мч. Виктор Халкидонский

Святая великомученица Евфимия Всехвальная, мученики Виктор и СосфенСвятая великомученица Евфимия всехвальная была дочерью христиан - сенатора Филофрона и Феодосии. Она пострадала за Христа в г. Халкидоне, расположенном на берегу Босфора, напротив Константинополя, около 304 года.Халкидонский правитель Приск разослал приказание всем жителям Халкидона и его окрестностей явиться на языческий праздник поклониться и принести жертву идолу Арея, угрожая великими муками тому, кто не исполнит приказания. Во время этого нечестивого празднества 49 христиан скрывались в одном доме, где тайно совершали Божественную службу Истинному Богу. Среди молящихся находилась и юная девица Евфимия. Вскоре о местопребывании христиан стало известно, и они были приведены к Приску для ответа. В течение 19 дней мучеников подвергали различным пыткам и истязаниям, но никто из них не поколебался в вере и не согласился принести жертву идолу. Разгневанный правитель, не зная, каким еще способом принудить христиан к отречению, послал их на суд к императору Диоклитиану, но отделил от них самую юную - девицу Евфимию, надеясь, что она, оставшись одна, не выдержит испытаний.Святая Евфимия, разлученная со своими братьями по вере, усердно молилась Господу Иисусу Христу, чтобы Он Сам укрепил ее в предстоящем подвиге. Сначала Приск уговаривал святую отречься, обещая земные блага, потом дал приказание мучить ее. Мученица была привязана к колесу с острыми ножами, которые при вращении отрезали куски тела. Святая громко молилась. И вот, колесо само собой остановилось и не двигалось при всех усилиях палачей. Сошедший с неба Ангел Господень снял Евфимию с колеса и исцелил от ран, святая же с веселием благодарила Господа.Не вразумившись чудом, мучитель повелел воинам Виктору и Сосфену бросить святую в раскаленную печь. Но те, увидев в пламени двух грозных Ангелов, отказались исполнить приказание правителя и сами уверовали в Бога, Которому поклонялась Евфимия. Дерзновенно возгласив, что и они христиане, Виктор и Сосфен смело пошли на страдания. Они были отданы на съедение зверям. Во время казни они взывали к милосердию Божию, чтобы Господь и их принял в Царство Небесное. Услышав призывавший их небесный Глас, они отошли в жизнь вечную. Звери же даже не дотронулись до их тел.Святая Евфимия, брошенная другими воинами в печь, осталась цела. С Божией помощью она выходила невредимой после многих других пыток и истязаний. Приписывая это волшебству, правитель велел выкопать новый ров, наполнил его ножами, а сверху прикрыл землей и травой, чтобы мученица не знала о приготовленной ей казни; но и тут святая Евфимия осталась невредимой, легко прошедши надо рвом. Наконец, ее осудили на съедение зверям в цирке. Перед казнью святая стала просить, чтобы Господь сподобил ее умереть. Ни один зверь, выпущенный на арену, не бросился на святую. Лишь одна медведица нанесла ей небольшую рану на ноге, из которой истекла кровь, и святая великомученица Евфимия тотчас скончалась. В это время произошло землетрясение, стражники и зрители от страха бежали, так что родители святой смогли взять ее тело и с честью похоронить недалеко от Халкидона.Впоследствии на могиле великомученицы Евфимии был возведен величественный храм. В этом храме происходили заседания IV Вселенского Собора в 451 году, во время которых святая великомученица чудесным образом подтвердила православное исповедание, положив предел ереси монофизитов, о чем подробно сказано в день воспоминания этого чуда II июля.По взятии Халкидона персами в 617 году мощи святой великомученицы Евфимии перенесены были в Константинополь (около 620 г.). В период иконоборческой ереси рака с мощами святой Евфимии оказалась брошенной в море. Благочестивые корабельщики извлекли их. Впоследствии они попали на остров Лемнос, а в 796 году были возвращены в Константинополь.

Тропарь святому мученику Виктору
глас 4
Мученик Твой, Господи, Виктор во страдании своем венец прият нетленный от Тебе Бога нашего; имеяй бо крепость Твою, мучителей низложи, сокруши и демонов немощныя дерзости. Того молитвами спаси души наша.

Кондак святому мученику Виктору
глас 4
Иже славе, Господи и всех Содетелю, Ты в мире явил еси украшенных добродетельми страстотерпцы и мученики, да имут непобедимую победу.

