый.
Радуйся, воеводо, никимже в мужестве одолимый; радуйся, ратоборче, николиже в силе оскудевающий.
Радуйся, вся на град твой устремляющияся, яко Моисей Амалика, низлагаяй; радуйся, яко Сампсон, иноплеменники прогоняяй.
Радуйся, царем верным на враги одоление подаваяй; радуйся, христолюбивым воином на брани помогаяй.
Радуйся, святый Димитрие, славный великомучениче и чудотворче.
Кондак 11

Пение всякое побеждается, прехвальне, пред сиянием славы твоея и величием чудес. Егда бо Иустиниан царь, возжеле имети в Софийстем храме часть мощей твоих, огнь изыде от гроба твоего на посланные от него, возбраняюще прикасатися раце твоей. Темже удивленнии со страхом возопиша Богу: Аллилуиа.
Икос 11

Светозарную звезду, сущим во тьме неразумия, зрим тя, святе. Служащу бо у гроба твоего Онисифору тьмою святотатства держиму, двукратным явлением твоим возбранил ему похищати свещи, возжигаемыя верными у мощей твоих. Сего ради со благоговением зовем ти:
Радуйся, прежде мученическия кончины свято поживый; радуйся, по кончине чудесы прославивыйся.
Радуйся, яко жив во граде мощми твоими почиваеши; радуйся, яко присноживый чудеса теми содеваеши.
Радуйся, яко правду милостию растворяеши; радуйся, яко огнем ревности по славе Божией гориши.
Радуйся, святыя мощи твоя неприкосновенны имеяй; радуйся, касатися им дерзающия, яко молния опаляяй.
Радуйся, согрешающих вразумителю; радуйся, святотатцев наказателю.
Радуйся, освящение подаваяй благоговеющим к тебе усердно; радуйся, миром облагоухаяй чтущих тя верно.
Радуйся, святый Димитрие, славный великомучениче и чудотворче.
Кондак 12

Благодать приял еси, Димитрие, целити всяк недуг и всяку язю в людех. Подаждь убо и нашим душам и телесем исцеление, да Богу, даровавшему нам тебе, помощника и врачевателя, благодарственне воспоим: Аллилуиа.
Икос 12

Поюще твоя чудеса, ублажаем тя, досточудне, пред нечестивыми Христа Бога дерзновенно исповедавша, прославляем мученическую кончину твою, почитаем память твою, и сицевая радостная тебе приносим:
Радуйся, стопам Христа Спасителя всех ревностный последователю; радуйся, страстем его мужественный подражателю.
Радуйся, с небесными силами прославляяй Бога; радуйся, с Царицею небесе и земли моляяйся о мире.
Радуйся, многоцелебнаго мира сподобляяй верных; радуйся, разслабленныя телом и духом исцеляяй.
Радуйся, святый Димитрие, славный великомучениче и чудотворче.
Кондак 13

О, святый великомучениче и верный угодниче Христов, Димитрие мироточиве, малое сие песнословие от нас приемше, моли Христа Бога нашего, да вселяется и благоухает в сердцах наших святыня православной веры, да умножается в житии нашем елей благих дел, да не угаснут светильники наши в полунощный час сретения Небеснаго Жениха, и да сподобимся вместе с тобою воспевати Ему в вечном Царствии: Аллилуиа.
Этот кондак читается трижды, затем икос 1-й «Ангелов Творец...» и кондак 1-й «Дивный воеводо...»