прп. Григорий Пельшемский, Вологодский, чудотв.

Преподобный Григорий Пельшемский, Вологодский (ок. 1442 г.) был прославлен на Соборе 1549 г. Он родился в г. Галиче и происходил из рода дворян Лопотовых. Постригся преподобный в Богородичном монастыре за Галичским озером, основанном преподобным Авраамием. Перейдя затем в Ростов, он подвизался в Авраамиевом монастыре, а впоследствии был избран игуменом ростовской обители Спаса на Песках. Избегая молвы, он тайно удалился из Ростова в вологодские леса. Некоторое время он прожил в Сосновецком монастыре, пользуясь наставлениями преподобного Дионисия Глушицкого, затем поселился отшельником на берегу реки Пельшмы, в 30 верстах от Вологды, недалеко от возникшего впоследствии города Кадникова. Постепенно около него составилась небольшая обитель и была построена деревянная церковь во имя Собора Пресвятой Богородицы. Во время междоусобиц за московское княжение жители разоренных вологодских земель стекались в глухую лесную обитель, где находили теплый прием и посильную помощь. За обличение Димитрия Шемяки в том, что тот «свою Русь воюет», а «воинство его горькой смерти предает христиан», святой Григорий был по приказанию князя сброшен с моста на лед. Он умер и был погребен в основанной им обители спустя несколько лет глубоким старцем.

Преподобный Григорий Пельшемский, Вологодский, родился в городе Галиче, Костромской губернии. Он происходил из рода дворян Лопотовых. Когда юноше исполнилось 15 лет, родители хотели его женить, но скончались, не успев исполнить свое желание. Юный Григорий раздал бедным доставшееся ему наследство и поступил в монастырь Пресвятой Богородицы, находившийся на берегу Галичского озера. Игумен обители недоверчиво отнесся к новому иноку из-за его юности и знатности происхождения. Поэтому он отдал Григория в послушание опытному старцу. С великим смирением служил инок Григорий всей братии. Через некоторое время он был удостоен сана священника. Вскоре за преподобным Григорием утвердилась слава пастыря, многие стали приходить за духовными советами и наставлениями. Галичский князь просил преподобного быть, крестным отцом его детей. Тяготясь известностью и близостью родных, преподобный отправился в Ростов на поклонение мощам святителя Леонтия (память 23 мая) и поселился в обители преподобного Аврамия (память 29 октября). Но и здесь быстро распространилась молва о святом подвижнике. Иноки Спасского (Яковлевского) монастыря обратились к архиепископу Ростовскому Дионисию (1418 - 1425 гг.) с просьбой назначить преподобного Григория настоятелем в их обитель. По своему смирению преподобный принял начальство над монастырем, но спустя два года тайно оставил обитель и удалился в Вологодские леса. В Сосновецкой пустыни он познакомился с преподобным Дионисием Глушицким (память 1 июня). Когда Господь внушил святому подвижнику основать свой монастырь, преподобный Дионисий одобрил намерение своего друга. С крестом на плечах преподобный Григорий перешел на реку Пельшему и водрузил крест в лесной чаще на берегу реки. Первым иноком в новой обители стал священник Алексий, в монашестве Александр. В 1426 году в обители был построен храм в честь Пресвятой Богородицы. Иконы для него писал преподобный Дионисий Глушицкий, а сам преподобный Григорий переписывал для обители священные книги. Постепенно число братии возрастало, монастырь расширялся и становился всё более известен. Преподобный Григорий заботился о насаждении благочестия в обители, одновременно принимал он участие и в судьбах своего Отечества. В 1433 году он ходил в Москву, чтобы убедить Галичского князя Юрия Димитриевича, отнявшего у Василия Васильевича Темного Московское княжество, возвратить Москву князю Василию. Князь Юрий послушался преподобного старца. В 1434 г. сын Юрия, Димитрий Шемяка, стал опустошать Вологодские земли, принадлежавшие великому князю. Преподобный Григорий, не терпевший раздоров и насилия, отправился к Димитрию Шемяке и обратился к нему со смелой речью. "Князь Димитрий, - сказал преподобный, - ты творишь дела не христианские. Ступай лучше в страну языческую к людям поганым и не знающим Бога. Вдовы и сироты христианские вопиют против тебя пред Богом. Сколько гибнет от тебя людей голодом и стужей, и если вскоре не прекратишь междоусобия, кровопролития и насилия, то сам скоро лишишься и славы и княжества". За смелое обличение Шемяка приказал сбросить святого старца с моста. Преподобный несколько часов лежал недвижимый. Но обличения его подействовали, и Шемяка вскоре оставил Вологду. Мужество преподобного Григория еще более усилило его почитание. Перед кончиной, приобщившись Святых Таин, он преподал наставления братии и назначил игуменом обители своего сподвижника Александра. Преставился преподобный Григорий 30 сентября 1442 года и был погребен в основанном им монастыре.