Молитва святому мученику Виктору
О святый угодниче Божий, славный мучениче Викторе! Подвигом добрым подвизався на земли, восприял еси на небесех венец правды, егоже уготовал есть Господь всем любящим Его. Темже взирающе на святый твой образ, радуемся о преславнем скончании жительства твоего и чтим святую память твою. Ты же, предстоя престолу Божию, приими моления наша и ко Всемилостивому Богу принеси, о еже простити нам всякое прегрешение и помощи нам стати противу кознем диавольским, да избавльшеся от скорбей, болезней, бед, напастей, и всякаго зла, благочестно и праведно поживем в нынешнем веце и сподобимся предстательством твоим, аще и недостойни есмы, видети благая на земли живых, славяще единаго во святых Своих славимаго Бога, Отца и Сына и Святаго Духа, ныне и во веки веков. Аминь.

АКАФИСТ СВЯТОМУ МУЧЕНИКУ ВИКТОРУ

Кондак 1

Избраннаго воина Христа Бога нашего, святаго мученика Виктора песньми почтим, яко ходатая нашего и молитвенника; ты же, страстотерпче, яко имеяй дерзновение ко Господу, от всяких нас бед свободи, да зовем ти: Радуйся, Викторе, мучениче преславный.
Икос 1

Ангел земный и человек небесный явился еси, святый мучениче, егда озарившеся светом истиннаго богопознания, радостно потекл еси на страдальческий подвиг. Темже, поминающе страдания твоя, за Христа претерпенныя, вопием ти сице:
Радуйся, Творца всяческих всем сердцем возлюбивый.
Радуйся, за имя Его тяжкая страдания приемый.
Радуйся, идольское нечестие обличивый.
Радуйся, любве ради твоея ко Христу живота своего не пощадивый.
Радуйся, славу мира сего ни во чтоже вменивый.
Радуйся, сладости райския вкусивый.
Радуйся, Викторе, мучениче преславный.
Кондак 2

Видя гонения нечестивых на христианы, не убоялся еси прещения и мучительства их, но яко доблий воин Христов, пред нечестивым воеводою Севастианом предстал еси, и веру свою во единаго истиннаго Бога исповедал еси, поя велегласно: Аллилуиа.
Икос 2

Разум богодухновен имея, святый мучениче Викторе, изумил еси мучителя мужеством души твоея и словесы, имиже дерзновенно проповедал еси Христа - Истиннаго Бога. Темже, похваляюще исповедание твое, вопием ти таковая:
Радуйся, единаго истиннаго Бога проповедниче.
Радуйся, Пресвятыя Троицы верный поклонниче.
Радуйся, идольскаго служения искоренителю.
Радуйся, христианскаго благочестия насадителю.
Радуйся, Царствия Небеснаго наследниче.
Радуйся, славы вечныя сопричастниче.
Радуйся, Викторе, мучениче преславный.
Кондак 3

Силою Вышняго укреплен, дерзновенно пред мучителем стал еси, мужественный исповедниче Христов, темже угрозы и ласкательства онаго презрев, на подвиг мученический потекл еси, поя Богу: Аллилуиа.
Икос 3

Имея крепкую надежду на Небеснаго Владыку и Господа, и помняще слово апостольское, яко подобает повиноватися Богу паче, нежели человеком, ты, святый мучениче, не повинуяся велению мучителя, но исповедав себе воином Царя Небеснаго быти, отринул еси языческое нечестие и в руце мучителей предался еси. Мы же, поминающе мужество твое, вопием ти сице:
Радуйся, доблий воине Царя Небеснаго.
Радуйся, верный рабе своего Домовладыки.
Радуйся, угрозы нечестивых презревый.
Радуйся, прелесть идольскую обличивый.
Радуйся, подвиг мученический добре совершивый.
Радуйся, веру свою во Христа кровию засвидетельствовавый.
Радуйся, Викторе, мучениче преславный.
Кондак 4

Бурею ярости одержим, безумный мучитель повеле тяжко мучити тя и в пещь огненную воврещи. Ты же, все упование свое на Бога возложивый, во огнь, якоже иногда три отроцы, безбоязненно вшел еси, поя победную песнь: Аллилуиа.
Икос 4