Тропарь преподобного Григория Пельшемского, Вологодского чудотворца
глас 8
Любовию Христовою, богомудре, просветився, / добродетельми облистал еси: / и всякое наслаждение плотское возненавидев, / и в пустыню вселився, в нейже вельми подвизался еси в жизни сей временней / в пениих и во бдениих, и в пощениих. / Сего ради и Христос даром чудес обогати тя: / но поминай нас чтущих пресветлую память твою, преподобне отче Григорие, / и моли Христа Бога, спастися душам нашим.

Кондак преподобного Григория Пельшемского, Вологодского чудотворца
глас 8
Христовою любовию уязвився преподобне,/ и Тому невозвратным желанием последовал еси,/ всякое наслаждение плотское возненавидев,/и в пустыню вселився, в ней вельми подвизался еси:/ тем и Христос даром чудес обогати тя. Поминай нас чтущих пресветлую память твою, да зовем ти:/ радуйся, преподобне Григорие, отче наш.

Величание преподобного Григория Пельшемского, Вологодского чудотворца
Ублажаем тя, преподобне отче Григорие, и чтим святую память твою, наставниче монахов и собеседниче ангелов.

Молитва преподобному Григорию Пельшемскому, Вологодскому
О священная главо, преподобне отче, преблаженне авво Григорие! Не забуди чад твоих, ихже богоугодными труды и молитвенными подвиги духовно породил еси; поминай нас во святых твоих благоприятных молитвах и назидай предстательством твоим стадо твое, еже сам упасл еси; моли за ны, отче священный, дети твоя духовныя, яко имеяй дерзновение к Небесному Царю; не премолчи за ны ко Христу, и не презри нас, верою и любовию чтущих тя. Поминай недостойных нас пред Престолом Вседержителя, тебе бо дадеся благодать молитися за ны. Аще бо телом преставился еси от нас, но и по смерти жив во Христе пребываеши, не отступи от нас духом, сохраняй нас от стрел вражиих от прелести бесовския и козней диавольских, пастырю наш добрый. Се бо, ракою мощей твоих пребывая с нами, святою твоею душею с Небесными Силами у Престола Вседержителева предстоиши и тамо достойно славиши Господа. Темже, припадающе со умилением, молимся тебе о спасении душ наших; испроси нам время на покаяние и невозбранно прейти от земли на Небо чрез мытарства горьких бесов, да твоим предстательством от вечныя муки избавльшеся, Небесное Царствие наследовати сподобимся со всеми праведными, от века угодившими Христу Господу нашему; Емуже подобает всякая слава, честь и поклонение, ныне и в бесконечныя веки веков. Аминь.

АКАФИСТ ГРИГОРИЮ ПЕЛЬШЕМСКОМУ, ВОЛОГОДСКОМУ

Кондак 1

Возбранный угодниче Христов, святе Григорие, яко благий раб вшедый в радость Господа твоего, моли Владыку небесе и земли подати нам благодать свыше, с терпением до конца понести благое и легкое иго Его, да зовем ти, якоже чада ко отцу:
Радуйся, угодниче Христов Григорие Богомудре.
Икос 1

Ангелов лицы твоему великому во спасительных подвизех терпению удивишася; и мы, ублажающе благодатное звание твое на служение Господу, радостно возглашаем тебе:
Радуйся, от пелен избранный Богу;
Радуйся, добротами Духа издетска украшенный.
Радуйся, чистотою душевною возсиявый;
Радуйся, знамения благодати яве в себе носивый.
Радуйся, древо, насажденное посреде Церкве Божия;
Радуйся, цвете Божественнаго сада.
Радуйся, благовозделанная лозо винограда Христова;
Радуйся, от юнаго возраста тесным путем шествовати избравый.
Радуйся, от младости себе Христу возложивый;
Радуйся, угодниче Христов, Григорие Богомудре.
Кондак 2

Видя благая мира сего скоротечна и непостоянна, ум твой ко Творцу возложив, пренебрегл еси рода светлость, лесть богатства временнаго, и от юности возлюбил еси возлюбившаго тя, еже взывати к Нему: Аллилуиа.
Икос 2

Разум лжеименен ко спасению ведя, озаритися свыше восхотел еси: сего ради с разумом и волю в послушание пленяя вере, в терпении восхотел еси стяжати душу твою. Тем и мы, от отрочества тя избранный сосуд благодати ведяще, вопием к тебе:
Радуйся, Духа Святаго благоприятное обиталище;
Радуйся, благодатный плод в души твоей возделавый.
Радуйся, насаждение во дворех дому Бога нашего красно процветшее;
Радуйся, ангельское житие возлюбивый.
Радуйся, от младых ногтей стезям подвигоположника последовавый и душу твою Богу сочетавый;
Радуйся, сладости плотскаго сожития богомудре презревый.
Радуйся, яко изволением Божиим и родителие твои соизволиша, да работаеши Христу;
Радуйся, яко возлюбив нищету некрадому, богатство родителей твоих оставил еси.
Радуйся, яко рабы твоя и рабыни свободив, всего себе Христу поработил еси;
Радуйся, угодниче Христов, Григорие Богомудре.
Кондак 3

Силою невидимою веден был еси в незнаемая и непроходимая места, егда убегая славы человеческия, честь и достояние земное оставил еси, пришел же еси во обиталище неведомо, хотя в скорбех научитися пети: Аллилуиа.
Икос 3

Имея твердое предложение до конца оставити мир, по преставлении честных родителей твоих, вся имения твоя нищим и убогим раздал еси, да стяжеши себе сокровище на небеси, егоже обрести сподоби и нас, песнословящих тя:
Радуйся, славная мира сего во уметы вменивый;
Радуйся, яко душею твоею предложивый собрати богатство нетленное.
Радуйся, в веселии сердца крест Христов на рамо твое вземый;
Радуйся, христолюбивыми трудами крепость духа стяжавый.
Радуйся, слезами, яко росою, душевную ниву напоивый;
Радуйся, тщавыйся не себе, но Христу жити безстрастием.
Радуйся, совестию чистою в молитвах аки безплотен бывый;
Радуйся, на богокрасную доброту взирая, от плотския доброты око твое отвративый.
Радуйся, постом, бдением, воздержанием лесть мира и плоти низложивый;
Радуйся, угодниче Христов, Григорие Богомудре.
Кондак 4

Бурю страстей, во плоти человечестей волнующуюся, от юна возраста укротити тщился еси, егда в сердце твое начало премудрости страх Божий всадив, и быв исполнен им, николиже детским глумлением примешался еси, но во дни и в нощи закону Божию поучался, песненно глаголал еси: Аллилуиа.
Икос 4

Слыша труды и подвиги богоноснаго Дионисия, ученик был еси его: преуспевшее в добродетелех его, обитель нову наздати восхотел еси. И мы, вкушающе ныне плоды трудов твоих, в веселии воспеваем:
Радуйся, в подвизех великому Дионисию соревновавый;
Радуйся, в силе Христове Евангельским путем шествовавый.
Радуйся, бдением и молитвою душу твою очистивый;
Радуйся, лествицею добродетелей на мысленное небо возтекий.
Радуйся, смирением высокая, нищетою богатая стяжавый;
Радуйся, обитель яко сад небесный насадивый.
Радуйся, в подвизех образ иноком бывый;
Радуйся, пустынный жителю, в телеси ангелом подобивыйся.
Радуйся, безмолвия любителю, духом твоим в вышних обитавый;
Радуйся, угодниче Христов, Григорие Богомудре.
Кондак 5

Боготечное к Царствию Небесному совершая шествие, потщался еси в любви Христове и иных на стези правыя к нескончаемей жизни направляти, да умудреннии тобою во спасение зовем: Аллилуиа.
Икос 5

Видевше владыцы и князи людстии благоразсудливость и добродетели твоя, преподобне, искаху просветитися и пользоватися от тебе, якоже сотвори князь отечественныя страны Юрий, егоже чад крещением просветил еси. Темже восхваляем тя:
Радуйся, истиннаго разума учителю;
Радуйся, пути, вводящаго в жизнь, наставниче.
Радуйся, прилежно обучавыйся и обучавый благочестию;
Радуйся, верно утверждавыйся и утверждавый в православии.
Радуйся, покланявыйся Богу духом и истиною;
Радуйся, служивый Ему во исповедании устен и сердца.
Радуйся, веры истинныя блюстителю;
Радуйся, уставов и законоположений Церкве хранителю.
Радуйся, иноков богосветлый вождю;
Радуйся, угодниче Христов, Григорие Богомудре.
Кондак 6

Проповедуют вернии миротворение твое, преподобне, егда услышав нестроение двух князей, единаго низвержена со престола, другаго же нагло похитивша чуждое наследие, потщался еси шествовати в царственный град Москву и примирению княжеску послужити, да при восприятии киимждо своего воспеваеши с ними: Аллилуиа.
Икос 6