Слышав нечестивый воевода, яко по триех днех пребывания во огненней пещи, ты, славный мучениче, невредим обрелся еси, и еще большия ярости исполняяся, призва чародея и повеле ему умертвити тя. Ты же, смертоносную пищу приим, паки неврежден пребыл еси, подвизая вопити тебе таковая:
Радуйся, поборниче веры непоколебимый.
Радуйся, страстотерпче, адаманта твердейший.
Радуйся, огня неубоявыйся.
Радуйся, росою молитв твоих пламень огненный угасивый.
Радуйся, смертоносныя снеди вкусив, невредим пребывый.
Радуйся, пищи райския ныне наслаждаяйся.
Радуйся, Викторе, мучениче преславный.
Кондак 5

Боготечней звезде подобен был еси, мучениче Христов, указующей путь спасения: чародея бо, умертвити тя хотящаго, веровати во Христа подвигл еси, научая воспевати купно с тобою: Аллилуиа.
Икос 5

Видевше душевныма очима своима Бога, яве чудодействующа тобою, святый Викторе, волхв нечестивый умилися сердцем и уверова во Христа, тобою проповедуемаго. Мы же, воспевая величия Божия, на тебе явленная, глаголем:
Радуйся, спасительным словом тьму неверия разгнавый.
Радуйся, мученическим веры исповеданием неверныя ко Христу обративый.
Радуйся, вся козни диавола разрушивый.
Радуйся, силу демонскую верою Христовою низложивый.
Радуйся, верных ко прославлению Бога воздвизающий.
Радуйся, в бедах и скорбех сущих прибегати к Нему наставляющий.
Радуйся, Викторе, мучениче преславный.
Кондак 6

Проповедником истинныя веры во Христа явился еси пред мучители твоими, страстотерпче славне, никия бо раны тебе содеянныя не возмогоша повредити тебе: кипящий бо елей, аки источник воды прохладныя тебе показася, и оцет, аки сладкий сот тебе бысть. Мы же, терпению твоему удивляяся, вопием Богу, дивному во святых Своих: Аллилуиа.
Икос 6

Возсия свет слепотствующим очесем мучителей твоих, егда ты, святый мучениче, имя Господа Иисуса призвал еси. Сего ради тебе, славному угоднику Божию и чудотворцу, взываем:
Радуйся, скорый наш пред Богом заступниче и ходатаю.
Радуйся, о душах наших теплый предстателю.
Радуйся, недужных молитвою своею исцеляяй.
Радуйся, раны душевныя и телесныя врачуяй.
Радуйся, веру нашу укрепляяй.
Радуйся, надежду нашу утверждаяй.
Радуйся, Викторе, мучениче преславный.
Кондак 7

Хотяще прославити Бога, укрепляющаго избранныя Своя, жена некая, именем Стефанида, пришедши на место мучения твоего и велию терпению твоему удивляяся, виде венцы нетленныя с небесе сходящия. Сие убо благоговейно зряще и Бога в сердце своем славяще, возопи: Аллилуиа.
Икос 7

Новую показа безчеловечия ярость злобный мучитель, егда юную Стефаниду, похваляющую страдания твоя, мучениче Христов Викторе, повеле, приклонив ветви древес, привязавши, разсещи. Мы же, подвиг святыя мученицы славяще, ублажаем купно с нею страдания твоя, страстотерпче, вопиюще:
Радуйся, жертвою благоприятною, якоже Авелево приношение, Богу бывый.
Радуйся, праведности и благих дел, якоже Ной, исполненный.
Радуйся, в вере Аврааму подражаяй.
Радуйся, Иову в терпении последствуяй.
Радуйся, якоже Давид, все упование свое на Господа возложивый.
Радуйся, лик мученический восполнивый.
Радуйся, Викторе, мучениче преславный.
Кондак 8

Странно бе видети и слышати языком, неведущим Божией силы, како в слабом человечестем телеси возможно таковыя претерпевати за Христа муки. Мы же, славяще Бога, даровавшаго святым мучеником таковую крепость, с любовию взываем: Аллилуиа.
Икос 8