Возсия ревность твоя по достоянии Христове благосерде, егда строптивый князь Димитрий прииде злобно на град Вологду со ратию и многа зла людем сотвори; ты же небоязненно обличив неистовство его, яко миротворец, безчестие и поругание претерпел еси. Сего ради видяще миролюбный подвиг твой, достойно восхваляем тя:
Радуйся, мира и правоты в людех блюстителю;
Радуйся, мщения и злобы от сердец искоренителю.
Радуйся, твердый защитниче невинности и неправедных умышлений обличителю;
Радуйся, градов и граждан умирителю.
Радуйся, готовый в напастех защитниче;
Радуйся, властолюбия прогонителю.
Радуйся, от смут и треволнений житейских исхитителю;
Радуйся, ходатаю о людех пред Богом и пред князи людий.
Радуйся, яко тобою познаем, коль красно быти в мире;
Радуйся, угодниче Христов, Григорие Богомудре.
Кондак 7

Хотящу ти спасти чад, тобою собранных, любовь, корень всех благих, заповедал еси имети им между собою, юже хранящим обещал еси ни в чесомже имети оскудение. Испроси и нам у Человеколюбца Христа благодать братолюбия, да поем: Аллилуиа.
Икос 7

Нова тя показа Господь угодника и всей Российстей, паче же Вологодстей, стране; обитель бо уготовав себе Духу Святому, обитель для спасения иночествующих создал еси, в нейже труды ко трудом прилагая, христоподражательный пример учеником твоим оставил еси, наньже взирающе, тебе вернаго наставника восхваляем:
Радуйся, благодати жилище в себе уготовавый;
Радуйся, доме Духа Святаго, дом для приметающихся к дому Божию устроивый.
Радуйся, пустынолюбный орле, для птенцев твоих пустыню мира избравый;
Радуйся, наставниче безмолвствующих.
Радуйся, на воде покойне слез и умиления воспитавыйся;
Радуйся, тоюжде пищею поста и воздержания и последователей твоих питавый.
Радуйся, силу Христову в немощи явивый и тоюже силою благодушно немощи немощных носивый;
Радуйся, молитвенниче, молитвы твоя о врученных тебе прилежно возносивый.
Радуйся, темиже молитвами стадо твое утверждавый;
Радуйся, угодниче Христов, Григорие Богомудре.
Кондак 8

Странно и пришельчески жительствовати на земли Христа ради изволивый, странное для сущих от мира житие пожил еси: долу бо горняя мысля, и на земли небесная дея, и в мире сый не был еси от мира. Темже мы, ублажающе небесное на земли жительство твое, глаголем Богу: Аллилуиа.
Икос 8

Всем сердцем предан был еси Христу Богу в животе твоем, богоносе, Емуже и работал еси в преподобии и правде; сего ради и Господь, видя труды твоя, бдение же и пощение, еще в жизни прослави тя подвигами святости, яже воспевающе, тебе глаголем:
Радуйся, тайн Божиих верный строителю;
Радуйся, верный священнодействователю служения Господня.
Радуйся, светильниче, на свещнице благодатнем поставленный;
Радуйся, бодренный делателю вертограда Христова.
Радуйся, мудрствовавый яже во Христе Иисусе;
Радуйся, яко дея учил еси презирати плоть, прилежати же о души, вещи безсмертней.
Радуйся, плоть уму, а ум духу покоривый;
Радуйся, духом ходивый и похоти плотския отгнавый.
Радуйся, различными страстьми боримым помощниче;
Радуйся, угодниче Христов, Григорие Богомудре.
Кондак 9

Всякое тщание прилагал еси, богоблаженне, еже возгражденную от тебе обитель соделати вертоградом благоплодным, да делателе его, наслаждающеся во время свое плодами трудов твоих, воспевают согласно Богу в день вечнаго веселия: Аллилуиа.
Икос 9

Витии многовещаннии суть деяния жития твоего, имиже, яко благоглаголивыми устами, научаеши нас возвещати хвалу Господню и глаголати к тебе:
Радуйся, богомудрая доброто;
Радуйся, небесный человече и земный ангеле.
Радуйся, смиренномудрия рачителю;
Радуйся, светильниче, в нощи мира сего нас озаряя.
Радуйся, заповедий владычних бодрственный блюстителю;
Радуйся, шествующих путем Христовым спутниче и водителю.
Радуйся, колеблющихся в вере утверждение;
Радуйся, ослабевающих в подвизех укрепление.
Радуйся, световодителю блуждающих в стезях стропотных;
Радуйся, угодниче Христов, Григорие Богомудре.
Кондак 10

Спасти хотя во обитель твою притекших, егда познал еси отшествие твое от мира к премирней жизни и от трудов к покою, призвал еси братию твою, юже, яко добрый пастырь, наставив работати в мире Господу, вручил еси их нову игумену, душу же твою Богу предал еси, воспевая: Аллилуиа.
Икос 10

Стену крепку в немощех и забрало необоримо от всяких наветов вражиих, показа тя Вседетель чудодействием во святем преставлении твоем: начавшу бо совершатися обычному надгробному о тебе пению и целованию последнему, бесный изцеле, и одержимый болезнию очес инок тогда же исповеда пред всеми внезапное свое изцеление; обрадованная же братия и ученицы, видевше таковое прославление свыше своего пастыря, воспета единеми усты:
Радуйся, авво всеблаженне, бодрственно совершивый добрый подвиг;
Радуйся, к премирному возшедый пребыванию.
Радуйся, класы присноживотия пожавый;
Радуйся, благодать чудес от Бога приемый.
Радуйся, бесовския полки победивый;
Радуйся, вся стрелы лукаваго разжженныя угасивый.
Радуйся, море житейское благотишно преплывый;
Радуйся, к нестареющейся жизни прешедый.
Радуйся, небесный покой онаго века улучивый;
Радуйся, угодниче Христов, Григорие Богомудре.
Кондак 11

Пение благодарственное в сердцы выну принося Христу, приведшему тя непреткновенна посреде сетей многих; обаче от многаго смиренномудрия, во очищение души и тела твоего, дивная пред отшествием твоим завещал еси: да тело твое, на немже носил еси язвы Христовы, егда скончаешися, влекше ввергнут в блато. Благоговеющая же ко отцу чада, по преставлении твоем, честне предаша земли тело твое, провождающе дух на небеса светлою песнию Богу: Аллилуиа.
Икос 11

Светозарную лучу духа яве показал еси и в богоноснем теле твоем, егда в преставлении благоухание разлияся от мощей твоих и цельбоносная сила истече, яко от источника, последи же и мощи твоя нетленны явишася. И ныне, в невечернем свете с праведными ликовствуя, по достоинству слышиши от нас:
Радуйся, верный рабе и друже Божий;
Радуйся, за верность твою вшедый в радость Господа твоего.
Радуйся, известивый звание делы;
Радуйся, праведным житием твоим собравый лик шествующих по тебе к Богу.
Радуйся, светильниче, светяй и горяй о нас пред Богом;
Радуйся, вознося к Богу молитвы наша, яко кадило.
Радуйся, путевождю к Царству Славы;
Радуйся, деннице, являющая зрящим горе солнце правды.
Радуйся, пристанище взыскающим благотишия небеснаго;
Радуйся, угодниче Христов, Григорие Богомудре.
Кондак 12

Благодать Господа Иисуса исполни сердце твое дарами Духа Святаго в житии твоем, а по смерти осия тя славою безсмертия. Мы же, от раки мощей твоих восприемлюще токи благодати, напаяющия души наша во спасение, всеконечне вопием о тебе Богу: Аллилуиа.
Икос 12

Поюще твое досточудное житие, богоблаженне, восхвалити тебе недоумеваем по достоянию; обаче горяще любовию к присноживотней памяти твоей, не умолчим вопити тебе:
Радуйся, течение постническое добре скончавый;
Радуйся, путем правым непреткновенно шествовавый.
Радуйся, яко сеявый слезами, ныне плоды спасения в радости пожинаеши;
Радуйся, земными подвиги небесная дарования стяжавый.
Радуйся, яко в мире жизнь скончавый, в земли кротких достойно водворяешися;
Радуйся, яко священник во священницех и пустынножитель в пустынножителех жребий твой восприял еси.
Радуйся, зрением лица Божия веселяйся;
Радуйся, во славе небесней Престолу Пресвятыя Троицы предстояй.
Радуйся, о обители и стаде твоем, еже трудолюбно собрал еси, моляйся;
Радуйся, яко от всей Православной Церкви и благочестивем царстве Российстем выну предстательствуяй.
Радуйся, угодниче Христов, Григорие Богомудре.
Кондак 13

О священная главо, преподобне отче Григорие! Моли непрестанно Христа Господа, да не оскудеет в нас вера и святии подвизи твои, да будет мир в братии твоей и обилие во ограде обители твоея и во всем мире Господни; тогда исполнятся радости сердца наша и язык наш веселия, и вси воспоем единеми усты Владыке Богу: Аллилуиа.
Этот кондак читается трижды, затем икос 1-й и кондак 1-й