Весь радости божественныя исполнился еси, святый мучениче, егда повеление мучителя на мечное твое усечение услышал еси. Мы же, страдания твоя воспоминающе, и велие терпение твое похваляюще, глаголем:
Радуйся, веру, надежду и любовь до конца сохранивый.
Радуйся, венец мученический от руки Вседержителя приемый.
Радуйся, в невечернем дни Царствия Христова водворивыйся.
Радуйся, во обителех райских на Небеси вселивыйся.
Радуйся, усердно у престола Божия о нас молящийся.
Радуйся, о призывающих тя непрестанно пекущийся.
Радуйся, Викторе, мучениче преславный.
Кондак 9

Всякия беды и напасти избави нас молитвами твоими, страстотерпче святый Викторе, велие бо имаши дерзновение пред Господем, за Негоже и душу свою положил еси, взывая непрестанно: Аллилуиа.
Икос 9

Витии многовещаннии не возмогут изрещи тебе достойныя хвалы мучениче славный, многих ради подвигов и страданий, ихже за Христа подъял еси волею. Сего ради мы, недоумевая восхвалити тя по достоянию, воспеваем сице:
Радуйся, веры христианския исповедниче неустрашимый.
Радуйся, воине Христов непобедимый.
Радуйся, благонадежный помощниче всем за истину терпящим.
Радуйся, скорый утешителю в беде сущих.
Радуйся, Церкви Христовы защитниче.
Радуйся, всех православных заступниче.
Радуйся, Викторе, мучениче преславный.
Кондак 10

Спасения и вечныя радости достигше по мнозех страданиях Христа ради, ты, святый мучениче, научаеши и нас вся, ради Бога, благодушно претерпевати и на Него единаго все упование свое возлагати, воспевая песнь: Аллилуиа.
Икос 10

Стена и прибежище к тебе притекающим ты еси, угодниче Божий, молишися бо непрестанно Христу Богу нашему за всех почитающих страдания твоя. Приими убо, мучениче многострадальне, и от нас грешных сия убогия похвалы:
Радуйся, яко возлюбил еси живот вечный паче временнаго.
Радуйся, яко Царствие Небесное предпочел еси славе человечестей.
Радуйся, яко страдании твоими снискал еси нескончаемую радость.
Радуйся, яко вкусивши смерть мученическую, прешел еси к блаженному безсмертию.
Радуйся, горняго Сиона наследниче.
Радуйся, Христовы Церкви велие удобрение.
Радуйся, Викторе, мучениче преславный.
Кондак 11

Пение Пресвятей Троице воздал еси, святый мучениче Викторе, не словом точию, но живым всего себе в жертву принесением: Творца бо своего паче всего возлюбил еси и Ему единому добре послужил еси, поя со умилением: Аллилуиа.
Икос 11

Светоприемный светильник истиннаго света сущим на земли являешися, богоизбранне Викторе, просвещаеши бо сердца верных и к разуму Божественному наставляеши вопиющих ти с любовию таковая:
Радуйся, Подвигоположника Христа последователю.
Радуйся, жития непорочнаго рачителю.
Радуйся, кротости и смирения образе.
Радуйся, послушания и терпения учителю.
Радуйся, светило благочестия немерцающее.
Радуйся, звездо, ко спасению путь верный показующая.
Радуйся, Викторе, мучениче преславный.
Кондак 12

Благодать Божественнную испроси нам, мучениче Христов, много бо может молитва праведнаго ко благосердию Владыки, не возгнушайся нашея греховныя нечистоты, но буди нам во всем помощник и к покаянию благий наставник, научая милующему нас Богу воспевати: Аллилуиа.
Икос 12

Поюще многострадальныя подвиги твоя, славный страстотерпче, хвалим долготерпение твое, ублажаем мученическую кончину, почитаем священную память твою и в похвалу сицевая тебе зовем:
Радуйся, во страдании своем доблесть чудную явивый.
Радуйся, язвы Господа Иисуса Христа на теле твоем носивый.
Радуйся, наследие Царствия Христова стяжавый.
Радуйся, в дому Отца Небеснаго обитель себе сотворивый.
Радуйся, яко тобою Бог прославляется.
Радуйся, яко тобою демоны посрамляются.
Радуйся, Викторе, мучениче преславный.
Кондак 13

О всеблаженный святый мучениче Викторе, приими сие наше хвалебное пение, от умиленнаго сердца тебе приносимое, и избави нас от всякаго зла твоим теплым к Богу ходатайством, да с тобою и всеми святыми воспеваем победную песнь: Аллилуиа.
(Этот кондак читается трижды, затем икос 1 и кондак 1)